មាន​ភាព​ជឿជាក់​លើ​ខ្លួនឯង គឺ​ហ៊ាន​សុបិន​ខ្ពស់ !


រាជធានី​ភ្នំពេញ ៖ អ្នកជំនាញ​ម្នាក់​បាន​លើក​ឡើង​ថា នៅ​ពេល​មនុស្ស​ម្នាក់​មាន​ភាព​ជឿជាក់​លើ​ខ្លួនឯង​ហើយ តែងតែ​ហ៊ាន​សុបិន ដើម្បី​សម្រេច​បាន​នូវ​បំណងប្រាថ្នា​។ មនុស្ស​គ្រប់​រូប​តែងតែ​ដឹង​ថា ភាព​ជឿជាក់​លើ​ខ្លួនឯង គឺ​សំខាន់​ណាស់ តើ​ហេតុ​អ្វី មនុស្ស​ភាគច្រើន​មិន​ជឿជាក់​លើ​ខ្លួនឯង?​។ ស្ថាបនិក​វិទ្យាស្ថាន​សិក្សា​ដើម្បី​ជោគជ័យ លោកគ្រូ ឃី​ម សុខ​ហេង ថ្មី​ៗ​នេះ​បានឱ្យ​ដឹង​ថា «​តើ​អ្នកដឹង​ទេ​ថា ការ​ដែល​មាន​ភាព​ជឿជាក់​លើ​ខ្លួនឯង អាច​ធ្វើ​ឱ្យ​យើង​មានការ​ងារ​ធ្វើ​។

ភាព​ជឿជាក់​លើ​ខ្លួនឯង អាច​ជួយ​ឱ្យ​យើង​ទៅ​រកស៊ី​ចំណេញ​ប្រាក់ បាន​ទាំង​កិត្តិយស​មានកេរ្តិ៍ឈ្មោះ​ល្អ និង​មាន​អតិថិជន​គាំទ្រ​ច្រើន ទាំងនេះ​គឺ​កើត​ចេញពី​ភាព​ជឿជាក់​លើ​ខ្លួនឯង​។ មនុស្ស​យើង​នៅ​ពេល​មាន​ភាព​ជឿជាក់​លើ​ខ្លួនឯង យើង​រស់នៅ​ក៏​ស្រួល​ដែល​»​។ ទៅ​ជួប​អ្នកធំ​ក៏​ស្រួល ទៅ​ជួប​អ្នកមាន​ក៏​ស្រួល​ទៅ​ជួប​អ្នកមាន​ចំណេះដឹង​ក៏​ស្រួល យើង​ធ្វើ​ដំណើរ​ទៅ​ណា មក​ណា​ក៏​ស្រួល ហើយ​ហេតុ​អ្វី​ក៏​ស្រួល ក៏​ព្រោះថា​យើង​មាន​ភាព​ជឿជាក់​លើ​ខ្លួនឯង​។ ដូចនេះ លោក​បាន​លើកយក​សារៈសំខាន់​ខ្លះ​ៗ នៅ​ពេល​យើង​មាន​ភាព​ជឿជាក់ ហើយ ជា​ពិសេស​ប្អូន​ៗ នៅ​ពេល​ទៅ​សម្ភាស​ការងារ​។

មនុស្ស​ច្រើន​ណាស់​ចង់បាន​ការងារ​ធ្វើ ប៉ុន្តែ​ធ្លាក់​ពេល​ដែល​ទៅ​សម្ភាស ខ្វះ​ភាព​ជឿជាក់​លើ​ខ្លួនឯង​។ លោកគ្រូ ឃី​ម សុខ​ហេង បាន​បន្ត​ថា «​ពេល​គេ​សួរ យើង​ភ័យ ស្តាប់​សំណួរ​អត់​បាន ហើយ​គេ​សួរ​ស្តាប់​សំណួរ​ឮ​ហើយ តែ​មិន​ចេះ​ឆ្លើយ ខ្វះ​សមត្ថភាព​»​។ លោកគ្រូ​បាន​បកស្រាយ​ថា ហេតុ​អ្វី​បានជា​យើង​មិន​មាន​ភាព​ជឿជាក់ នោះ​គឺ​៖ ទី​១ ដោយសារ​មនុស្ស​នោះ មិន​ចេះ ឬ​ខ្វះ​ចំណេះដឹង ហើយ​ខ្វះ​សមត្ថភាព​ដូចនេះ​មនុស្ស​នេះ គឺ​ខ្វះ​ភាព​ជឿជាក់​លើ​ខ្លួនឯង​ហើយ​។

ឧ​ទារ​ហណ៍​ថា យើង​ទៅ​ធ្វើការ​យក​ប្រាក់ខែ ហើយ​យើង​គិត​ថា​ចង់បាន​តែ ៥០០​ដុល្លារ​អា​មេ​រិ​ក​ទេ ក្នុង​មួយ​ខែ ប៉ុន្តែ​គេ​ហ៊ាន​ឱ្យ​យើង ដល់​ទៅ ១ ០០០ ដុល្លារ​អា​មេ​រិ​ក ក្នុង​មួយ​ខែ​ដោយ​ឱ្យ​យើង​ធ្វើការ ដែល​គេ​បាន​ដាក់​ឱ្យធ្វើ ដើម្បី​បាន​លទ្ធផល​មក​ដូរ​យក​ប្រាក់ ១០០០ ដុល្លារ​អា​មេ​រិ​ក​នឹង​។ នៅ​ពេល​ដែល​យើង​មិនដឹង​ថា​ធ្វើ​របៀប​មិច យើង​អត់​មាន​ជំនាញ​ច្បាស់លាស់​ក្នុង​ការ​អនុវត្តន៍ តួនាទី​របស់​យើង ហើយ​យើង​ខ្វះ​សមត្ថភាព បទ​ពិសោធន៍ យើង​អាច​ដឹង​ខ្លះ ប៉ុន្តែ​មិន​មាន​ភាព​ប៉ិន​ប្រសប់ ដូច​ពាក្យ​ខ្មែរ​មួយ គេ​តែងតែ​និយាយ​ថា អ្នកចេះ​ដប់ មិន​ស្មើ​អ្នក​ប្រសប់​មួយ​។

ក្នុង​ន័យ​នេះ មាន​ន័យ​ថា បើ​យើង​ពូកែ​ខាង​អ្វី យើង​ត្រូវ​ទៅ​រៀន​ពី​អ្នក​ពូកែ​ខាង​នឹង ពីព្រោះ​គេ​អាច​មើលឃើញ និង​កែ​កំហុស​របស់​យើង​បាន​។ លោកគ្រូ​បន្ត​ថា «​ឧ​ទារ​ហណ៍​ថា យើង​ពូកែ​ខាង​គូ​ប្លង់ ពេល​ខ្លះ​គេ​គ្រាន់តែ ត្រេ​ៗ ឬ​គូសវាស​ឱ្យ​យើង​តែ​បន្តិច យើង​ដឹង​ថា​ចេញ​ទៅ​ផ្លូវ​ណា​។ ពោល​គឺ បើ​យើង​ចង់​ជោគជ័យ ចង់​មាន​ភាព​ជឿជាក់​លើ​ខ្លួនឯង យើង​ត្រូវ​ទៅ​រៀន ពី​អ្នក​ជោគជ័យ និង​អ្នក​ដែល​មាន​ភាព​លើ​ខ្លួនឯង ព្រោះ​គេ​មានរឿង​និទាន​ប្រាប់​យើង​»​។ លោកគ្រូ​បាន​បន្ត​ថា អ្វី​ដែល​យើង​មិនដឹង អ្វី​ដែល​យើង​គិត​ថា​មិន​អាច​តែ​មិនមែន​មាន​ន័យ​ថា អ្នក​ដ​ដៃ​មិន​អាច​ធ្វើ​បាន​ដូច​យើង​ទេ​។

ដូចនេះ​កុំ​យក​ស្តង់ដា របស់​យើង​ទៅ​វាស់​អ្នក​ដទៃ កុំ​យក​ស្តង់ដា​របស់​យើង​ទៅ​បំបាក់ទឹកចិត្ត​អ្នក​ដទៃ​។ លោកគ្រូ​បាន​បន្ថែម «​ពោល​ឱ្យ​ខ្លី កុំ​យក​ភាព​ល្ងង់ខ្លៅ​របស់​យើង ទៅ​វិនិច្ឆ័យ​សក្តានុពល​របស់​អ្នក​ដទៃ វា​ជា​ភាព​គ្រោះថ្នាក់​បំផុត​»​។ លោកគ្រូ បញ្ជាក់​ថា ដូចនេះ​មនុស្ស​ដែល​ខ្វះ​ភាព​ជឿជាក់​លើ​ខ្លួនឯង​ហើយ បើ​ទោះបីជា​ជុំវិញ​ខ្លួន ហ៊ុំ​ព័ទ្ធ​ដោយ​ឱកាសល្អ​ៗ យ៉ាងណា​ក៏​ដោយ ក៏​បុគ្គល​នឹង​មិន​អាច​ទៅ​ចាប់​យក​ឱកាស​នឹង​មក​ចម្រាញ់​ជា​លទ្ធផល​បាន​ដែរ​៕ ដោយ ៖ ស្រី គំនិត

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ