ខេត្តកំពត ៖ អស់មិនតិចទេខ្យល់ប៉ើងដំបូលផ្ទះប្រជាពលរដ្ឋ ដោយនៅថៃ្ងទី២៩ ខែមិថុនា ឆ្នាំ២០២០រសៀល មានភ្លៀងធ្លាក់ និងខ្យល់កន្ត្រាក់ បានបង្កឲ្យមានការប៉ើងដំបូលផ្ទះ ជាច្រើននៅឃុំព្រែកត្នោត…
ខេត្តកំពត ៖ អស់មិនតិចទេខ្យល់ប៉ើងដំបូលផ្ទះប្រជាពលរដ្ឋ ដោយនៅថៃ្ងទី២៩ ខែមិថុនា ឆ្នាំ២០២០រសៀល មានភ្លៀងធ្លាក់ និងខ្យល់កន្ត្រាក់ បានបង្កឲ្យមានការប៉ើងដំបូលផ្ទះ ជាច្រើននៅឃុំព្រែកត្នោត ស្រុកទឹកឈូ ។ នេះបើយោងតាមផេកក្រសួងធនធានទឹក និងឧតុនិយមបានចេញផ្សាយនាយប់ថ្ងៃទី២៩ ខែមិថុនានេះ ។
ក្រសួងធនធានទឹក និងឧតុនិយមបានបញ្ជាក់ថា ផ្ទះប្រជាពលរដ្ឋចំនួន ២៥ខ្នង និងរលំទាំងស្រុងចំនួន០៥ខ្នង សរុបចំនួន៣០ខ្នង នៅឃុំព្រែកត្នោត ស្រុកទឹកឈូ ខេត្តកំពត ។
សូមបញ្ជាក់ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថា ចាប់ពីថ្ងៃ២៤ ដល់៣០ ខែមិថុនា ឆ្នាំ២០២០ កម្ពុជានឹងមានភ្លៀងធ្លាក់ពីតិចទៅច្រើន ហើយបាតុភូតផ្គរ រន្ទះ និងខ្យល់កន្ត្រាក់ផងដែរ ។
ក្រសួងក៏បានអំពាវនាវឲ្យប្រជាពលរដ្ឋមានកាតប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ដែលនឹងអាចកើតមានជាយថាហេតុ៕
ចែករំលែកព័តមាននេះ