Carragher ប្រឈមបណ្តេញពីការងារ ក្រោយចូលរួមអបអរជាមួយអ្នកគាំទ្រ Liverpool
ប្រទេសអង់គ្លេស ៖ អតីតខ្សែការពារឆ្នើមក្រុម Liverpool លោក Jamie Carragher ទទួលរងការរិះគន់យ៉ាងចាស់ដៃ ក្រោយរូបគេបានចូលរួមជាមួយអ្នកគាំទ្រ Liverpool…
ប្រទេសអង់គ្លេស ៖ អតីតខ្សែការពារឆ្នើមក្រុម Liverpool លោក Jamie Carragher ទទួលរងការរិះគន់យ៉ាងចាស់ដៃ ក្រោយរូបគេបានចូលរួមជាមួយអ្នកគាំទ្រ Liverpool…
ប្រទេសអង់គ្លេស ៖ អតីតខ្សែការពារឆ្នើមក្រុម Liverpool លោក Jamie Carragher ទទួលរងការរិះគន់យ៉ាងចាស់ដៃ ក្រោយរូបគេបានចូលរួមជាមួយអ្នកគាំទ្រ Liverpool រាប់ពាន់នាក់ក្នុងការអបអរសាទរ ការឈ្នះជើងឯកក្របខណ្ឌ Premier League។
ពិធីករ និងជាអ្នកវិភាគបាល់ទាត់ប្រចាំទូរទស្សន៍កីឡាដ៏ល្បីអង់គ្លេស Sky Sports អាចប្រឈមនឹងការបណ្តេញចេញពីការងារ បន្ទាប់ពីរូបគេបានទទួលដំបូន្មានពីអតីតក្លិប និងអាជ្ញាធរមូលដ្ឋានរបស់ប្រទេសអង់គ្លេស ក្រោយចូលរួមពិធីអបអរជាមួយអ្នកគាំទ្រ Liverpool នៅកណ្តាលទីក្រុង Liverpool ផ្ទាល់តែម្តង។
យោងតាមសារព័ត៌មាន Daily Star បានឱ្យដឹងថា ប្រភពជិតស្និទ្ធជាមួយលោក Carragher បាននិយាយថា អតីតខ្សែការពារអង់គ្លេសរូបនេះ បានធ្វើតាមគោលការណ៍ណែនាំ ដើម្បីរក្សាគម្លាតឆ្ងាយពីសង្គមរបស់អាជ្ញាធរ អំឡុងពេលប្រារព្ធពិធីអបអរសាទរនេះ។ ប៉ុន្តែរូបភាពមួយចំនួនបានលេចចេញនៅលើបណ្តាញសង្គម ដែលបង្ហាញពីបរុសវ័យ ៤២ឆ្នាំរូបនេះបានចូលរួមក្នុងចំណោមក្រុមអ្នកគាំទ្ររាប់ពាន់នាក់។
សូមបញ្ជាក់ថា ក្រុម Liverpool កាលពីពេលថ្មីៗនេះ ទើបតែបានថ្កោលទោស ចំពោះទង្វើរបស់អ្នកគាំទ្រខ្លួនមួយចំនួន ដែលភាពបង្កភាពចលាចលក្នុងទីក្រុង ដោយរំលោភលើច្បាប់ រក្សាគម្លាតឆ្ងាយពីសង្គមរបស់ប្រទេសអង់គ្លេស។ ហើយការអបអរនេះ បានឈានដល់ការប៉ះទង្គិចគ្នាជាមួយក្រុមប៉ូលិសក្នុងតំបន់ ដោយមានទាំងការប្រើអំពើហឹង្សាមួយចំនួន និងបណ្តាលឱ្យមានមនុស្សរងរបួសជាច្រើននាក់ផងដែរ ៕ (ដកស្រង់ចេញពី៖ Mirror)
អត្ថបទពាក់ព័ន្ធ ៖ Liverpool ថ្កោលទោសទង្វើអ្នកគាំទ្រ ដែលបង្កភាពវឹកវរពាសពេញទីក្រុង
ចែករំលែកព័តមាននេះ