ចាប់ឡាវម្នាក់នាំគ្រឿងញៀ.នចូលខ្មែរច្រើនសន្ធឹក
- ស្ទឹងត្រែង
ខេត្តស្ទឹងត្រែង ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីប្រឆាំងគ្រឿងញៀន បានថ្លែងឲ្យដឹង នៅវេលាម៉ោង៩ នឹង២០នាទី ថ្ងៃទី៦…
ខេត្តស្ទឹងត្រែង ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីប្រឆាំងគ្រឿងញៀន បានថ្លែងឲ្យដឹង នៅវេលាម៉ោង៩ នឹង២០នាទី ថ្ងៃទី៦…
ខេត្តស្ទឹងត្រែង ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីប្រឆាំងគ្រឿងញៀន បានថ្លែងឲ្យដឹង នៅវេលាម៉ោង៩ នឹង២០នាទី ថ្ងៃទី៦ កក្កដា កម្លាំងសមត្តកិច្ចនគរបាលជំនាញការិយាល័យទី៩ នៃមន្ទីរប្រឆាំងបទល្មើសគ្រឿងញៀន ក្រោមការដឹកនាំដោយលោកឧត្តមសេនីយ៍ត្រី យិន បញ្ញារិទ្ធ នាយករងមន្ទីរ បានចុះទៅសហការជាមួយស្នងការដ្ឋាននគរបាលខេត្តស្ទឹងត្រែង និងមានការសម្របសម្រួលពីស្ថាប័នអយ្យការអមសាលាដំបូងខេត្ត បើកកិច្ចប្រតិបត្តការ ការស៊ើបអង្កេត និងស្រាវជ្រាវបង្ក្រាប ឈានទៅដល់ការការបង្ក្រាប និងចាប់ខ្លួនឈ្មួញគ្រឿងញៀនម្នាក់ រួមទាំងដកហូតថ្នាំញៀនបានប្រមាណ៥គីឡូក្រាម នៅចំណុចកំពង់ទូក ស្ថិតក្នុងភូមិអន្លង់ស្វាយ ឃុំព្រះ រំកិលស្រុកបុរីអូរស្វាយសែនជ័យ ខេត្តស្ទឹងត្រែង ។
លោក ឡឹក វណ្ណៈ បន្តថា កិច្ចប្រតិបត្តការសហការបង្ក្រាបឈ្មួញគ្រឿងញៀនជនជាតិឡាវម្នាក់នោះ ដោយមានការចង្អុលបង្ហាញពីនាយឧត្តសេនីយ៍ ម៉ក់ ជីតូ អគ្គស្នងការរង នគរបាលជាតិ ទទួលការងារប្រយុទ្ធប្រឆាំងគ្រឿងញៀនផងដែរ ។ លទ្ធផលឃាត់ខ្លួនជនសង្ស័យម្នាក់មានឈ្មោះ ភិត ងិន ភេទប្រុស អាយុ ៣៣ឆ្នាំ ជនជាតិ ឡាវ មានទីលំ នៅភូមិកោះស្តាំ ឃុំកោះស្តាំ ស្រុកខូងខេត្តចំប៉ាសាក់ (ប្រទេសឡាវ) ។
វត្ថុតាងចាប់យកមាន ៖ ថ្នាំញៀនប្រភេទ មេតំហ្វេតាមីន(ICE)ចំនួន៥កញ្ទប់ធំ ស្មើទម្ងន់ប្រមាណ៥ គីឡូក្រាម ។ ក្រោយពេលឃាត់ខ្លួនជនសង្ស័យ នឹងវត្ថុតាងត្រូវបានប្រគល់ឲ្យទៅសមត្តកិច្ចស្នងការដ្ឋាននគរបាលខេត្តស្ទឹងត្រែង កសាងសំណុំរឿងបញ្ជូនទៅកាន់សាលាដំបូងខេត្តតាមនីតិវិធី ។
សូមបញ្ជាក់ឡើងវិញថា ថ្នាំញៀន៥ដុំពេលចាប់បាន សមត្តកិច្ចកំណត់៥គីឡូក្រាម ប៉ុន្តែនៅពេលនាំយកទៅដល់ខេត្តថ្លឹងឡើងវិញ ថ្នាំញៀននោះមានទម្ងន់ដល់ទៅប្រមាណ៧គីឡូក្រោឯណោះ ។
ចែករំលែកព័តមាននេះ