រាជធានីភ្នំពេញ៖ ក្រសួងសុខាភិបាលបានកំពុងអភិវឌ្ឍន៍ការទំនាក់ទំនងរវាងមន្ត្រីសុខាភិបាលពីភ្នំពេញទៅបណ្តាខេត្តនានាឲ្យកាន់តែងាយស្រួល និងទំនើប ទាន់ពេលវេលាជាងមុន តាមប្រព័ន្ធបច្ចេកវិទ្យា ។ នោះ គឺមន្ត្រីសុខាភិបាលនៅភ្នំពេញអាចជួបពិភាក្សារការងារជាមួយមន្ត្រីនៅតាមខេត្តទូទាំងប្រទេសតាមអនឡាញ ដែលគេហៅថា TeleConference…
រាជធានីភ្នំពេញ៖ ក្រសួងសុខាភិបាលបានកំពុងអភិវឌ្ឍន៍ការទំនាក់ទំនងរវាងមន្ត្រីសុខាភិបាលពីភ្នំពេញទៅបណ្តាខេត្តនានាឲ្យកាន់តែងាយស្រួល និងទំនើប ទាន់ពេលវេលាជាងមុន តាមប្រព័ន្ធបច្ចេកវិទ្យា ។ នោះ គឺមន្ត្រីសុខាភិបាលនៅភ្នំពេញអាចជួបពិភាក្សារការងារជាមួយមន្ត្រីនៅតាមខេត្តទូទាំងប្រទេសតាមអនឡាញ ដែលគេហៅថា TeleConference ។
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានថ្លែងថា នេះជាការអភិវឌ្ឍវិស័យសុខាភិបាល ដើម្បីត្រៀមទប់ស្កាត់ការរីករាល់ជំងឺកូវីដ១៩ ដោយធ្វើយ៉ាងណាកុំឲ្យមានរលកទី២ កើតមានបាន ។
អ្នកនាំពាក្យក្រសួងសុខាភិបាលបានបញ្ជាក់ថា «ក្នុងសម័យបច្ចេកវិទ្យា វិស័យសុខាភិបាល យើងបានអភិវឌ្ឍន៍ឲ្យស្របតាមការរីកចម្រើននោះដែរ ដើម្បីប្រសិទ្ធភាពការងារ ។ យើងបានសម្រួលធ្វើយ៉ាងណា ឲ្យការទំនាក់ទំនងរវាងវេជ្ជបណ្ឌិត និងបុគ្គលិកសុខាភិបាលជាមួយ ប្រជាជនដែលមានតម្រូវការ ដើម្បីចូលរួមទប់ស្កាត់ការរីករាលដាពីជំងឺកូវីដ១៩» ។
លោកស្រី ឱ វណ្ណឌីន ថាការតភ្ជាប់នេះ គឺដើម្បីឲ្យមន្ត្រី ឬក៏វេជ្ជបណ្ឌិតនៅតាមបណ្ដារាជធានី-ខេត្តអាចជួបពិភាក្សាគ្នាបានដោយជួបមុខគ្នា និយាយផ្ទាល់តាមរយៈប្រព័ន្ធវីដេអូ អនឡាញ ដោយមិនចាំបាច់ឲ្យពួកគាត់ធ្វើដំណើរឡើងមករាជធានីភ្នំពេញដែលជាការរំខាន ចំណាយពេលវេលាពីព្រោះគ្រប់គ្នាបានកំពុងរវល់មមាញឹក ។ ដើម្បីជំរុញការងារនេះ ក្រសួងបានកំពុងកសាងប្រព័ន្ធហេដ្ឋារចនាសម្ពន្ធអ៊ីនធឺណិត ដោយសារសហការជាមួយក្រុមហ៊ុនឯកជន ។
កាលពីថ្ងៃទី២៩ មិថុនា ក្រសួងសុខាភិបាល ដោយមានលោកស្រី ឱ វណ្ណឌីន ជាតំណាងបានជួបពិភាក្សាជាមួយក្រុមហ៊ុនទូរស័ព្ទចល័តមួយ ដើម្បីសហការគ្នាក្នុងការធ្វើទំនើបកម្មសេវាទាក់ទងគ្រួពេទ្យនេះ ៕
ចែករំលែកព័តមាននេះ