រាជធានីភ្នំពេញ ៖ លោក គុជ គឹមឡុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា កាលពីព្រលប់ថ្ងៃទី ២៧…
រាជធានីភ្នំពេញ ៖ លោក គុជ គឹមឡុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា កាលពីព្រលប់ថ្ងៃទី ២៧ ខែមិថុនា ឆ្នាំ២០២០ លោក សុង ប៊ុនរិទ្ធ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចចេញដីកាឃុំខ្លួនឈ្មោះ សេង សុវណ្ណារ៉ា អនុ រដ្ឋលេខាធិការក្រសួងយុត្តិធម៌ អតីតប្រធានសមាគម សិស្ស និស្សិត បញ្ញាវន្តក្មេងវត្ត និងគូកន៣នាក់ដាក់ពន្ធនាគារជាបណ្តោះអាសន្ន ។
លោកអ្នកនាំពាក្យបន្តថា ការសម្រេចឃុំខ្លួនជនសង្ស័យឈ្មោះ សេង សុវណ្ណារ៉ា នឹងគូន៣ នាក់នោះ បន្ទាប់ពីលោក សេង ហៀង ព្រះរាជអាជ្ញារង បានបើកការសាកសួរលើជនសង្ស័យទាំង៤នាក់ អស់រយៈពេល២ថ្ងៃ នឹងបានសម្រេចចោទប្រកាន់ចំនួន៤បទល្មើសដូចមាន ៖ ១-បទល្មើសឆ.បោក មានស្ថានទម្ងន់ទោស ២-បទកាន់កាប់អាវុធដោយគ្មានច្បាប់អនុញ្ញាត ៣-បទសំឡុតគំរាមកំហែងមិនឲ្យមានការប្តឹងផ្តល់ និង៤-បទ រំលោភយកទ្រព្យសម្បត្តិសាធារណៈរបស់រដ្ឋ (ពាក់ពន្ធដីធ្លី) ។
ជនសង្ស័យទាំង៤នាក់ខាងលើរួមមាន ១-ឈ្មោះ សេង សុវណ្ណារ៉ា ភេទប្រុស អាយុ៥៣ឆ្នាំ មុខងារ ជាអនុរដ្ឋលេខាធិការក្រសួងយុត្តិធម៌ មានអាស័យដ្ឋានផ្ទះលេខ៤៨A ផ្លូវលេខ៥៨៨ សង្កាតបឹងកក់២ ខណ្ឌទួលគោក រាជធានីភ្នំពេញ ២-ឈ្មោះ វ៉ាន់ សុធា ហៅ ប៉ូឡូ ភេទប្រុស អាយុ៣៦ឆ្នាំ មុខរបរកសិករ មានអាស័យដ្នាននៅភូមិកោះម្យើលលើ ឃុំណងឃីលិក ស្រុកកោះញែក ខេត្តមណ្ឌលគិរី ៣-ឈ្មោះ ស៊ីន ប៉ូ ភេទប្រុ ស អាយុ៥៩ឆ្នាំ មុខរបរជាប្រធានភូមិ រស់នៅភូមិកោះម្យើលលើ ឃុំណងឃីលិក ស្រុកកោះញែក ខេត្តមណ្ឌលគិរី និង៤-ឈ្មោះ ប៉ូ ចយ ភេទ ប្រុស អាយុ៣៤ឆ្នាំ មុខរបរកសិករ រស់នៅភូមិកោះម្យើលលើ ឃុំណងឃីលិក ស្រុកកោះញែក ខេត្តមណ្ឌលគិរី ។
ជនសង្ស័យទាំង៤នាក់ត្រូវបានកម្លាំងសមត្តកិច្ចនគរបាលនាយកដ្ឋានសន្តិសុខផ្ទៃក្នុង ឃាត់ខ្លួនជាបន្តបន្ទាប់តាំង ពីថ្ងៃទី២៣ ខែមិថុនា ឆ្នាំ២០២០ ដើម្បីសាកសួរបំភ្លឺក្នុងដំណើររឿងពាក់ពន្ធករណីធ្វើឲ្យប៉ះពាល់ដីសាធារណៈរបស់រដ្ឋរាប់សិបហិកតានៅខេត្តមណ្ឌលគិរី រហូតដល់ថ្ងៃទី២៦ ខែមិថុនា ទើបបានបញ្ជូនទៅកាន់សាលាដំបូងរាជធានីភ្នំពេញ ។ លុះពេលសាកសួរឈ្មោះ សេង សុវណ្ណារ៉ា នឹងគូកន បានឆ្លើយសារភាពស៊ីសង្វាក់ពាក់ពន្ធទៅនឹងបទល្មើស ដូចការចោទប្រកាន់នោះមែន ទើបសមត្តកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី ។
សំណុំរឿងនេះបានស្ថិតនៅដៃលោក សេង ហៀង ព្រះរាជអាជ្ញារងអមសាលាដំបូងបើកការស៊ើបសួរ និងបានចោទប្រកាន់ជនសង្ស័យទាំង៤នាក់ជាផ្លូវការ ដែលក្នុងនោះចោទប្រកាន់ឈ្មោះ សេង សុវណ្ណារ៉ា ជាជនប្រព្រឹត្ត និង៣នាក់ជាអ្នកសមគំនិត រួចបានចាត់បញ្ជូនទៅចៅក្រមស៊ើប សួរ ដើម្បីសម្រេចឃុំខ្លួនដាក់ពន្ធនាគារជាបណ្តោះអាសន្ននោះ ៕
ចែករំលែកព័តមាននេះ