ព្រះពុទ្ធត្រាស់ថាព្យាយាម៤យ៉ាងជាប្រភពនាំឱ្យកើតប្រយោជន៍ធំធេងណាស់សម្រាប់អ្នកប្រតិបត្តិផ្ទាល់ដើម្បីរារាំងអំពើអាក្រក់មិនឱ្យចូលមកបាន ហើយព្យាយាមចម្រើន បង្កើននូវអំពើល្អឱ្យកាន់តែប្រសើរឡើង ។ សេចក្តីព្យាយាមនេះមាន៤ប្រការគឺៈ
១-ព្យាយាម ប្រយ័ត្នកុំឱ្យអំពើអាក្រក់ ឬបញ្ហានានាកើតឡើងបាន ។
២-ព្យាយាមបំផ្លាញអំពើអាក្រក់ដែលកើតឡើងហើយ ឱ្យអស់ទៅវិញ ។
៣-ព្យាយាមចម្រើននូវអំពើល្អ ដែលមិនទាន់មានឱ្យកើតមានឡើង ។
៤-ព្យាយាមរក្សាសេចក្តីល្អ ដែលកើតឡើងហើយ ឱ្យគង់វង្សរហូត ។
ព្យាយាមទាំង៤យ៉ាងនេះ ជាលក្ខណៈសម្គាល់ គឺព្យាយាមកុំឱ្យសេចក្តីទុក្ខ និងបញ្ហាផ្សេងៗ កើតឡើងក្នុងសង្គមខ្លួន ព្យាយាមកម្ចាត់នូវសេចក្តីទុក្ខដែលសង្គមកំពុងជួបប្រទះ ឱ្យអស់ទៅ ព្យាយាមរកសេចក្តីសុខស្រួលឱ្យបានច្រើនជាទីបំផុតដល់សង្គម និងព្យាយាមថែរក្សា គ្រប់គ្រងកុំឱ្យសេចក្តីសុខនោះបាត់បង់ទៅវិញ ។ សាន សារិន
ចែករំលែកព័តមាននេះ