ប្រកាសអនុញ្ញាតដល់កាស៊ីណូមានលទ្ធភាពបើកអាជីវកម្មសារជាថ្មី
- ភ្នំពេញ
រាជធានីភ្នំពេញ ៖ លោកផៃ ស៊ីផាន អ្នកនាំពាក្យរាជរដ្ឋាភិបាលបានឲ្យដឹងនៅលើបណ្តាញសង្គមហ្វេសប៊ុក នាព្រឹកថ្ងៃទី០៣ ខែកក្កដា ឆ្នាំ២០២០ ថា ៖…
រាជធានីភ្នំពេញ ៖ លោកផៃ ស៊ីផាន អ្នកនាំពាក្យរាជរដ្ឋាភិបាលបានឲ្យដឹងនៅលើបណ្តាញសង្គមហ្វេសប៊ុក នាព្រឹកថ្ងៃទី០៣ ខែកក្កដា ឆ្នាំ២០២០ ថា ៖ គោរពជម្រាបជូនប្រិយមិត្ត និងបណ្ដាញសារព័ត៌មាន FBFs កិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់របស់សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសអនុញ្ញាត ដល់កាស៊ីណូមានលទ្ធភាព បើកប្រតិបត្តិការអាជីវកម្មសារជាថ្មីវិញ ក៏ប៉ុន្តែមានតែល្បែងភ្នាល់ និងស្លតម៉ាស៊ីនតែប៉ុណ្ណោះ ។
លោកបានបញ្ជាក់បន្តថា កាស៊ីណូទាំងអស់នោះ ត្រូវស្នើសុំឱ្យមានការអនុញ្ញាតពីក្រសួងសុខាភិបាល ដែលមានភ្ជាប់លក្ខខណ្ឌតម្រូវមួយចំនួននៃវិធានការការពារជាមួយជំងឺកូវីដ-១៩ ។
សូមបញ្ជាក់ ៖ មិនថា កាស៊ីណូ ឬសាលានោះទេ ត្រូវបានបិទតាំងពីមានកូវីដ១៩ ចូលមកដល់ប្រទេសកម្ពុជាយើងមកម្ល៉េះ ៕
ចែករំលែកព័តមាននេះ