ផ្នត់គំនិតពិសេស ៤ ជួយឱ្យអ្នកជោគជ័យខ្លាំង !
យោងទៅតាមលោក រ៉ៃអេន ហ្គតហ្វ្រេដសាន់ (Ryan Gottfredson) ដែលជាគ្រូបង្វឹកផ្នែកសតិបាននិយាយប្រាប់ថា ផ្នត់គំនិតគឺជាមូលដ្ឋាននៃការគិត ការរៀនសូត្រ និងអាកប្បកិរិយារបស់មនុស្ស ។…
យោងទៅតាមលោក រ៉ៃអេន ហ្គតហ្វ្រេដសាន់ (Ryan Gottfredson) ដែលជាគ្រូបង្វឹកផ្នែកសតិបាននិយាយប្រាប់ថា ផ្នត់គំនិតគឺជាមូលដ្ឋាននៃការគិត ការរៀនសូត្រ និងអាកប្បកិរិយារបស់មនុស្ស ។…
យោងទៅតាមលោក រ៉ៃអេន ហ្គតហ្វ្រេដសាន់ (Ryan Gottfredson) ដែលជាគ្រូបង្វឹកផ្នែកសតិបាននិយាយប្រាប់ថា ផ្នត់គំនិតគឺជាមូលដ្ឋាននៃការគិត ការរៀនសូត្រ និងអាកប្បកិរិយារបស់មនុស្ស ។
សាស្ត្រាចារ្យនៅ Mihaylo College of Business and Economics ដែលបានចំណាយពេល ៦ឆ្នាំដើម្បីស្រាវជ្រាវពីវិទ្យាសាស្ត្រនៃផ្នត់គំនិតម្នាក់នេះបានប្រាប់មកថា «ប្រសិនបើពួកយើងអាចធ្វើឲ្យការមើល និងការបកស្រាយពីពិភពលោករបស់យើងកាន់តែប្រសើរឡើងនោះ ពួកយើងនឹងអាចទទួលយកព័ត៌មាន និងរស់រានមានជីវិតក្នុងពិភពលោករបស់យើងដោយកាន់តែមានប្រសិទ្ធិភាព» ។
មានន៍យថា ការមានផ្នត់គំនិតដែលត្រឹមត្រូវអាចជួយឲ្យអ្នកជោគជ័យបាន ហើយខាងក្រោម គឺជាផ្នត់គំនិតទាំងបូនដែលជះឥទ្ធិពលលើការជោគជ័យបើយោងទៅតាមលោក ហ្គតហ្វ្រេដសាន់ ។
១. ផ្នត់គំនិតលូតលាស់
មនុស្សដែលមានផ្នត់គំនិតថាមនុស្សអាចផ្លាស់ប្តូរ អភិវឌ្ឍន៍ និងធ្វើឲ្យទេពកោសល្យ សមត្ថភាព និងភាពវៃឆ្លាតរបស់ពួកគេកាន់តែប្រសើរឡើងនោះ គឺជាមនុស្សដែលមានផ្នត់គំនិតលូតលាស់ ។ អ្នកទាំងនេះមានសមត្ថភាពខ្ពស់ជាងអ្នកដទៃក្នុងការរៀនជំនាញថ្មីៗ ហើយពួកគេមិនឲ្យតម្លៃខ្លួនតាមទេពកោសល្យ និងសមត្ថភាពដែលខ្លួនមានទេ ។
២. ផ្នត់គំនិតបើកទូលាយ
ផ្នត់គំនិតបើកទូលាយជាការបើកទូលាយដើម្បីទទួលយកគំនិតថ្មីៗ និងមានការប្តេជ្ញាស្តាប់តាមយោបល់របស់អ្នកដទៃផងដែរ ។ អ្នកដែលមានផ្នត់គំនិតនេះមានសមត្ថភាពក្នុងការប្រមូលព័ត៌មាន និងគិតបានខ្ពស់ជាងដែលអាចបង្កើនភាពច្នៃប្រឌិត និងការធ្វើនវនុវត្តន៍ថ្មីៗជាដើម ។
៣. ផ្នត់គំនិតចង់ឈ្នះ
អ្នកទាំងនេះផ្តោតស្មារតីលើការឈ្នះ និងការសម្រេចបានអ្វីមួយ ។ ពួកគេជាមនុស្សដែលមានគោលដៅច្បាស់លាស់និងតែងតែដើរទៅរកគោលដៅទាំងនោះជានិច្ច ។ ការស្រាវជ្រាវបានប្រទះឃើញថាអ្នកដែលមានផ្នត់គំនិតនេះភាគច្រើនជាមនុស្សវិជ្ជមាន បើកទូលាយក្នុងការផ្លាស់ប្តូរ និងមានភាគរយកច្រើនក្នុងការជំនះរាល់ឧបសគ្គ និងការបរាជ័យ ព្រមទាំងអាចបំពេញកិច្ចការបានល្អជាងអ្នកដទៃផងដែរ ។
៤. ផ្នត់គំនិតដាក់ខ្លួន
មនុស្សដែលមានផ្នត់គំនិតនេះតែងតែមើលឃើញអ្នកដទៃស្មើៗគ្នា ហើយមិនគិតថាខ្លួនល្អជាងអ្នកដទៃឡើយ ។ អ្នកដែលមានគំនិតនេះយល់ពីតម្លៃខ្លួនរបស់អ្នកដទៃហើយភាគច្រើនទទួលបានជំនឿទុកចិត្តពីអ្នកដទៃច្រើនផងដែរ ព្រមទាំងអាចបង្កើតនូរបរិស្ថានដែលមានការឆ្លើយតប និងមានសុវត្ថិភាពសម្រាប់អ្នកដទៃ ៕
ចែករំលែកព័តមាននេះ