មានមន្ត្រីមូលដ្ឋានមួយពីរករណី បង្គាប់យកប្រាក់ពីពលរដ្ឋនៅពេលទៅបើកប្រាក់
- ភ្នំពេញ
រាជធានីភ្នំពេញ ៖ ថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងឲ្យដឹង នៅរសៀលថ្ងៃទី២ ខែកក្កដា ឆ្នាំ២០២០ នេះថា…
រាជធានីភ្នំពេញ ៖ ថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងឲ្យដឹង នៅរសៀលថ្ងៃទី២ ខែកក្កដា ឆ្នាំ២០២០ នេះថា…
រាជធានីភ្នំពេញ ៖ ថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងឲ្យដឹង នៅរសៀលថ្ងៃទី២ ខែកក្កដា ឆ្នាំ២០២០ នេះថា ដំណើរផ្តល់ប្រាក់ឧបត្ថម្ភរបស់រដ្ឋបានដំណើរ ទៅមុខយ៉ាងរលូនទោះបីមានករណីអវិជ្ជមានខ្លះក្តី។ លោករដ្ឋមន្ត្រីបានទទួលស្គាល់ថា មានមន្ត្រីមូលដ្ឋានមួយពីរករណី បានបង្គាប់យកប្រាក់ពីពលរដ្ឋ នៅពេលទៅបើកប្រាក់ ប៉ុន្តែករណីនេះ ក្រុមការងារចុះស្រាវជ្រាវ និងបានធ្វើរបាយណ៍ទៅរដ្ឋមន្ត្រីក្រសួងមហាផ្ទៃចាត់វិធានការ។
ក្នុងសន្និសីទ សារព័តមាននិយាយពីបច្ចុប្បន្នភាពនៃការបើកប្រាក់ឧបត្ថម្ភដល់ពលរដ្ឋក្រីក្រ ដែលងាយរងគ្រោះពីជំងឺ កូវីដ-១៩ នៅរសៀលថ្ងៃទី២ កក្កដានេះ លោក វង សូត ថា ក្រសួងសង្គមកិច្ចគ្មានសមត្ថកិច្ច ចំពោះករណីនោះឡើយ។ ជាមួយគ្នានេះ មានករណីដែលពលរដ្ឋខ្លះលើកឡើងថា ខ្លួនក្រដែរ តែមិនទទួលបានប័ណ្ណសមធម៌នោះ លោកថា ជាការប្រណែននឹងអ្នកទទួលបានបណ្ណ័តែប៉ុណ្ណោះ។ ទោះយ៉ាងណា លោករដ្ឋមន្ត្រី ស្នើដល់ពលរដ្ឋដែលថាខ្លួនក្រដាក់ពាក្យស្នើសុំនៅឃុំសង្កាត់ ដើម្បីឲ្យអាជ្ញាធរធ្វើសម្ភាស វាយតម្លៃ ប្រសិនជាពួកគាត់ក្រីក្រប្រាកដមែន។
លោករដ្ឋមន្ត្រីក្រសួងសង្គមកិច្ចថា ការបើកប្រាស់ឧបតម្ថម្ភសម្រាប់ខែមិថុនា នឹងបិទនៅត្រឹមថ្ងៃទី២៩ កក្កដាខាងមុខ។ ហើយប្រាក់ឧបត្ថម្ភខែកកក្កដានឹងផ្តើមបើកដល់ ចាប់ពីថ្ងៃទី២៥កក្កដាទៅ។ «ការបើប្រាក់ខែកក្កដាយើងជឿជាក់ថាចំនួននឹងកើនឡើង តែកើនប៉ុណ្ណានោះយើងមិនទាន់ដឹងទេ។ យើងបើកចំហរឲ្យពលរដ្ឋដាក់ពាក្យស្នើសុំសម្ភាសដើម្បីទទួលបានប័ណ្ណសមធម៌។ យើងមានយន្តការពីលើកទី១ហើយ លើកទី២យើងមិនលំបាកទេ។
ពីដំបូងខ្ញុំបារម្ភខ្លាចអត់លុយ តែសម្តេចនាយករដ្ឋមន្ត្រីបានទម្លាក់ចាស់ប្រាក់១២៥លានដុល្លារ។ យើងមិនមានបញ្ហាអ្វីទេ» ។ លោករដ្ឋមន្ត្រីក៏បានឲ្យដឹងផងដែរថា មកដល់ពេលនេះ ពលរដ្ឋក្រីក្រ៨០% ក្នុងចំណោមពលរដ្ឋ ជាង៥៦ម៉ឺនគ្រួសារ ដែលបានកំណត់ថា ជាពលរដ្ឋក្រីក្រ និងងាយរងគ្រោះដោយសារជំងឺកូវីដ-១៩នោះ បានទៅបើកប្រាក់ឧបត្ថម្ភពីរដ្ឋ៕ ដោយ ៖ អ សួស្តី
ចែករំលែកព័តមាននេះ