ខេត្តមណ្ឌលគិរី ៖ ព្រឹកថ្ងៃទី១០ កក្កដា នេះ សង្កេតឃើញភ្ញៀវទេសចរជាច្រើនដែលមកលេងកម្សាន្តនៅក្នុងខេត្តមណ្ឌលគិរី ស្ទើរតែ១០០%ហើយ គឺគាត់មិនបានពាក់ម៉ាស់ការពារនោះឡើយ ខណៈបញ្ហាកូវីដ១៩នៅតែជាប្រធានបទដ៏ក្តៅនាពេលបច្ចុប្បន្ន ហើយអាជ្ញាធរក៏បានសុំឱ្យបងប្អូនទាំងអស់ត្រូវចូលរួមបង្ការ…
ខេត្តមណ្ឌលគិរី ៖ ព្រឹកថ្ងៃទី១០ កក្កដា នេះ សង្កេតឃើញភ្ញៀវទេសចរជាច្រើនដែលមកលេងកម្សាន្តនៅក្នុងខេត្តមណ្ឌលគិរី ស្ទើរតែ១០០%ហើយ គឺគាត់មិនបានពាក់ម៉ាស់ការពារនោះឡើយ ខណៈបញ្ហាកូវីដ១៩នៅតែជាប្រធានបទដ៏ក្តៅនាពេលបច្ចុប្បន្ន ហើយអាជ្ញាធរក៏បានសុំឱ្យបងប្អូនទាំងអស់ត្រូវចូលរួមបង្ការ និងការពារពីជំងឺនេះទាំងអស់
គ្នា ។
សូមរំលឹកថា ប្រធានគណៈកម្មធិការប្រយុទ្ឋប្រឆាំងជំងឺកូវីដ១៩ខេត្តមណ្ឌលគិរី ធ្លាប់បានចេញបញ្ជាជាថ្មីដល់មន្ត្រីជំនាញ និងអ្នកពាក់ព័ន្ឋទាំងអស់ ត្រូវបន្តតាមដានលើអ្នកដំណើរ ជាពិសេសជនបរទេស ក្រោយស្ថានភាពជំងឺរាតត្បាតនេះបានធូរស្រាលមួយកម្រិតនៅក្នុងប្រទេសកម្ពុជា ហើយមានអ្នកទេសចរជាច្រើនបានសម្រុកទៅលេងតាមរមណីយដ្ឋាននានា ដោយខ្វះការប្រុងប្រយ័ត្ន។
កាលពីថ្ងៃទី២៥ ឧសភា កន្លងមក មានអ្នកទេសចររាប់ពាន់នាក់ នាំគ្នាទៅដើរលេងកម្សាន្តនៅ ទឹកជ្រោះប៊ូស្រា ភ្នំដោះក្រមុំ សមុទ្រឈើ…អ្វីដែលគេកត់សម្គាល់ឃើញថា ស្ទើរគ្រប់ភ្ញៀវទេសចរទាំងនោះ ហាក់ភ្លេចខ្លួនពីបញ្ហាជំងឺឆ្លង ដោយភាគច្រើនលើសលប់គ្មានអ្នកពាក់ម៉ាស់សម្រាប់ការពារឡើយ។
ឆ្លើយតបបញ្ហាខាងលើនេះលោក ស្វាយ សំអ៊ាង អភិបាលខេត្តនិងជាប្រធានគណៈកម្មធិការប្រយុទ្ឋប្រឆាំងជំងឺកូវីដ១៩ខេត្តមណ្ឌលគិរី បានឲ្យដឹងថា បន្ទាប់ពីស្ថានភាព ជំងឺ covid-19 ស្ងប់ស្ងាត់ បន្តិច គេសង្កេតឃើញថា តំបន់ទេសចរណ៍ ជាច្រើនក្នុងខេត្តមណ្ឌលគិរី មានទេសចរណ៍ក្នុងស្រុកទៅដើរលេងកម្សាន្ត ដូច្នេះលោកបានចេញបទបញ្ជាជាថ្មី ដល់មន្ត្រីជំនាញនិងអ្នកពាក់ព័ន្ធទាំងអស់ ត្រូវបន្តយកចិត្តទុកដាក់បង្កើនការប្រុងប្រយ័ត្ន នឹងតាមដានឲ្យបានជាប់ជានិច្ចអំពីស្ថានភាព ឆ្លងរាលដាលនៃជំងឺមួយ
នេះ។
លោកអភិបាលខេត្តបន្តថា ក្នុងករណីសង្ស័យវាស់កម្តៅទៅឃើញលើសពីការកំណត់ តម្រូវឲ្យមន្ទីរសុខាភិបាលតាមដានដើម្បីធ្វើតេស្ត ហើយពលករមកពីក្រៅនៅបន្តពិនិត្យធ្វើចត្តាឡីស័ក ពោលគឺអាជ្ញាធរមិនបណ្តែតបណ្តោយដាច់ខាត ។ លោក ស្វាយ សំអ៊ាង ថា កាលពីថ្ងៃទី១៩កន្លងទៅនេះ ក្នុងកិច្ចប្រជុំពិសសមួយលោកបានដាក់ចេញវិធានការដល់មន្ត្រីជំនាញ និងកងកម្លាំងឲ្យត្រួតពិនិត្យគ្រប់ភ្ញៀវចេញចូលទាំងអស់ ជាពិសេសជនបរទេស ដែលនេះជាវិធានការធ្វើជាប់ជាប្រចាំបើទោះជាខេត្តមណ្ឌលគិរីមិនទាន់កើតមានបញ្ហាជំងឺឆ្លងនេះក៏ដោយ។
ហើយគ្រប់ផ្ទះសំណាក់ សណ្ឋាគារ ទាំងអស់សមត្ថកិច្ចបានចុះណែនាំឲ្យម្ចាស់អាជីវកម្មទាំងនោះ រៀបចំជាការត្រួតពិនិត្យដោយម៉ាស៊ីនវាស់កម្តៅ ដាក់អាល់កុលឬសាប៊ូលាងសម្អាតដៃ បាញ់សម្អាតតាមបន្ទប់ស្នាក់នៅជាដើម។
យោងតាមរបាយការណ៏របស់មន្ទីរសុខាភិបាលខេត្តគិតត្រឹមថ្ងៃទី២៥ ឧសភា ២០២០ មន្ត្រីជំនាញបានយកសំណាកចំនួន១២នាក់ ទៅពិនិត្យនៅវិទ្យាស្ថានប៉ាស្ទ័រ លទ្ធផលអវិជ្ជមាន ហើយមានពលករចំណាកស្រុកចំនួន១១២នាក់ ត្រូវបានធ្វើចត្តាឡីស័កផងដែរ ៕
ចែករំលែកព័តមាននេះ