ប្រទេសវៀតណាម ៖ ការនាំចេញមឹកទៅក្រៅប្រទេសរបស់ប្រទេសវៀតណាម ត្រូវបានថយចុះ ២១,២ ភាគរយ ដែលស្មើនឹង ១៩២ លានដុល្លារអាមេរិក ក្រោយទទួលរងផលប៉ះពាល់នៃវិបត្តិកូវីដ១៩…
ប្រទេសវៀតណាម ៖ ការនាំចេញមឹកទៅក្រៅប្រទេសរបស់ប្រទេសវៀតណាម ត្រូវបានថយចុះ ២១,២ ភាគរយ ដែលស្មើនឹង ១៩២ លានដុល្លារអាមេរិក ក្រោយទទួលរងផលប៉ះពាល់នៃវិបត្តិកូវីដ១៩ នេះ បើគិតត្រឹម៥ខែដំបូង ក្នុងឆ្នាំ ២០២០ ។ នេះបើយោងតាមការលើកឡើងរបស់សមាគមន៍វៀតណាម នៃការនាំចេញ និងការផលិតគ្រឿងសមុទ្រ ។
យោងតាមការចុះផ្សាយរបស់សារត័ត៌មាន Viet Nam News (VNN) នៅថ្ងៃទី ៣០ ខែមិថុនានេះ បានបន្តថា ប្រទេសកូរ៉េ គឺជាប្រទេសដែលបញ្ជាទិញមឹក ធំជាងគេរបស់ប្រទេសវៀតណាមដែលស្មើនឹង ៤២,៦ ភាគរយ កាលពីឆ្នាំកន្លងទៅ ប៉ុន្តែក្នុងឆ្នាំនេះការបញ្ជាទិញមានការថយចុះ មកនៅត្រឹម ២១,២ ភាគរយ ។
សារត័ត៌មានដដែលបានបន្ថែមថា «ការថយចុះនៃការនាំចេញទៅកាន់ សហភាពអឺរ៉ុប មានចំនួន ៤៩ ភាគរយ ។ ប៉ុន្តែការនាំចេញទៅ ប្រទេសចិន បានកើនឡើង៣៨ភាគរយ ដែលស្មើនឹង ១៣,៧ លានដុល្លារអាមេរិក» ។
ខណៈពេលដែលការនាំចូលមឹកក៏បានថយចុះថយផងដែរ ក្នុងរយៈពេលពីរខែដំបូង ដែលចាប់ផ្តើមតាំងពីខែមីនា មកម្ល៉េះ គឺបានថយចុះខ្លាំង ខណៈពេលដែលស្ថានភាពកូវីដ១៩ មានសន្ទុះខ្លាំងក្លា ។
យោងតាម VASEP ចាប់តាំងពីពិភពលោកគ្រប់គ្រងស្ថានភាពកូវីដ១៩ លែងបាន ដូចនេះការផ្គត់ផ្គង់អាហារសមុទ្រឆៅក្នុងប្រទេសវៀតណាម និងប្រទេសដែលកែច្នៃអាហារសមុទ្រ ក្នុងសកលលោកទាំងមូល រងនូវផលប៉ះពាល់នេះ ហើយកាន់តែបន្តធ្លាក់ចុះផងដែរ ៕
ចែករំលែកព័តមាននេះ