ក្រចេះ ៖ មន្ត្រីជាន់ខ្ពស់ក្រសួងកសិកម្ម បានជម្រុញឲ្យមន្ត្រីជំនាញខណ្ឌរដ្ឋបាលជលផលបន្តយកចិត្តទុកដាក់អភិរក្សធនធានធម្មជាតិទឹកសាបគ្រប់ប្រភេទ ដូចជាត្រីមេពូជព្រមទាំងសត្វ ផ្សោតក៏ដូចជាជីវចម្រុះទន្លេមេគង្គ ធ្វើយន្តការយ៉ាងណារក្សាឲ្យបានគង់វង់និងស្ថិតស្ថេ។
ការថ្លែងដោយសង្កត់ធ្ងន់បែបនេះ របស់លោក ហាស សារ៉េត រដ្ឋលេខាធិការក្រសួង កសិកម្មរុក្ខាប្រមាញ់និងនេសាទ គឺបានធ្វើឡើងកាលពីថ្ងៃចុងសប្តាហ៍ ក្នុងដំណើរចុះត្រួតពិនិត្យតំបន់សក្តានុពលជីវចម្រុះព្រៃលិចទឹក តាមដងទន្លេមេគង្គនៃអន្លង់អភិរក្សផ្សោត។
ប្រធានឆ្មាំអភិរក្ស និងជានាយរងខណ្ឌរដ្ឋបាលជលផល លោក ម៉ុក ពន្លក បានបញ្ជាក់ឲ្យ ដឹងថា ក្នុងសកម្មភាពការចុះត្រួតពិនិត្យមើលសក្តានុពលជីវចម្រុះតាមដងទន្លេមេគង្គនាថ្ងៃនោះ រដ្ឋលេខាធិការក្រសួង កសិកម្មរុក្ខាប្រមាញ់និងនេសាទលោក ហាស សារ៉េត បានជួប សំណេះសំណាលជាមួយអាជ្ញាធរមូលដ្ឋាន ក្រុមឆ្មាំទន្លេ ប្រជាការពារ និងសហគមនេសាទ និងចែកសម្ភារល្បាតថវិកាដល់ក្រុមឆ្មាំទន្លេ នៅស្នាក់ការប៉ុស្តិ៍ឆ្នាំចំនួន២ក្នុងខេត្ត។ និងបាន ធ្វើការ ដុតបំផ្លាញចោលនូវឧបករណ៍នេសាទល្មើសច្បាប់ដូចជា មងក្រលាធំជិត៥ពាន់ម៉ែត្រ និងអាំងវែកទ័រឆក់ត្រីជិត១រយគ្រឿងផងដែរ។
លោកម៉ុក ពន្លក អះអាងថា សម្ភារបទល្មើសដែលត្រូវបានធ្វើការដុតបំផ្លាញចោលនៅ និងមុខមហាជននេះគឺសុទ្ឋសឹងតែជាវត្ថុតាងបទល្មើសនេសាទ ដែលបានធ្វើការបង្ក្រាបាន ក្នុងតំបន់ការពារអភិរក្សដង ទន្លេមេគង្គក្នុងត្រីឆមាសទី១ដើមឆ្នាំ២០២០នេះ។
មានប្រសាសន៍ថ្លែងក្នុងឱកាសនោះ រដ្ឋលេខាធិការក្រសួងកសិកម្មរុក្ខាប្រមាញ់និង នេសាទលោក ហាស សារ៉េត បានជម្រុញឲ្យមន្ត្រីជំនាញពាក់ព័ន្ឋត្រូវបន្តរួមគ្នាយកចិត្តទុក ដាក់អភិរក្សថែរក្ស សត្វផ្សោតទន្លេមេគង្គ នក៏ដូចជាត្រីមេពូជ ដោយលោកបានចាត់ទុកថា ជា ជារតន:សម្បត្តិធម្មជាតិមានជីវិតសម្រាប់បម្រើវិស័យទេសចរណ៍។
លោកសម្តែងការគាំទ្រការអភិវឌ្ឍអេកូទេសចរណ៍និងសហគមន៍មូលដ្ឋាន ដែលមិន បង្កផលប៉ះពាល់ជាអវិជ្ជមានដល់សត្វផ្សោត ដើម្បីអភិវឌ្ឍន៍សេដ្ឋកិច្ចសហគមន៍កាត់បន្ថយភាពក្រីក្រ ។
ចែករំលែកព័តមាននេះ