រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីល្ងាចថ្ងៃទី២៨ ខែមិថុនា ឆ្នាំ២០២០ បានសម្រេចចេញដីកាឃុំខ្លួនចាងហ្វាងកាសែតជាតិខ្មែរ ដាក់ពន្ធនាគារជាបណ្តោះអាសន្នពីបទ ញុះញង់ ។…
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីល្ងាចថ្ងៃទី២៨ ខែមិថុនា ឆ្នាំ២០២០ បានសម្រេចចេញដីកាឃុំខ្លួនចាងហ្វាងកាសែតជាតិខ្មែរ ដាក់ពន្ធនាគារជាបណ្តោះអាសន្នពីបទ ញុះញង់ ។
ជនសង្ស័យឈ្មោះ រស់ សុឃិត ភេទប្រុស អាយុ៤១ឆ្នាំ មុខរបរជាចាងហ្វាងកាសែតជាតិខ្មែរ មានអាស័យដ្ឋាននៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ ។
ជនសង្ស័យត្រូវបានកម្លាំងសមត្ថកិច្ចនគរបាលការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ សហការជាមួយស្នងដ្ឋាននគរបាលខេត្តកំពង់ឆ្នាំង ឃាត់ខ្លួនកាលពីថ្ងៃទី២៥ ខែមិថុនា ឆ្នាំ២០២០ ។ លុះថ្ងៃទី២៦ ខែមិថុនា ចាងហ្វាងកាសែតជាតិខ្មែរ សមត្ថកិច្ចបានបញ្ជូនទៅកាន់សាលាដំបូងរាជធានីភ្នំពេញ ដើម្បីធ្វើការសាកសួរពាក់ពន្ធពីបទ.ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ។ បន្ទាប់ពីតុលាការបើកការស៊ើបសួរអស់រយៈពេល២ថ្ងៃ ជនសង្ស័យឈ្មោះ រស់ សុឃិត ត្រូវបានចៅក្រមស៊ើបសួរសម្រេចឃុំខ្លួនដាក់ពន្ធនាគារជាបណ្តោះអាសន្ន រង់ចាំបើកសវនាការផ្តន្ទាទោសតាមផ្លូវច្បាប់ ។
សូមបញ្ជាក់ថា លោក រស់ សុឃិត ធ្លាប់ត្រូវបានកម្លាំងសមត្តកិច្ចចាប់ខ្លួនដាក់ពន្ធនាគារម្តងរួចមកហើយ នៅក្នុងអំឡុងឆ្នាំ២០០៩ ពាក់ពន្ធពីបទ.បរិហារកេរ្តិ៍ និងផ្សាយព័ត៌មានមិនពិត ហើយត្រូវបានសាលក្រមផ្តន្ទាទោសដាក់ពន្ធនាគារកំណត់២ឆ្នាំ ប៉ុន្តែពេលនោះលោក រស់ សុឃិត ជាប់ក្នុងពន្ធនាគារត្រឹមតែ១ឆ្នាំទេ ត្រូវបានដោះលែងឲ្យមានសេរីភាពវិញ ។ ម្តងនេះលោកចាងហ្វាងកាសែតជាតិខ្មែរ អាចនឹងត្រូវជាប់ឃុំក្នុងពន្ធនាគារយូរជាងមុន នេះបើតាមមើលអង្គហេតុដែលជនសង្ស័យបានប្រព្រឹត្ត ៕
ចែករំលែកព័តមាននេះ