ទោះមានរឿងអ្វីកើតឡើង ក៏ប្រធានក្លិប Barca សន្យាគាំទ្រលោក Setien ដឹកនាំបន្តទៀត
ប្រទេសអេស្ប៉ាញ ៖ លោក Josep Maria Bartomeu ប្រធានក្លិប Barcelona បានសន្យាគាំទ្រលោកគ្រូបង្វឹក Quique…
ប្រទេសអេស្ប៉ាញ ៖ លោក Josep Maria Bartomeu ប្រធានក្លិប Barcelona បានសន្យាគាំទ្រលោកគ្រូបង្វឹក Quique Setien ឱ្យដឹកនាំក្រុមរដូវកាលក្រោយបន្តទៀត។
លោក Quique Setien ដែលត្រូវបានតែងតាំងកាលពីខែមករា ឆ្នាំ២០២០កន្លងទៅ បាននឹងកំពុងប៉ុនប៉ងធ្វើការផ្លាស់ប្តូររបៀបនៃការលេងរបស់ក្រុម Barca ប៉ុន្តែវាបានធ្វើឱ្យមានការរិះគន់ និងមិនពេញចិត្តយ៉ាងខ្លាំងពីសំណាក់កីឡាករ និងអ្នកគាំទ្ររបស់ខ្លួន។ រហូតដល់កាលពីថ្មីៗនេះ លេចចេញនូវដំណឹងពីភាពប្រះឆារវាងកីឡាករ ជាមួយនឹងក្រុមគ្រូបង្វឹកផងដែរ ។
អ្នកគាំទ្រមួយចំនួនក៏នៅតែបន្តធ្វើការរិះគន់ប្រធានក្លិបលោក Josep Maria Bartomeu ដែលសម្រេចបណ្តាញលោក Ernesto Valverde ដែលបានដឹកនាំក្រុមនេះឲ្យឈ្នះពាន La Liga និងឈរនៅលើកំពូលតារាង មុនពេលរូបលោកត្រូវបានគេបណ្តេញចេញកាលពីខែមករា។
ឆ្លើយតបជុំវិញបញ្ហានេះ លោក Bartomeu បានថ្លែងប្រាប់ស្ថានីយ៍វិទ្យុ Rac1 កាលពីថ្ងៃអង្គារយ៉ាងដូច្នេះថា «លោក Setien នឹងបន្តដឹកនាំក្រុមយើងទៅមុខទៀត។ ពេលនេះខ្ញុំពិតជាសប្បាយចិត្តណាស់ជាមួយការវិវត្តរបស់ក្រុម ហើយក្នុងរយៈពេលប៉ុន្មានប្រកួតចុងក្រោយនេះ យើងក៏បានឃើញពីការកែលម្អដែលលោក Setien បានធ្វើ»។
លោកបានបន្ថែមទៀតថា «សម្រាប់ខ្ញុំគឺមិនមានការសោកស្តាយ ចំពោះការសម្រេចចិត្តបណ្តេញលោក Valverde នោះទេ។ យើងត្រូវតែផ្តល់ឱ្យក្រុមនូវការជំរុញថ្មីមួយ ហើយ Setien បាននាំមកនូវគំនិតថ្មី និងអារម្មណ៍ថ្មី ក្រោមការដឹកនាំរបស់គាត់»៕ (ដកស្រង់ចេញពី៖ RT)
ចែករំលែកព័តមាននេះ