រាជធានីភ្នំពេញ ៖ ទឹកលុយកម្ចីចំនួនរហូតដល់២៥០លានដុល្លារ ត្រូវបានគេអនុម័តទម្លាក់ឲ្យកម្ពុជាខ្ចី ដើម្បីយកមកប្រើប្រាស់ក្នុងយុទ្ឋនាការប្រឆាំងនឹងជំងឺកូវីដ-១៩ ដែលវាយប្រហារធ្ងន់ដល់សេដ្ឋកិច្ចកម្ពុជា។ សេចក្តីប្រកាសព័ត៌មានមួយរបស់ធនាគារអភិវឌ្ឍន៍អាស៊ី (ADB) នៅថ្ងៃទី០៨ ខែកក្កដានេះ…
រាជធានីភ្នំពេញ ៖ ទឹកលុយកម្ចីចំនួនរហូតដល់២៥០លានដុល្លារ ត្រូវបានគេអនុម័តទម្លាក់ឲ្យកម្ពុជាខ្ចី ដើម្បីយកមកប្រើប្រាស់ក្នុងយុទ្ឋនាការប្រឆាំងនឹងជំងឺកូវីដ-១៩ ដែលវាយប្រហារធ្ងន់ដល់សេដ្ឋកិច្ចកម្ពុជា។ សេចក្តីប្រកាសព័ត៌មានមួយរបស់ធនាគារអភិវឌ្ឍន៍អាស៊ី (ADB) នៅថ្ងៃទី០៨ ខែកក្កដានេះ បានឲ្យដឹងថា ខ្លួនបានអនុម័តកម្ចីចំនួន២៥០លានដុល្លារ ដើម្បីជួយរាជរដ្ឋាភិបាលកម្ពុជា ឆ្លើយតបទៅនឹងជំងឺរាតត្បាត ដែលបង្កដោយ វីរុសកូរ៉ូណា (COVID-19) តាមរយៈការពង្រឹងប្រព័ន្ធគាំពារសុខភាពក្នុងប្រទេស បង្កើនជំនួយសង្គម ដល់ប្រជាពលរដ្ឋក្រីក្រ និងងាយរងគ្រោះ ព្រមទាំងផ្តល់ការគាំទ្រសេដ្ឋកិច្ច សម្រាប់អាជីវកម្ម ដែលរួមមាន សហគ្រាសខ្នាតតូច និងមធ្យមផងដែរ។
ការគាំទ្រនេះ ត្រូវបានរំពឹងថានឹងជួយរាជរដ្ឋាភិបាលកម្ពុជា ក្នុងការកាត់បន្ថយឥទ្ធិពលអវិជ្ជមាន នៃជំងឺរាតត្បាតនេះ លើសុខភាពសង្គម និងសេដ្ឋកិច្ច។ លោក Masatsugu Asakawa ប្រធានធានាគារអភិវឌ្ឍន៍អាស៊ី បានថ្លែងថា «កម្ពុជាមានកំណត់ត្រា នៃការគ្រប់គ្រងម៉ាក្រូសេដ្ឋកិច្ចល្អ ប៉ុន្តែ COVID-19 គំរាមធ្វើឲ្យថយចុះ នូវការរីកចម្រើន ក្នុងការកាត់បន្ថយភាពក្រីក្រ ជាពិសេសក្នុងចំណោមក្រុមងាយរងគ្រោះ ដូចជាស្ត្រី និងកម្មករចំណាកស្រុក។ កម្ចីនេះជាផែនការ ចូលរួមរយៈពេលវែងរបស់ ADB ដែលផ្តោតទៅលើ ការគាំទ្រការស្ទុះងើបឡើងវិញ នៃសេដ្ឋកិច្ច និងនិរន្តរភាពហិរញ្ញវត្ថុសាធារណៈរបស់កម្ពុជា»៕ ដោយ ៖ សហការី
ចែករំលែកព័តមាននេះ