ប្រទេសថៃ ៖ ប្រឈមមុខនឹងសង្គ្រាមដោយពិតប្រាកដរបស់ពពួកសត្វស្វា ទីក្រុងលុបប៊ូរីថៃ បានសម្រេចបើកយុទ្ធនាការមួយសំដៅ ធ្វើឲ្យពពួកស្វាមិនមានកូន ខណៈតាមការវាយតម្លៃមួយចំនួនថា ស្វាក្នុងទីក្រុងនេះដែលរាតត្បាតតាមដងវីថី និងហាងនានាមានដល់ប្រមាណជា៦.០០០ក្បាល។ ស្វាច្រើនពាន់ក្បាលបានរាតត្បាត…
ប្រទេសថៃ ៖ ប្រឈមមុខនឹងសង្គ្រាមដោយពិតប្រាកដរបស់ពពួកសត្វស្វា ទីក្រុងលុបប៊ូរីថៃ បានសម្រេចបើកយុទ្ធនាការមួយសំដៅ ធ្វើឲ្យពពួកស្វាមិនមានកូន ខណៈតាមការវាយតម្លៃមួយចំនួនថា ស្វាក្នុងទីក្រុងនេះដែលរាតត្បាតតាមដងវីថី និងហាងនានាមានដល់ប្រមាណជា៦.០០០ក្បាល។
ស្វាច្រើនពាន់ក្បាលបានរាតត្បាត ទីក្រុងលុបប៊ុរី ស្ថិតនៅចម្ងាយប្រមាណជា១៥០គិឡូម៉ែត្រ ខាងជើងក្រុងបាងកក។ ពួកវាធ្លាប់ជួយទាក់ទាញអ្នកទេសចរ តែពេលនេះទីក្រុងនោះត្រូវស្ទះខ្លាំងដោយពពួកស្វាអុកឡុកពេញបន្ទុក ។ ចំនួនពួកវាបានកើនរហូតមិនអាចត្រួតត្រាបាន។ តាមការប៉ាន់ប្រមាណថាស្វានៅក្រុងលុបប៊ូរី មានដល់៦.០០០ក្បាលរស់នៅជាមួយប្រជាជនក្រុងនេះចំនួន៦០.០០០នាក់។
បែបនោះអាជ្ញាធរក្រុងបានបើកធ្វើយុទ្ធនាការ កុំឲ្យស្វាអាចមានកូនដើម្បីទប់ការកើនចំនួនពួកវា។ ទិសដៅគឹប្រមូលស្វា៥០០ក្បាលតាមរយៈការដាក់ចំណីឲ្យវាស៊ីក្នុងទ្រង់ធំៗ ដើម្បីចាប់ពួកវា។ ដោយដាក់ថ្នាំឲ្យដេកលក់ពួកស្វាត្រូវនាំ ទៅកាន់គ្លីនិកពេទ្យសត្វចាក់ថ្នាំមិនឲ្យមានកូន។ ។
ចាប់តាំងពីខែមីនាមក បណ្ដាអ្នកទេសចរមិនមកលេង ទីក្រុងលុបប៊ូរីដើម្បីមើលនិងលេងជាមួយពពួកស្វាដូចមុនឡើយ ដោយសារការឆ្លងរាលដាលនៃវីរុសCOVID-19 ។ ពួកវាធ្លាប់តែបានចំណីស៊ីចុកសំបូរ តែក្រោយស្ងាត់អ្នកទេសចរ ពួកវាអត់ឃ្លាតដើររាតត្បាតរកចំណីតាមដងវីថីនានា រហូតដល់វាយប្រហារបណ្ដារថយន្តនិងគំរាមដល់ប្រជាជន ដណ្ដើមយករបស់ស៊ី។
ពួកវាដើរលុកលុយផ្ទះព្រមទាំងអគារនានា អាចម៍ស្អុយពេញក្រុងហើយបង្ខំឲ្យប្រជាជនចាកចេញចោលផ្ទះសម្បែង៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ