ស្ងាត់ៗ ករណីឆ្លងកូវីដ១៩ នៅជប៉ុនកើនផុត២ម៉ឺនករណី
ជប៉ុន ៖ តាមប្រភពព័ត៌មាន CNN បានឱ្យដឹងថា ក្រសួងសុខាភិបាលប្រទេសជប៉ុន បាននិយាយនៅថ្ងៃនេះថា ប្រទេសជប៉ុន បានកត់ត្រាករណីឆ្លងជំងឺកូវីដ១៩ថ្មី ចំនួន…
ជប៉ុន ៖ តាមប្រភពព័ត៌មាន CNN បានឱ្យដឹងថា ក្រសួងសុខាភិបាលប្រទេសជប៉ុន បាននិយាយនៅថ្ងៃនេះថា ប្រទេសជប៉ុន បានកត់ត្រាករណីឆ្លងជំងឺកូវីដ១៩ថ្មី ចំនួន ២៧៧ករណី កាលពីថ្ងៃសៅរ៍ ដែលធ្វើឱ្យករណីឆ្លងសរុបនៅក្នុងប្រទេសនេះ កើនឡើងដល់ ២០,២៣៤ករណី (១៩,៥២២នាក់ នៅលើដីគោក និង ៧១២នាក់ នៅលើនាវាកំសាន្ត Diamond Princess)។
រដ្ឋមន្ត្រី Yasutoshi Nishimura បាននិយាយកាលពីថ្ងៃអាទិត្យថា ចំនួននៃការឆ្លងបានកើនឡើងជាលំដាប់ក្នុងសប្តាហ៍កន្លងទៅនេះ។
ក្រសួងបាននិយាយផងដែរថា ចំនួនអ្នកបាត់បង់ជីវិតដោយសារកូវីដ១៩ សរុបសម្រាប់ប្រទេសបច្ចុប្បន្នមានចំនួន ៩៩០នាក់ (៩៧៧នាក់នៅលើគោក និង ១៣នាក់នៅលើនាវាទេសចរណ៍)។
លោករដ្ឋមន្ត្រី Nishimura បាននិយាយថា ការដាក់ក្នុងស្ថានភាពអាសន្ន គឺមិនចាំបាច់នៅដំណាក់កាលនេះទេ ដោយសារតែលោកយល់ថា ករណីឆ្លងថ្មីទាំងនេះ សុទ្ធតែជាករណីស្រាល ឬ ក៏គ្មានរោគសញ្ញាសម្តែងចេញ ហើយវាក៏មិនមែនជាបន្ទុកដល់ប្រព័ន្ធថែទាំសុខភាពរបស់ជប៉ុនទេ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ