ខេត្តសៀមរាប ៖ បើតាមសេចក្តីរាយការណ៍បានឱ្យដឹងថា កាលពីថ្ងៃទី២ ខែកក្កដា ឆ្នាំ២០២០ ចាប់ពីវេលាម៉ោង៨ព្រឹករហូតដល់ម៉ោង៤រសៀល កម្លាំងការិយាល័យនគរបាលបង្ការពន្លត់អគ្គិភ័យ និងសង្គ្រោះ និងកម្លាំងការិយាល័យសេដ្ឋកិច្ច បានចូលរួមសហការ ចុះបិទទីតាំង និងបញ្ឈប់សកម្មភាពស្ថានីយប្រេង និងឧស្ម័នឥន្ធនៈចំនួន១០ទីតាំង ក្នុងខេត្តសៀមរាប ដែលដឹកនាំដោយក្រុមការងារចម្រុះរបស់រដ្ឋបាលខេត្តសៀមរាប សហការជាមួយមន្ទីររ៉ែ និងថាមពលខេត្ត រដ្ឋបាលក្រុងសៀមរាប ព្រះរាជអាជ្ញារងអមសាលាដំបូងខេត្ត ស្នងការ ដ្ឋាននគរបាលខេត្ត និងកងរាជអាវុធហត្ថខេត្ត ដែលក្នុងនោះស្ថានីយប្រេងនិងឧស្ម័នឥន្ធនៈ ។
លោកឧត្តមសេនីយ៍ត្រី សំ សុជាតិ ស្នងការរងទទួលផែនការងារគ្រប់គ្រងអាវុធគ្រឿងផ្ទុះ និងអគ្គិភ័យ បានប្រាប់នៅវេលាម៉ោង៩និង៣០នាទីព្រឹកថ្ងៃទី៣ កក្កដា ថា ដោយមានការចង្អុលបង្ហាញ និងឯកភាពពីលោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាប បានឱ្យលោកដឹកនាំកម្លាំងចូលរួមសហការជាមួយសមត្ថកិច្ច និងអាជ្ញាធរខេត្ត/ក្រុង ព្រមទាំងមន្ត្រីជំនាញ ដោយមានការសម្របសម្រួលពីតំណាងអយ្យការអមសាលាដំបូងខេត្តសៀមរាបផងនោះ បានដឹកនាំកម្លាំងចុះធ្វើការបិទទីតាំង និងបញ្ឈប់សកម្មភាពស្ថានីយប្រេង និងឧស្ម័នឥន្ធនៈចំនួន១០ទីតាំងក្នុងខេត្តសៀមរាបរួមមាន ៖
១-ស្ថានីយឧស្ម័នឥន្ធនៈរបស់លោក ឯល អ៊ីស្មាឯល មានទីតាំងស្ថិតនៅភូមិស្លក្រាម សង្កាត់ស្លក្រាម ។
២-ស្ថានីយប្រេងឥន្ធនៈរបស់លោកស្រី ហេង ធាវី (ស្លាកយីហោ ហេង ណារី) មានទីតាំងស្ថិតនៅភូមិស្លក្រោម សង្កាត់ស្លក្រាម ។
៣-ស្ថានីយប្រេងឥន្ធនៈរបស់លោក គឹម គុណ មានទីតាំងស្ថិតនៅភូមិបឹងដូនប៉ា សង្កាត់ស្លក្រាម។
៤-ស្ថានីយប្រេងឥន្ធនៈរបស់ លោក កៅ សំរស់ មានទីតាំងស្ថិតនៅភូមិវិហារចិន សង្កាត់ស្វាយដង្គុំ ។
៥-ស្ថានីយប្រេងឥន្ធនៈ L.H.R របស់លោកស្រី ទី វណ្ឌធឿន មានទីតាំងស្ថិតនៅភូមិវត្តស្វាយ សង្កាត់សាលាកំរើក ។
៦-ស្ថានីយប្រេងឥន្ធនៈរបស់លោក បេង ចំរើន (មានស្លាកយីហោដេប៉ូតេលា សុខ ចំរើន )
មានទីតាំងស្ថិតនៅភូមិក្រសាំង សង្កាត់ជ្រាវ ។
៧-ស្ថានីយប្រេងឥន្ធនៈរបស់លោក ឈាន រ៉ាវុធ (ដេប៉ូតេលា ចន្ទ័ ធាន) មានទីតាំងស្ថិតនៅភូមិធ្លកអណ្តូង សង្កាត់ស្លក្រាម ។
ចំណែកស្ថានីយចំនួន៣ទីតាំងទៀតបាន បញ្ឈប់សកម្មភាពដោយខ្លួនឯង ដោយមិនចាំបាច់អាជ្ញាធរប្រាប់នោះទេ ក្នុងនោះទេគឺ
១-លោក ចាន់ កែវ
២- លោកស្រី លីន សូរិយា
៣- លោក លី មុយ
លោកបានបញ្ជាក់បន្ថែមថា ក្រុមការងារចម្រុះរបស់យើងបានសម្រេចបិទនិងបញ្ឈប់សកម្មភាព ហើយម្ចាស់បានយល់ព្រមរុះរើផ្ទាំងប៉ាណូផ្សេងៗចេញពីទីតាំងស្ថានីយប្រេង និងឧស្ម័នឥន្ឋន: គិតចាប់ពីថ្ងៃចុះអនុវត្តន៍នេះតទៅ ។
ពលរដ្ឋនៅក្នុងខេត្តសៀមរាបសង្ស័យថា សមត្ថកិច្ចចម្រុះចុះបិទនិងបញ្ឈប់សកម្មភាពស្ថានីយប្រេង និងឧស្ម័នឥន្ធនៈចំនួន១០ទីតាំងក្នុងខេត្តសៀមរាបនោះ ប្រហែលជាមានការឃុបឃិតដាក់លុយក្រោមតុជាប្រពន្ធ័ ជាមួយមន្ត្រីសុរិយោដីនិងសំណង់ខេត្តហើយ ទើប ហានធ្វើបានយ៉ាងរលូនដូច្នេះ ៕
ចែករំលែកព័តមាននេះ