រាជធានីភ្នំពេញ ៖ តាមការសិក្សាស្រាវជ្រាវរបស់អង្គការ អន្តរជាតិមួយបានបង្ហាញថា នៅប្រទេសវៀតណាម កម្ពុជា និងឥណ្ឌូនេស៊ី មានឆ្កែ និងឆ្មាប្រមាណ១០លានក្បាល ត្រូវបានសម្លាប់យកសាច់ជារៀងរាល់ឆ្នាំ ទោះបីមានចំនួននៃប្រជាជនក្នុងស្រុកដែលហូបសាច់នេះ មានចំនួនតិចតួចក៏ដោយ ។
អង្កការ FOUR PAWS បានលើកឡើងថា ក្នុងករណីជាច្រើន សត្វដែសជាសត្វចិញ្ចឹមដែលត្រូវបានចោរលួចពីម្ចាស់របស់វាត្រូវបានយកមកពន្លិចទឹក ចងក ឬចាក់ ហើយត្រូវបានគេបរិភោគ ។ ដើម្បីបញ្ចប់ការជួញដូរសាច់ឆ្កែ និងឆ្មា ដោយមាននិរន្តរភាពនៅអាស៊ីអាគ្នេយ៍ អង្គការនេះបានចាប់ផ្តើមយុទ្ធនាការមួយនៅថ្នាក់អន្តរជាតិ និងថ្នាក់ជាតិ ។
លោកបណ្ឌិត ការ៉ាន់វី គុគ្រេចា ពេទ្យសត្វ និងជាអ្នកគ្រប់គ្រងគម្រោងនៃយុទ្ធនាការការបញ្ចប់ការជួញដូរសត្វឆ្កែ និងឆ្មាបាននៃអង្កការ FOUR PAWS និយាយថា ៖«វាជាការខកចិត្តខ្លាំងណាស់ ដែលពិធីបុណ្យនេះត្រូវបានអនុញ្ញាតិឱ្យបន្តដោយអាជ្ញាធរ ។ ពួកគេបានជ្រើសរើសធ្វើជាបិទភ្នែកមើលមិនឃើញសកម្មភាពខុសច្បាប់នេះទៅវិញ ។ វាបង្ហាញថា ការសម្រេចចិត្តរបស់ប្រទេសចិន ក្នុងការបញ្ឈប់ការបែងចែកសត្វឆ្កែជាបសុសត្វ គឺជាក់ស្តែងគ្រាន់តែជានិយាយមាត់ទទេប៉ុណ្ណោះ»។
លោកបណ្ឌិត គុគ្រេចា បានបន្តថា «តាមរយៈការងារ និងកិច្ចសហប្រតិបត្តិការអប់រំជាមួយអាជ្ញាធរ សហគមន៍មូលដ្ឋាន និងភាគីពាក់ព័ន្ធផ្នែកទេសចរណ៍អង្គការ FOUR PAWS មានគោលដៅចង់ឲ្យរដ្ឋាភិបាលនៅអាស៊ីអាគ្នេយ៍ណែនាំពង្រឹង និងអនុវត្តច្បាប់ការពារសត្វដែលវានឹងបញ្ចប់ការចាប់សត្វឆ្កែ និងឆ្មាយកមកសំលាប់ និងបរិភោគ» ។
អង្គការ FOUR PAWS ក៏ជាផ្នែកមួយនៃសម្ព័ន្ធភាពសុខុមាលភាពសត្វ DMFI និង ACPA ដែលការពារប្រឆាំងនឹងការជួញដូរនៅអាស៊ីអាគ្នេយ៍ក៏ដូចជា អាស៊ីសម្រាប់សម្ព័ន្ធសត្វដែលធ្វើការ ដើម្បីលើកកម្ពស់សុខុមាលភាពសត្វពាសពេញទ្វីបអាស៊ី ។
ការគាំទ្រសម្រាប់ការបញ្ចប់ការជួញដូរដ៏ឃោរឃៅនេះបានទទួលការជំរុញជាសកលដោយទទួលបានហត្ថលេខាជាង ៧៧០,០០០ ចាប់តាំងពីវាបានចាប់ផ្តើមកាលពីចុងឆ្នាំមុន ។ លោកបានបន្តថា ទោះបីជាប្រទេសចិនបានដកសត្វឆ្កែចេញពីកាតាឡុកបសុសត្វជាតិរបស់ខ្លួននៅចុងខែឧសភាឆ្នាំ ២០២០ ដោយការហាមឃាត់ការលក់សត្វឆ្កែរស់ និងសាច់ឆ្កែជាអាហារក៏ដោយក៏ពិធីបុណ្យសាច់ឆ្កែដែលរៀបចំជាលក្ខណៈឯកជននៅយូលីនរយៈពេល១០ថ្ងៃ រាប់ចាប់ពីថ្ងៃទី ២១ ខែមិថុនាឆ្នាំ២០២០ ។
លោកបណ្ឌិត គុគ្រេចា បានបន្ថែមទៀតថា« លក្ខខណ្ឌគ្មានអនាម័យដែលសត្វឆ្កែទាំងនោះត្រូវបានគេឃាំងទុក និងសម្លាប់នៅឯពិធីបុណ្យអាចបណ្ដាលនាំឱ្យមានការផ្ទុះឡើងនូវជំងឺដូចជា ជំងឺឆ្កួតជ្រូក និងជំងឺអាសន្នរោគក៏ដូចជា ការរីករាលដាលនៃវីរុសឆ្លងពីសត្វទៅមនុស្ស ដូចជា ជំងឺកូវីដ១៩ ដែលយើងបានឃើញរួចមកហើយនោះ ។
ប្រទេសចិនមានឱកាសធ្វើជាប្រទេសគំរូមួយ ជាពិសេសនៅអាស៊ីអាគ្នេយ៍ ប៉ុន្តែការអនុញ្ញាតឱ្យមានការប្រារព្ធពិធីនេះឡើង បានបង្ហាញថា ពួកគេមិនមានភាពច្បាស់លាស់ក្នុងការដោះស្រាយហានិភ័យសុខភាពដែលកើតចេញពីការជួញដូរសាច់ឆ្កែ និងឆ្មានេះឡើយ ៕
ចែករំលែកព័តមាននេះ