ខេត្តបន្ទាយមានជ័យ ៖ ករណីចាប់ពលករខ្មែរលើទឹកដីថៃចោទថា ឆ្លងដែនខុសច្បាប់ហាក់កើតមានមិនចេះថមថយ ខណៈប្រទេសថៃបន្តបិទព្រំដែន ដើម្បីបង្កាទប់ស្កាត់មេរោគកូវីត១៩។ ជាក់ស្តែង ប៉ុន្មានថ្ងៃជាប់គ្នាៗចុងក្រោយនេះ និងកន្លងមក…
ខេត្តបន្ទាយមានជ័យ ៖ ករណីចាប់ពលករខ្មែរលើទឹកដីថៃចោទថា ឆ្លងដែនខុសច្បាប់ហាក់កើតមានមិនចេះថមថយ ខណៈប្រទេសថៃបន្តបិទព្រំដែន ដើម្បីបង្កាទប់ស្កាត់មេរោគកូវីត១៩។
ជាក់ស្តែង ប៉ុន្មានថ្ងៃជាប់គ្នាៗចុងក្រោយនេះ និងកន្លងមក ពលករខុសច្បាប់ត្រូវបានសមត្ថកិច្ចថៃក្នុងខេត្តស្រះកែវ ធ្វើការចាប់ខ្លួនជាបន្តបន្ទាប់មានតិចមានច្រើន។ ជាមួយគ្នានេះ កាលពីយប់ថ្ងៃទី៨ កក្កដា ពលករខ្មែរចំនួន៥៩នាក់ ត្រូវបានសមត្ថកិច្ចថៃចាប់នៅជិតបន្ទាត់ព្រំដែនក្នុងភូមិខ្លងផែង ឃុំទ័ពស្តេច ស្រុកតាប្រាយ៉ា ក្រោយឆ្លងព្រំដែនពីស្រុកថ្មពួក។
ពលករទាំងនេះ មានប្រុស៣៤នាក់ ស្រី២៥នាក់នេះ បើយោងតាមកាផ្សាយរបស់គេហទំព័រនិងកាសែតក្នុងស្រុកថៃមួយ។ តាមការសាកសួរក្រុមពលករប្រាប់សមតកិច្ចថៃថាពួកគេឆ្លងព្រំដែនតាមរយៈមេខ្យល់គេយកម្នាក់៣០០០បាតបំណងទៅរកការងារធ្វើលើទឹកដីថៃ។
សមត្ថកិច្ចថៃបានយកពលករទាំងនេះ ទៅកាន់ស្ថានីយតម្រួតស្រុកតាប្រាយ៉ា ដើម្បីចាត់ការបន្ត។ បើករណីពលករឆ្លងដែនខុសច្បាប់កើតមាននិងត្រូវសមត្ថកិច្ចថៃចាប់បានស្ទើររៀងរាល់ថ្ងៃបែបនេះតើអ្នកណាជាអ្នកទទួលខុសត្រូវ៕
ចែករំលែកព័តមាននេះ