Robben ប្រកាសត្រឡប់មករកបាល់ទាត់វិញ ក្រោយចូលនិវត្តន៍បានជិត១ឆ្នាំ
ប្រទេសហូឡង់ ៖ កីឡាករ Arjen Robben បានប្រកាសត្រឡប់មករកសកម្មភាពបាល់ទាត់អាជីពរបស់ខ្លួនឡើងវិញ បន្ទាប់ពីបានចុះហត្ថលេខាផ្លូវការ ជាមួយក្លិបកុមារភាព FC Groningen…
ប្រទេសហូឡង់ ៖ កីឡាករ Arjen Robben បានប្រកាសត្រឡប់មករកសកម្មភាពបាល់ទាត់អាជីពរបស់ខ្លួនឡើងវិញ បន្ទាប់ពីបានចុះហត្ថលេខាផ្លូវការ ជាមួយក្លិបកុមារភាព FC Groningen…
ប្រទេសហូឡង់ ៖ កីឡាករ Arjen Robben បានប្រកាសត្រឡប់មករកសកម្មភាពបាល់ទាត់អាជីពរបស់ខ្លួនឡើងវិញ បន្ទាប់ពីបានចុះហត្ថលេខាផ្លូវការ ជាមួយក្លិបកុមារភាព FC Groningen របស់ខ្លួនសម្រាប់រដូវកាល ២០២០-២១ ខាងមុខ។
Robben ដែលបច្ចុប្បន្នឈានដល់វ័យ ៣៦ឆ្នាំបានប្រកាសចូលនិវត្តន៍ពីអាជីពបាល់ទាត់កាលពីខែកក្កដា ឆ្នាំ២០១៩ បន្ទាប់ពីបានឈ្នះពានរង្វាន់ Bundesliga ជាលើកទី៨ របស់គេជាមួយក្រុម Bayern Munich។
ប៉ុន្តែកាលពីថ្ងៃទី២៧ ខែមិថុនាម្សិលមិញ អតីតសមាជិកក្រុមជម្រើសជាតិហូឡង់រូបនេះ បានធ្វើឱ្យមានការភ្ញាក់ផ្អើល បន្ទាប់ពីសម្រេចការចុះកិច្ចសន្យាជាមួយក្លិប Groningen របស់ហូឡង់ ដែលជាកន្លែងរូបគេធ្លាប់បានបង្ហាញខ្លួន ក្នុងនាមជាកីឡាករអាជីពជាលើកដំបូងក្នុងវ័យ ១៦ឆ្នាំ។
សូមរំលឹកជូនថា ក្រោយចាកចេញពីក្លិប Groningen កាលពីឆ្នាំ២០០២ Arjen Robben បានបន្តអាជីពដ៏ជោគជ័យរបស់ខ្លួន ដោយបានលេងឱ្យក្លិបកំពូលៗជាច្រើនដូចជា៖ Chelsea, PSV, Real Madrid និងចុងក្រោយបង្អស់ Bayern Munich ដោយបានឈ្នះពានរង្វាន់ជាច្រើននៅប្រទេស ៤ផ្សេងគ្នា (ហូឡង់, អង់គ្លេស, អេស្ប៉ាញ និងអាល្លឺម៉ង់) ក្នុងនោះមានទាំង Champions League ផងដែរ។
ដោយឡែកសម្រាប់ក្រុមជម្រើសជាតិ Robben បានជួយហូឡង់ឱ្យឈានដល់វគ្គផ្តាច់ព្រ័ត្រពានរង្វាន់ World Cup ក្នុងឆ្នាំ ២០១០ ដែលអាហ្វ្រិកខាងត្បូងធ្វើជាម្ចាស់ផ្ទះ ប៉ុន្តែពួកគេបានបរាជ័យដោយក្រុមជម្រើសជាតិអេស្ប៉ាញដោយលទ្ធផល ១-០ ៕ (ដកស្រង់ចេញពី៖ Reuters)
ចែករំលែកព័តមាននេះ