ទទួលអំណោយសង្គ្រោះបឋម ក្រោយភ្លើងឆេះផ្ទះខ្ទេច
- មណ្ឌលគិរី
ខេត្តមណ្ឌលគិរី ៖ នារសៀលថ្ងៃទី២៩ មិថុនា ឆ្នាំ២០២០ សាខាកាកបាទក្រហមកម្ពុជា ខេត្តមណ្ឌលគិរី ដឹកនាំដោយលោកសាយ ម៉េងគីម អនុប្រធានអចន្ត្រៃយ៍គណៈកម្មាធិការសាខា…
ខេត្តមណ្ឌលគិរី ៖ នារសៀលថ្ងៃទី២៩ មិថុនា ឆ្នាំ២០២០ សាខាកាកបាទក្រហមកម្ពុជា ខេត្តមណ្ឌលគិរី ដឹកនាំដោយលោកសាយ ម៉េងគីម អនុប្រធានអចន្ត្រៃយ៍គណៈកម្មាធិការសាខា និងសហការី បានអញ្ជើញសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ជូនប្រជាពលរដ្ឋរងគ្រោះដោយឧប្បទ្ទវហេតុភ្លើងឆេះផ្ទះចំនួន២ខ្នងផ្ទះ ស្មើនឹង ២គ្រួសារ (ឆេះទាំងស្រុងចំនួន ១គ្រួសារ និងឆេះមួយចំហៀងចំនួន ១គ្រួសារ) ដែលបានឆាបឆេះកាលពីថ្ងៃទី២៥ មិថុនា មានទីលំនៅភូមិស្វាយចេក សង្កាត់សុខដុម ក្រុងសែនមនោរម្យ ខេត្តមណ្ឌលគិរី។
នាឱកាសនោះដែរ អនុប្រធានអចិន្ត្រៃយ៍បានសម្ដែងនូវការសោកស្ដាយ ចំពោះឧប្បត្តទ្ទវហេតុភ្លើងឆេះផ្ទះនេះ បណ្ដាលឱ្យខូចខាតផ្ទះសម្បែង និងបាត់បង់ទ្រព្យសម្បត្តិអស់ជាច្រើន ហើយសូមកុំអស់សង្ឃឹម ត្រូវខិតខំប្រកបរបរចិញ្ចឹមជីវិត ដើម្បីស្ដារជីវភាពគ្រួសារឡើងវិញ។
អំណោយដែលបានផ្ដល់ជូនរួមមាន៖ អង្ករ២៥គីឡូក្រាម ទឹកស៊ីអ៉ីវ ១យួរ ទឹកត្រី ១យួរ ត្រីខ ១០កំប៉ុង មី ១កេស ឆ្នាំងបាយ២ ខ្ទះឆា១ ចានដែក៣ កំសៀវទឹក១ ជ្រុញ១ ស្រាក់១ ភួយ១ សារុង១ ក្រមា១ តង់១ អាវយឺត៣ សាប៊ូដុំ ១ដុំ ម៉ាស់ចំនួន៥ ។
ដោយឡែក សម្រាប់ថវិកាជូនដល់ក្រុមគ្រួសារឆេះផ្ទះទាំងស្រុងទទួលបានថវិកាចំនួន៣០០,០០០រៀល និងឆេះមួយចំហៀងចំនួន២០០,០០០រៀលផងដែរ៕
ចែករំលែកព័តមាននេះ