រាជធានីភ្នំពេញ៖ តារាចម្រៀងស្រីជួរមុខនៅកម្ពុជាដែលមានសមត្ថភាពច្រៀង និងលេងឧបករណ៍ភ្លេងបុរាណ កម្រមានអ្នកសិល្បៈផ្សេងទៀតធ្វើបាននោះ ខាត់ សុឃីម និងក្រុមគ្រួសារដែលកំពុងជួបទុកធំ ដោយការការបាត់បង់ជីវិតឪពុកជាទីស្រលាញ់របស់នាង កាន់តែធ្វើឲ្យមហាជនក្តុកក្តួលអួលដើម.ក នៅពេលបានលឺចម្រៀងដែលបងប្អូនត្រកូលខាត់ ដែលមានឈាមជ័រជាគ្រួសារ អ្នកសិល្បៈបុរាណបកស្រាយចម្រៀងរួមគ្នាជួនដំណើរអ្នកមានគុណជាលើកចុងក្រោយនោះ ។
ដោយក្តីនឹកស្រណោះដល់ឪពុកជាពន់ពេក ខាត់ សុឃីម និងបងប្អូន ព្រមទាំងក្រុមគ្រួសារទាំងអស់បានដែលសុទ្ធតែមានជំនាញខាងសិល្បៈច្រៀង និងលេងឧបករណ៍ភ្លេងបុរាណផ្សេងៗ នៅថ្ងៃបុណ្យ ៧ថ្ងៃរបស់ឪពុក បានធ្វើរឿងមួយរួមគ្នាច្រៀងបទភ្លេងឆៃយ៉ាំ ជូនចំពោះឪពុកជាលើកចុងក្រោយ ស្តាប់ ហើយធ្វើឲ្យមហាជនទប់ទឹកភ្នែកសឹងមិនជាប់ និងកាន់តែយល់ពីអារម្មណ៍នៃការបាត់បង់មនុស្សជាទីស្រលាញ់ថា មានទំហំធំធេងយ៉ាងណា ។
ព្រមជាមួយនឹងការចូលរួមរំលែកទុក្ខជាមួយត្រកូលខាត់ពីសំណាក់មហាជននោះ បងប្អូនខ្មែរមួយចំនួនធំក៏បានសរសើរ ខាត់ សុឃីម និងក្រុមគ្រួសារចំពោះទឹកចិត្តស្រលាញ់អ្នកមានគុណ ដែលពិបាកនឹងទទួលយកនូវអ្វីកើតមានឡើង ។
សូមរម្លឹកថា លោក លាវ ខាត់ ដែលជាឪពុករបស់នាង ខាត់ សុឃីម បានទទួលមរណភាព កាលពីថ្ងៃទី២២ មិថុនា ក្នុងជន្មាយុ៦៧ឆ្នាំ ដោយរោគាពាធ ។
ក្រោយពីទទួលដំណឹងយ៉ាងក្រៀមក្រំទៅលើគ្រួសាររបស់តារាចម្រៀងភ្លេងការរូបនេះ ក៏មានសិល្បករ និងសិល្បការីជាច្រើនបានចូលរួមរំលែកទុក្ខ និងបានចូលរួមនៅក្នុងកម្មវិធីបុណ្យផងដែរ ដោយនៅក្នុងនោះក៏មានអ្នកគាំទ្របានលើកទឹកចិត្តទៅដល់អ្នកនាងខាត់ សុឃីម ជាច្រើនផងដែរ ៕
ចែករំលែកព័តមាននេះ