រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថា ចាប់ពីថ្ងៃទី១ ដល់ ៧ ខែកក្កដា តំបន់មួយចំនួននៅក្នុងប្រទេសកម្ពុជានឹងមានភ្លៀងធ្លាក់ខ្លាំង ហើយមានបាតុភូតធម្មជាតិផងដែរ…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថា ចាប់ពីថ្ងៃទី១ ដល់ ៧ ខែកក្កដា តំបន់មួយចំនួននៅក្នុងប្រទេសកម្ពុជានឹងមានភ្លៀងធ្លាក់ខ្លាំង ហើយមានបាតុភូតធម្មជាតិផងដែរ ។
យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយមចុះផ្សាយ នៅថ្ងៃទី៣០ ខែមិថុនា ឆ្នាំ២០២០ បានឲ្យដឹងថា តាមរយៈនៃការប្រែប្រួលអាកាសធាតុជាបន្តបន្ទាប់ នៃស្ថានភាពអាកាសធាតុសង្កេតឃើញថា ខ្យល់មូសុងនិរតីបក់ខ្លាំងជាមួយ នឹងជ្រលងនៃប្រព័ន្ធសម្ពាធទាបបង្កើតឱ្យមានឥទ្ធិពលនៅលើប្រទេសកម្ពុជា ។
ក្រសួងបន្តថា ស្ថានភាពបែបនេះធ្វើឱ្យបណ្តាខេត្តនៅតំបន់វាលទំនាបកណ្ដាលនឹងអាចមានភ្លៀងធ្លាក់រាយប៉ាយក្នុងកម្រិតពីមធ្យមទៅច្រើនព័ត៌មានផ្នែកមួយចំនួននឹងអាចមានភ្លៀងធ្លាក់ខ្លាំងផងដែរ ។ ចំណែកខេត្តនៅតំបន់ជួរភ្នំដងរែក និងខ្ពង់រាបឦសាន និងអាចមានភ្លៀងធ្លាក់ រាយប៉ាយពីមធ្យមទៅច្រើន ហើយតំបន់នៅបណ្ដាលខេត្តជាប់មាត់សមុទ្រវិញក៏នឹងមានភ្លៀងធ្លាក់ពីមធ្យមទៅខ្លាំង ។ នៅលើផ្ទៃសមុទ្រនឹងអាចមានភ្លៀងធ្លាក់ខ្លាំង និងរលកសមុទ្រខ្ពស់ៗ ។
ជាមួយគ្នានោះដែរ ក្រសួងធនធានទឹក និងឧតុនិយមក៏បានអំពាវនាវដល់ប្រជាពលរដ្ឋ ជាពិសេសអ្នកធ្វើដំណើរតាមសមុទ្រ និងប្រជានេសាទ សូមបង្កើនការប្រុងប្រយ័ត្នចំពោះបាតុភូតធម្មជាតិដូចជា ផ្គរ រន្ទះ និងខ្យល់កន្ត្រាក់ដែលអាចនឹងកើតមានជាយថាហេតុនៅពេលណាមួយ ៕
ចែករំលែកព័តមាននេះ