Smalling និង Sanchez ត្រូវបន្តស្នាក់នៅអ៊ីតាលី រហូតដល់ចប់រដូវកាលនេះ
ប្រទេសអង់គ្លេស ៖ ក្លិប Manchester United បានបញ្ជាក់ជាផ្លូវការថាខ្សែការពារ Chris Smalling និងខ្សែប្រយុទ្ធ Alexis…
ប្រទេសអង់គ្លេស ៖ ក្លិប Manchester United បានបញ្ជាក់ជាផ្លូវការថាខ្សែការពារ Chris Smalling និងខ្សែប្រយុទ្ធ Alexis…
ប្រទេសអង់គ្លេស ៖ ក្លិប Manchester United បានបញ្ជាក់ជាផ្លូវការថាខ្សែការពារ Chris Smalling និងខ្សែប្រយុទ្ធ Alexis Sanchez បានពន្យាកិច្ចព្រមព្រៀងក្នុងលក្ខខណ្ឌខ្ជីជើងជាមួយក្លិប Roma និង Inter Milan រៀងៗខ្លួនរហូតដល់បញ្ចប់រដូវកាលនៃលីគកំពូលអ៊ីតាលី Serie A ។
ខ្សែការពារអង់គ្លេស Smalling និងខ្សែប្រយុទ្ធឈីលី Sanchez របស់ក្រុមបិសាចក្រហម Man United ត្រូវបានអនុញ្ញាតឱ្យក្លិបកំពូលទាំងពីរនៃក្របខណ្ឌ Serie A ខ្ចីជើងចាប់តាំងពីខែសីហា ឆ្នាំ២០១៩ មកម្ល៉េះ។ ខណៈតាមកិច្ចព្រមព្រៀង ពួកគេត្រូវវិលត្រឡប់មកកាន់ទឹកដី Old Trafford វិញនៅខែមិថុនា ឆ្នាំ២០២០នេះ ។
ប៉ុន្តែដោយសារតែការផ្ទុះឡើងនៃវីរុសកូវីដ១៩ បានធ្វើឱ្យប៉ះពាល់សកម្មភាពប្រកួតប្រជែងរបស់ក្របខណ្ឌកំពូលអ៊ីតាលីមួយនេះ ដែលមិនអាចបញ្ចប់តាមការគ្រោងទុកបាន។
ដោយឡែកបើយោងតាមការចុះផ្សាយពី BBC និង Sky Sports បានឱ្យដឹងថា ចំពោះសិទ្ធិលេងរបស់កីឡាករ Smalling និង Sanchez សម្រាប់ការប្រកួតក្របខណ្ឌ Europa League វគ្គ៨ក្រុមចុងក្រោយ ដែលនឹងចាប់ផ្តើមនៅថ្ងៃទី ១០ ខែសីហាខាងមុខ នៅមិនទាន់ត្រូវបានបញ្ជាក់ជាផ្លូវការនៅឡើយទេ។ ខណៈដែលបច្ចុប្បន្នក្លិបទាំង៣ កំពុងស្ថិតនៅក្នុងការប្រកួតប្រជែងវគ្គ ១៦ក្រុមចុងក្រោយនៃពានរង្វាន់លំដាប់ទី២ ប្រចាំទ្វីបអឺរ៉ុបមួយនេះដូចគ្នា៕
ចែករំលែកព័តមាននេះ