ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា បុរស4នាក់ដែលញៀនល្បែងស៊ីសង អាប៉ោងបាននាំគ្នារត់បាតជើងសព្រាត ខណៈត្រូវកម្លាំងសមត្ថកិច្ចឆ្មក់ចូលទៅបង្ក្រាបក្នុងពេលដែលពួកគេកំពុងតែរវល់អ៊ុតអាប៉ោង នៅចំណុចព្រៃមួយកន្លែង ។ ក្រោយឃាត់ខ្លួនសមត្ថកិច្ចបានក៏កសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី។…
ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា បុរស4នាក់ដែលញៀនល្បែងស៊ីសង អាប៉ោងបាននាំគ្នារត់បាតជើងសព្រាត ខណៈត្រូវកម្លាំងសមត្ថកិច្ចឆ្មក់ចូលទៅបង្ក្រាបក្នុងពេលដែលពួកគេកំពុងតែរវល់អ៊ុតអាប៉ោង នៅចំណុចព្រៃមួយកន្លែង ។ ក្រោយឃាត់ខ្លួនសមត្ថកិច្ចបានក៏កសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី។
ការឃាត់ខ្លួនខាងលើនេះ ធ្វើឡើងកាលពីម៉ោង២និង១០នាទីរសៀល ថ្ងៃទី២៦ ខែមិថុនា ឆ្នាំ២០២០ ដោយកម្លាំងជំនាញព្រហ្មទណ្ឌស្រុកសហការជាមួយកម្លាំងប៉ុស្ដិ៍រលាំងគ្រើល បានបង្ក្រាបទីតាំងលេងល្បែងស៊ីសង ( លេងអាប៉ោង ) នៅចំណុចព្រៃខាងកើត ស្ថិតក្នុងភូមិអង្គតានន ឃុំរលាំងគ្រើល ស្រុកសំរោងទង ។
ក្នុងការបង្ក្រាបអ្នកលេងអាប៉ោងខាងលើ សមត្ថកិច្ចឃាត់មនុស្សចំនួន៤នាក់ ៖ ១-ឈ្មោះ ខៀវ ខ្លី ហៅខ្លុយ ភេទប្រុស អាយុ៤០ឆ្នាំ រស់នៅភូមិស្ពានតោ ឃុំរលាំងគ្រើល ស្រុកសំរោងទង, ២-ឈ្មោះ យ៉ុង ឌឿន ភេទប្រុស អាយុ៥៦ឆ្នាំ (អ្នកបាញ់មេ ) រស់នៅភូមិចំការបុស្ស ឃុំរលាំងគ្រើល ស្រុកសំរោងទង, ៣-ឈ្មោះ សុន ធី ភេទប្រុស អាយុ៥៩ឆ្នាំ រស់នៅភូមិរលាំងគ្រើល ឃុំរលាំងគ្រើល ស្រុកសំរោងទង និង៤-ឈ្មោះ ស៊ឹម ណយ ភេទប្រុស អាយុ៣៣ឆ្នាំ រស់នៅភូមិអង្គតានន ឃុំរលាំងគ្រើល ស្រុកសំរោងទង ។
ប្រភពពីសមត្ថកិច្ចបានឲ្យដឹងថា ក្នុងប្រតិបត្តិការបង្ក្រាបក្រុមអ្នកញៀនល្បែងអាប៉ោងខាងលើនេះដែរ សមត្ថកិច្ចបានធ្វើការដកហូតបានមេអាប៉ោងចំនួន១, ចាន១, គំរប១, កំរាល១ និងលុយខ្មែរចំនួន ៧៩០.០០០រៀល ។
ប្រភពបន្តថា ក្រោយពីឃាត់ខ្លួន សមត្ថកិច្ចជំនាញព្រហ្មទណ្ឌស្រុក កំពុងធ្វើការសាកសួរ និងកសាងសំណុំរឿង ដើម្បីចាត់ការតាមនីតិវិធីច្បាប់ ៕ (កែសម្រួលដោយ ៖ បុប្ផា)
ចែករំលែកព័តមាននេះ