សហរដ្ឋអាមេរិក ៖ ក្រុមមន្ត្រីបាននិយាយថា និស្សិតសាកលវិទ្យាល័យមួយចំនួន ក្នុងរដ្ឋអាឡាបាម៉ា បានរៀបចំពិធីជប់លៀងមួយ ដើម្បីធ្វើការប្រកួតគ្នា រកអ្នកឆ្លងវីរុស COVID-19 មុនគេនោះ…
សហរដ្ឋអាមេរិក ៖ ក្រុមមន្ត្រីបាននិយាយថា និស្សិតសាកលវិទ្យាល័យមួយចំនួន ក្នុងរដ្ឋអាឡាបាម៉ា បានរៀបចំពិធីជប់លៀងមួយ ដើម្បីធ្វើការប្រកួតគ្នា រកអ្នកឆ្លងវីរុស COVID-19 មុនគេនោះ នឹងឈ្នះទឹកប្រាក់ដែលដាក់ភ្នាល់ ។
បើយោងតាមសារព័ត៌មានចិន South China Morning Post ចេញផ្សាយនៅថ្ងៃទី០៣ កក្កដា ២០២០ថា សមាជិកក្រុមប្រឹក្សាក្រុង Tuscaloosa លោកស្រី Sonya McKinstry បាននិយាយថា ក្រុមនិស្សិតមកពីសាកលវិទ្យាល័យផ្សេងៗគ្នា បានរៀបចំពិធីជប់លៀង ដើម្បីប្រកួតគ្នា រកអ្នកឆ្លងវីរុសកូវីដ១៩ មុនគេ ដោយបានអញ្ជើញភ្ញៀវដែលបានធ្វើតេស្ត វិជ្ជមានចំពោះវីរុសនេះឲ្យចូលរួម ។
។
លោកស្រី Sonya McKinstry បន្តថា ក្រុមនិស្សិតបានដាក់ប្រាក់នៅក្នុងប្រអប់មួយ ហើយអ្នកដែលឈ្នះនឹងទទួលបានសាច់ប្រាក់ទាំំងអស់នៅក្នុងប្រអប់នោះ ក្រោយពេលចប់ពិធីជប់លៀង ពួកគេនឹងត្រូវធ្វើតេស្តរកមើលអ្នកដែលបានឆ្លងវីរុសកូវីដ១៩ មុនគេ ។
ប្រធាននាយកដ្ឋានពន្លត់អគ្គិភ័យ ទីក្រុង Tuscaloosa លោក Randy Smith បានបញ្ជាក់ទៅកាន់ក្រុមប្រឹក្សាក្រុង កាលពីថ្ងៃអង្គារអោយដឹងថា ដំបូងឡើយនាយកដ្ឋានគិតថា វាជាពាក្យចចាមអារាម ប៉ុន្តែបន្ទាប់ពីធ្វើការស្រាវជ្រាវមួយចំនួន មន្ត្រីជំនាញបានរកឃើញថា វាគឺជាការពិត ។
លោក Randy Smith បន្តថា តាមការស្រាវជ្រាវពីការិយាល័យគ្រូពេទ្យ ក៏បានបញ្ជាក់ដែរថា ពួកគេក៏មានព័ត៌មានដូចគ្នាដែរ ។
លោក Smith មិនបាននិយាយទេថា តើសមត្ថកិច្ចនឹងមានវិធានការបែបណា ចំពោះនិស្សិតសាកលវិទ្យាល័យទាំងនោះ ។
អាឡាបាម៉ា គឺជារដ្ឋមួយ ក្នុងចំណោមរដ្ឋជាច្រើន ដែលរាយការណ៍អំពីការកើនឡើងនូវករណីឆ្លងវីរុសកូវីដ១៩ ក្នុងសប្តាហ៍កន្លងមក ។ រដ្ឋផ្សេងទៀត រួមមាន៖ អារីហ្សូណា, អាឡាស្កា, កាលីហ្វ័រញ៉ា, ហ្លរីដា, ចរចា, អូរីហ្គន, ថេនណេស៊ី និងរដ្ឋតិចសាស់ ។
សហរដ្ឋអាមេរិកបានរាយការណ៍ថា មានអ្នកឆ្លងកូវីដសរុបជាង ២,៨លាននាក់ និងមានអ្នកស្លាប់ដោយសារជំងឺកូវីដ១៩នេះ ជាង ១៣០.០០០ នាក់ហើយ ៕
ចែករំលែកព័តមាននេះ