អន្តរជាតិ ៖ សភាតំណាងរាស្ត្រអាមេរិកបានអនុម័តទណ្ឌកម្មថ្មីទាក់ទងនឹងហុងកុង បន្ទាប់ពីទីក្រុងប៉េកាំង បានដាក់ចេញច្បាប់សន្តិសុខដែលត្រូវបានថ្កោលទោសដោយបណ្តាប្រទេសនានាជុំវិញពិភពលោក។ ច្បាប់ដែលត្រូវបានអនុម័តជាឯកច្ឆន្ទដាក់ទោសធនាគារដែលធ្វើជំនួញជាមួយមន្ត្រីចិន។ វានឹងត្រូវមានការយល់ព្រមពី ព្រឹទ្ធសភា មុនពេលទៅប្រធានាធិបតី Trump ។
ក្រុមអ្នករិះគន់និយាយថា ច្បាប់របស់ចិនបញ្ចប់សេរីភាពដែលត្រូវបានធានារយៈពេល ៥០ឆ្នាំ នៅពេលដែលការគ្រប់គ្រងរបស់ចក្រភពអង់ គ្លេសបានបញ្ចប់នៅឆ្នាំ ១៩៩៧។ ប្រធានសភាតំណាងអាមេរិក លោកស្រីណីភីលស៊ី បាននិយាយថា ៖ « ច្បាប់នេះគឺជាការបង្ក្រាបដ៏ឃោរឃៅប្រឆាំងនឹងប្រជាជនហុងកុងក្នុងគោលបំណងបំផ្លាញសេរីភាពដែលពួកគេបានសន្យា»។
នាយករដ្ឋមន្ត្រីអង់គ្លេសលោក Boris Johnson បានមានប្រសាសន៍ ថាការអនុម័តច្បាប់សន្តិសុខជាតិនេះ គឺជា «ការរំលោភយ៉ាងច្បាស់ និងធ្ងន់ធ្ងរ» នៃសេចក្តីប្រកាសរួមចិន – អង់គ្លេសឆ្នាំ ១៩៨៥៕ ដោយ ៖ សហការី
ចែករំលែកព័តមាននេះ