Zidane ថាការ Assist របស់ Benzema អាចជាប់ការលេងល្អប្រចាំរដូវកាល
ប្រទេសអេស្ប៉ាញ ៖ លោក Zinedine Zidane ជឿជាក់ថា ការ Assist បាល់របស់កីឡាករ Karim…
ប្រទេសអេស្ប៉ាញ ៖ លោក Zinedine Zidane ជឿជាក់ថា ការ Assist បាល់របស់កីឡាករ Karim…
ប្រទេសអេស្ប៉ាញ ៖ លោក Zinedine Zidane ជឿជាក់ថា ការ Assist បាល់របស់កីឡាករ Karim Benzema ក្នុងជ័យជម្នះរបស់ក្រុម Real Madrid ១-០ លើក្រុម Espanyol អាចជាប់ជាការលេងល្អប្រចាំរដូវកាលនេះ (Best plays of the season)។
ខ្សែប្រយុទ្ធបារាំងវ័យ ៣២ឆ្នាំរូបនេះ បានបង្កើតឳកាស (Assist) ដ៍អស្ចារ្យមួយ ដោយប៉ែងបាល់ ដើម្បីឱ្យកីឡាករ Casemiro សម្រេចគ្រាប់បាល់ជ័យជម្នះក្នុងការប្រកួតសប្តាហ៍ទី៣២ នៃក្របខណ្ឌ La Liga និងជួយឱ្យក្រុម Real Madrid នាំមុខចំនួន ២ពិន្ទុនៅកំពូលតារាងលើក្រុម Barcelona កាលពីថ្ងៃអាទិត្យ។
ក្រោយបញ្ចប់ការប្រកួតនេះ គ្រូបង្វឹកលោក Zinedine Zidane បានថ្លែងយ៉ាងដូច្នេះថា «វាមិនបានធ្វើឱ្យខ្ញុំភ្ញាក់ផ្អើលទេ។ ព្រោះគេតែងតែជាកីឡាករម្នាក់ ដែលបង្កើតវាឡើង ហើយបន្ទាប់មក Casemiro ជាអ្នកសម្រេចគ្រាប់បាល់។ ខ្ញុំជឿថាវានឹងអាចជាប់ជាការលេងដ៏ល្អប្រចាំរដូវកាលនេះ» ។
សូមជម្រាបថា ក្រុម Real Madrid កំពុងមានទឹកលេបច្រើនជាងមុនបន្តិច បន្ទាប់ពីបច្ចុប្បន្នកំពុងឈរនៅកំពូលតារាង La Liga ដោយមាន ៧១ពិន្ទុនាំមុខក្រុម Barcelona ដែលមាន ៦៩ពិន្ទុ ខណៈនៅសល់ ៦ប្រកួតទៀតប៉ុណ្ណោះ ដែលត្រូវលេងដើម្បីបញ្ចប់លីគរដូវកាលនេះ៕ (ដកស្រង់ចេញពី៖ AS)
ចែករំលែកព័តមាននេះ