នៅព្រឹកថ្ងៃអាទិត្យ ទី២៨ ខែមិថុនា ឆ្នាំ២០២០ គណបក្សប្រជាជនកម្ពុជាខេត្តកំពត បានធ្វើពិធីប្រកាសសេចក្តីសម្រេច ស្តីពីការចាត់តាំង កែសម្រួល និងបំពេញបន្ថែមក្រុមការងារគណបក្សចុះមូលដ្ឋាន ក្រុង ស្រុក ក្នុងខេត្តកំពត នៅសាលសន្និសីទបូកគោ ក្រោមអធិបតីដ៏ខ្ពង់ខ្ពស់របស់លោកបណ្ឌិត ប៉ែន ស៊ីម៉ន សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងរគណបក្សចុះមូលដ្ឋានខេត្តកំពត និងលោក ជាវ តាយ សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពត ។ ព្រមទាំងមានការអញ្ជើញចូលរួមពី ឯកឧត្ដម លោកជំទាវ ជាប្រធាន អនុប្រធានក្រុមការងារគណបក្សចុះមូលដ្ចានខេត្តកំពត ។
ក្នុងពិធីនេះ ក៏មានការអញ្ជើញចូលរួមពីសំណាក់ថ្នាក់ដឹកនាំ សមាជិក សមាជិកា គណបក្សប្រជាជនកម្ពុជាខេត្តកំពត ក្រុង ស្រុក មន្ត្រីដែលចុះមូលដ្ឋានទូទាំងខេត្តកំពត គេសង្កេតឃើញវត្តមាន ឯកឧត្តម លោកជំទាវ សមាជិក ព្រឹទ្ធសភា រដ្ឋសភាមណ្ឌលកំពត ក៏មានវត្តមានក្នុងពិធីនេះដែរ សរុបចំនួន ២៧៦រូប ដើម្បីចូលរួមប្រជុំផ្សព្វផ្សាយ សេចក្តីសម្រេច ស្តីពីការចាត់តាំង កែសម្រួល និងបំពេញបន្ថែមសមាសភាពក្រុមការងារគណបក្សចុះជួយការងារពង្រឹងមូលដ្ឋាន ក្នុងដំណាក់កាលសម័យកូវីដ១៩ ។
សេចក្តីសម្រេចកែសម្រួលទាំង ៣ថ្នាក់ខាងលើនេះ មានចំនួន ជាង ៣ពាន់នាក់ ។ ក្រោយពីលោក ជាយ តាយ ប្រធានគណៈកម្មាធិការគណបក្សប្រជាជនកម្ពុជាខេត្តកំពត មានមតិស្វាគមន៍ និងជម្រាបជូននូវកិច្ចការដឹកនាំក្នុងខេត្ត រយៈពេលកន្លងមានការរីកចម្រើន និងមានការអភិវឌ្ឍន៍ ជាលំដាប់ រួចមក លោកបណ្ឌិត ប៉ែន ស៊ីម៉ន ក៏បានប្រគល់ជូនប្រធានក្រុមការងារ នូវសេចក្តីសម្រេចយកទៅផ្សព្វផ្សាយបន្ត ។
លោកក៏បានក្រើនរលឹក អំពីតួនាទី ភារកិច្ចតាមថ្នាក់និមួយៗ រំលេចការកែសម្រួល ការងារ សិទ្ធិតួនាទីភារកិច្ចប្រកបដោយភាពទន់ភ្លន់ ឈ្លាសវៃ សម្របខ្លួនទាំងពលរដ្ឋ ទាំងមន្ត្រី តាមស្ថានភាពនៃសម័យកូវីដ១៩ ។
ក្នុងឱកាសនេះដែរ លោកក៏បានក្រើនរំលឹក ពីតួនាទីភារកិច្ចរបស់ចលនាមហាជន ជាពិសេសចលនា យុវជនគ្រប់ប្រភេទ អំពីការអនុវត្តន៍តួនាទីភារកិច្ច សមាសភាព សមាជិករបស់ខ្លួនផងដែរ ។
ចែករំលែកព័តមាននេះ