ត្រឹមតែ១ថ្ងៃ ឥណ្ឌារកឃើញករណីឆ្លងថ្មីច្រើនជាង២ម៉ឺននាក់
ឥណ្ឌា ៖ តាមប្រភពព័ត៌មាន CNN បានឱ្យដឹងថា ប្រទេសឥណ្ឌា បានរាយការណ៍ថា មានករណីឆ្លងជំងឺកូវីដ១៩ថ្មី ចំនួន ២៤,៨៥០ករណី…
ឥណ្ឌា ៖ តាមប្រភពព័ត៌មាន CNN បានឱ្យដឹងថា ប្រទេសឥណ្ឌា បានរាយការណ៍ថា មានករណីឆ្លងជំងឺកូវីដ១៩ថ្មី ចំនួន ២៤,៨៥០ករណី…
ឥណ្ឌា ៖ តាមប្រភពព័ត៌មាន CNN បានឱ្យដឹងថា ប្រទេសឥណ្ឌា បានរាយការណ៍ថា មានករណីឆ្លងជំងឺកូវីដ១៩ថ្មី ចំនួន ២៤,៨៥០ករណី កាលពីថ្ងៃសៅរ៍ ដែលជាការលោតច្រើនជាងគេក្នុងរយៈពេលមួយថ្ងៃ របស់ប្រទេសនេះ រាប់តាំងពីពេលកន្លងមក។
យោងតាមក្រសួងសុខាភិបាល និងសុខុមាលភាពគ្រួសាររបស់ប្រទេសឥណ្ឌា បានឱ្យដឹងថា ប្រទេសនេះមានករណីឆ្លងកូវីដ១៩ សរុបចំនួន ៦៧៣,១៦៥ករណី ហើយមានអ្នកបាត់បង់ជីវិត ១៩,២៦៨នាក់។
ប្រទេសឥណ្ឌា មានករណីសកម្មចំនួន ២៣៥,៤៣៣នាក់ ខណៈដែលអ្នកជំងឺ ៣៩៤,២២៧នាក់ បានជាសះស្បើយ។
រដ្ឋ Maharashtra ភាគខាងលិច នៅតែរងផលប៉ះពាល់អាក្រក់បំផុតដោយមាន ២០០,០៦៤ករណី និងមនុស្សបាត់បង់ជីវិត ៨,៦៧១នាក់ បន្ទាប់មកគឺរដ្ឋ Tamil Nadu នៅភាគខាងត្បូងដែលមាន ១០៧,០០១ករណី និង រដ្ឋធានីជាតិដេលីដែលមានករណីចំនួន ៩៧,២០០ករណី។
គួរបញ្ជាក់ផងដែរថា កន្លងមកប្រទេសឥណ្ឌាបានធ្វើតេស្តរកជំងឺកូវីដ១៩ជូនប្រជាជនរបស់ខ្លួនបានជាង ៩.៧លានតេស្តមកហើយ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ