ផ្លូវការ! La Liga នឹងត្រូវលេងដោយបិទទ្វាររហូតដល់បញ្ចប់រដូវកាលនេះ
ប្រទេសអេស្ប៉ាញ ៖ លេខាធិការផ្នែកកីឡារបស់ប្រទេសអេស្ប៉ាញលោកស្រី Irene Lozano រួមជាមួយប្រធាន La Liga លោក Javier…
ប្រទេសអេស្ប៉ាញ ៖ លេខាធិការផ្នែកកីឡារបស់ប្រទេសអេស្ប៉ាញលោកស្រី Irene Lozano រួមជាមួយប្រធាន La Liga លោក Javier…
ប្រទេសអេស្ប៉ាញ ៖ លេខាធិការផ្នែកកីឡារបស់ប្រទេសអេស្ប៉ាញលោកស្រី Irene Lozano រួមជាមួយប្រធាន La Liga លោក Javier Tebas បានបញ្ជាក់ជាផ្លូវការថា ការប្រកួតបាល់ទាត់ទាំងអស់ នឹងត្រូវលេងដោយបិទទ្វារកីឡដ្ឋាន រហូតដល់បញ្ចប់រដូវកាលនេះ ដើម្បីកាត់បន្ថយហានិភ័យការរីករាលដាលនៃវីរុសកូវីដ១៩។
សូមរំលឹកថាលោក Javier Tebas ធ្លាប់បាននិយាយកាលពីខែមុនថា លោករំពឹងថាអ្នកគាំទ្រនឹងអាចត្រូវបានអនុញ្ញាតឱ្យត្រឡប់មកទស្សនាក្នុងកីឡដ្ឋានវិញនៅពេលណាមួយ ដែលសុវត្ថិភាពត្រូវបានធានា ខណៈដែលលីគក៏បានត្រៀមរៀបចំសេចក្តីព្រាងពិធីសារ ពាក់ព័ន្ធនឹងរឿងនេះផងដែរ ។
ទោះយ៉ាងណាលោកស្រី Irene Lozano បាននិយាយម្តងហើយម្តងទៀតថា យុទ្ធនាការលីគបាល់ទាត់របស់ប្រទេសអេស្ប៉ាញ គួរតែត្រូវបញ្ចប់ដោយគ្មានអ្នកទស្សនាផ្ទាល់ រហូតដល់បញ្ចប់រដូវកាលនេះ។
លោកស្រីបានមានប្រសាសន៍យ៉ាងដូច្នេះថា «អ្វីដែលមានសុវត្ថិភាពបំផុតនោះ គឺការបញ្ចប់រដូវកាលនេះ ដោយគ្មានអ្នកទស្សនាផ្ទាល់។ ការប្រកួតកីឡាបាល់ទាត់បានទាក់ទាញមនុស្សជាច្រើន វាមិនដូចគ្នាជាមួយការសម្តែងល្ខោននោះទេ។ នោះហើយជាមូលហេតុ ដែលវាខុសគ្នាទៅនឹងសកម្មភាពផ្សេងទៀត»។
សូមបញ្ជាក់ថា បច្ចុប្បន្នលីគកំពូលទាំង៥របស់ទ្វីបអឺរ៉ុប នៅមិនទាន់បានអនុញ្ញាតឱ្យមានអ្នកគាំទ្រចូលរួមទស្សនាផ្ទាល់នៅឡើយទេ ទោះបីជាលីគកំពូលរបស់ប្រទេសស៊ែប, ប៊ុលហ្គារី និងដាណឺម៉ាក បានអនុញ្ញាតឱ្យអ្នកគាំទ្រចូលទស្សនាវិញ យ៉ាងណាក៏ដោយ។(ដកស្រង់ចេញពី៖ Reuters)
ចែករំលែកព័តមាននេះ