Juan Mata ត្រៀមដើរចេញពីទឹកដី Old Trafford ក្រោយមានការចង់បានពីក្លិបនៅតួកគី
ប្រទេសអង់គ្លេស ៖ កីឡាករ Juan Mata ត្រូវបានរាយការណ៍ថា ត្រៀមចាកចេញពីក្លិប Manchester United នៅរដូវក្តៅនេះ…
ប្រទេសអង់គ្លេស ៖ កីឡាករ Juan Mata ត្រូវបានរាយការណ៍ថា ត្រៀមចាកចេញពីក្លិប Manchester United នៅរដូវក្តៅនេះ…
ប្រទេសអង់គ្លេស ៖ កីឡាករ Juan Mata ត្រូវបានរាយការណ៍ថា ត្រៀមចាកចេញពីក្លិប Manchester United នៅរដូវក្តៅនេះ ហើយក្លិប Fenerbahce អាចជាទិសដៅរបស់គេ បន្ទាប់ក្លិបនៅលីគកំពូលតួកគីមួយនេះ បានបង្ហាញការចាប់អារម្មណ៍លើខ្សែបម្រើអេស្ប៉ាញរូបនេះ។
ក្រុមបិសាចក្រហម Man United កំពុងត្រៀមរុះរើសកីឡាករមួយចំនួនក្នុងក្រុមនៅទីផ្សារដោះដូរកីឡាកររដូវក្តៅនេះ ក្រោមការដឹកនាំរបស់លោក Ole Gunnar Solskjaer ដែលនឹងធ្វើឱ្យកីឡាករមួយចំនួនក្នុងក្រុមនេះ អាចនឹងត្រូវចាកចេញពីទឹកដី Old Trafford ។
ក្នុងនោះតំណែងរបស់ខ្សែបម្រើវ័យ៣២ឆ្នាំ Juan Mata ក៏នឹងរងផលប៉ះពាល់ផងដែរ។ បន្ទាប់ពីរូបគេមិនសូវមានវត្តមានលើទីលានក្នុងរយៈពេលថ្មីៗនេះ ជាពិសេសជាមួយនឹងការមកដល់របស់ខ្សែបម្រើ Bruno Fernandes ។
បច្ចុប្បន្នវត្តមានរបស់កីឡាករ Paul Pogba រួមជាមួយ Bruno Fernandes កំពុងចាប់ដៃសហការគ្នាបានយ៉ាងល្អ ស្របពេលដែលកីឡាករ Nemanja Matić នៅតែជាជម្រើសល្អជាង Mata សម្រាប់លោក Solskjaer ។
យោងតាមរបាយការណ៍ជាច្រើនបានចុះផ្សាយថា បច្ចុប្បន្នក្លិប Fenerbahce និងភ្នាក់ងាររបស់កីឡាករ Juan Mata កំពុងតែធ្វើការពិភាក្សាគ្នា ហើយលទ្ធផលអាចនឹងដឹងនៅ ២ឬ៣សប្តាហ៍ទៀត។
សូមបញ្ចាក់ថា ក្នុងរដូវកាលនេះ Mata បានបង្ហាញខ្លួនបានចំនួន ៣៤ប្រកួត និងស៊ុតបញ្ចូលទីបាន ៣គ្រាប់នៅគ្រប់កម្មវិធីទាំងអស់សម្រាប់ក្រុម Man United ប៉ុន្តែភាគច្រើនរូបគេជាកីឡាករក្នុងកៅអីបម្រុង៕ (ដកស្រង់ចេញពី SPORTbible)
ចែករំលែកព័តមាននេះ