ខេត្តបន្ទាយមានជ័យ៖ ពលករខ្មែរ២៩នាក់ ត្រូវបានសមត្ថកិច្ចចម្រុះថៃធ្វើការឃាត់ខ្លួនក្នុងភូមិឃុំនិងស្រុកតាប្រាយ៉ា ក្រោយឆ្លងព្រំដែនចេញពីកម្ពុជា កាលពីវេលាម៉ោង២រំលងអធ្រាត្រ ឈានចូលព្រឹកថ្ងៃទី៧ កក្កដា នេះ ។ ពលករទាំង២៩នាក់…
ខេត្តបន្ទាយមានជ័យ៖ ពលករខ្មែរ២៩នាក់ ត្រូវបានសមត្ថកិច្ចចម្រុះថៃធ្វើការឃាត់ខ្លួនក្នុងភូមិឃុំនិងស្រុកតាប្រាយ៉ា ក្រោយឆ្លងព្រំដែនចេញពីកម្ពុជា កាលពីវេលាម៉ោង២រំលងអធ្រាត្រ ឈានចូលព្រឹកថ្ងៃទី៧ កក្កដា នេះ ។
ពលករទាំង២៩នាក់ គេមិនទាន់ស្គាល់អត្តសញ្ញាណនៅឡើយទេ តែមានស្រី១២នាក់។យោងការសាកសួរពលករទាំងនេះ មិនប្រាប់សមត្ថកិច្ចថៃពីចំណុចឆ្លងកាត់ពីកម្ពុជានៅភូមិសាស្ត្រណាទេ តែប្រាប់ថា ការឆ្លងព្រំដែនគឺតាមរយៈមេខ្យល់នាំទៅឲ្យឡើងរថយន្តលើទឹកដីថៃប្រុងទៅរកការងារធ្វើនិងចំណាយប្រាក់ឲ្យមេខ្យល់ម្នាក់៣០០០បាត។
ពលករទាំងនេះ ក្រោយចាញ់បោកមេខ្យល់និងក្រោយឃាត់ខ្លួនគេយកទៅស្ថានីយតម្រួតស្រុកតាប្រាយ៉ា ដើម្បីចាត់ការបន្ត។
គួរបញ្ជាក់ថាមួយរយៈចុងក្រោយនេះសមត្ថកិច្ចថៃបានធ្វើការឃាត់ខ្លួនពលករខ្មែរជាបន្តបន្ទាប់តាមដងផ្លូវនិងព្រំដែនក្នុងខេត្តស្រះកែវពិសេសក្នុងស្រុកតាប្រាយ៉ាឈមទឹកដីកម្ពុជាគឺស្រុកស្វាយចេកនិងស្រុកថ្មពួកដោយចោទឆ្លងដែនខុសច្បាប់៕
ចែករំលែកព័តមាននេះ