រាជធានីភ្នំពេញ ៖ ស្ត្រីម្នាក់បានជួបទុក្ខសោកគ្មានស្រាកស្រាន្តដោយសារតែបានប្ដីជាអ្នកប្រើប្រាស់គ្រឿងញៀន និងផឹកស្រាស្រវឹង ហើយតែងតែប្រើអំពើហិង្សាវាយដំស្ទើររាល់ថ្ងៃ ហើយលើកចុងក្រោយមិនតែវាយប៉ុណ្ណោះទេ បន្ទាប់ពីផឹកស្រាអស់កន្លះលីត្រ ប្ដីចោលម្សៀតតណ្ហាពុះកញ្ជ្រោលសុំប្រពន្ធរួមរ័ក្សទាំងថ្ងៃ ។ ប៉ុន្តែនាងមិនព្រមឡើយ…
រាជធានីភ្នំពេញ ៖ ស្ត្រីម្នាក់បានជួបទុក្ខសោកគ្មានស្រាកស្រាន្តដោយសារតែបានប្ដីជាអ្នកប្រើប្រាស់គ្រឿងញៀន និងផឹកស្រាស្រវឹង ហើយតែងតែប្រើអំពើហិង្សាវាយដំស្ទើររាល់ថ្ងៃ ហើយលើកចុងក្រោយមិនតែវាយប៉ុណ្ណោះទេ បន្ទាប់ពីផឹកស្រាអស់កន្លះលីត្រ ប្ដីចោលម្សៀតតណ្ហាពុះកញ្ជ្រោលសុំប្រពន្ធរួមរ័ក្សទាំងថ្ងៃ ។
ប៉ុន្តែនាងមិនព្រមឡើយ ព្រោះថ្ងៃក្រឡែតអញ្ចឹងខ្មាសគេ ម្យ៉ាងនាងជាប់រវល់ចងបន្លែ ដើម្បីយកទៅលក់ផង ខណៈនោះបានធ្វើឲ្យប្ដីខឹងយ៉ាងខ្លាំង និងចោទថា នាងមានសហាយថែមទៀត រួចក៏បានបានយកកាំបិតចិតបន្លែចាក់ បណ្ដាលឲ្យនាងរងរបួសបំពង់ករស្ទើរធ្លុះស្លាប់ ។
ដោយសារអត់ទ្រាំទៅ និងការប្រើប្រាស់អំពើហិង្សាលែងបានតទៅទៀតនោះទើបនាងសម្រេចចិត្តប្ដឹងនគរបាលសុំឲ្យជួយអន្តរាគមន៍ឃាត់ខ្លួន បុរសជាប្ដីនោះនាំទៅសាកសួរ និងកសាងសំណុំរឿងចាត់ការតាមច្បាប់ ។
ហេតុការណ៍នេះ បានកើតឡើង កាលពីវេលាម៉ោង២និង៣០នាទីរសៀល ថ្ងៃទី២៧ ខែមិថុនា ឆ្នាំ២០២០ នៅក្នុងក្រុមទី៧ ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ស្ត្រីរងគ្រោះខាងលើឈ្មោះ ម៉ឺន ភ័ណ្ឌ អាយុ៣៤ឆ្នាំ មុខរបរ ដើររើសអេតចាយ និងដើរបេះបន្លែលក់មានស្រុកកំណើតស្រុកចំការលើ ខេត្តកំពង់ចាម និងស្នាក់នៅផ្ទះកើតហេតុខាងលើ។
ដោយឡែកបុរសជាប្ដីដែលត្រូវនគរបាលឃាត់ខ្លួនតាមបណ្ដឹងប្រពន្ធនោះឈ្មោះ កង អ៊ុយ អាយុ៣៤ឆ្នាំ មានមានស្រុកកំណើត នៅក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ ។
ស្ត្រីខាងលើបាននិយាយថា នាង និងប្ដីបានរៀបការជាមួយគ្នាត្រឹមត្រូវរយៈពេលជាង១០ឆ្នាំមកហើយ និងមានកូនប្រុស២នាក់ និងកូនស្រី១នាក់ ហើយចាប់តាំងពីក្រោយរៀបការរួចមិនសូវមានសុភមង្គលដូចជាគ្រួសារអ្នកដ៏ទៃឡើយ ព្រោះតែប្តីគ្មានមុខបររកស៊ីអ្វីសោះ មួយថ្ងៃៗគិតតែពីដើរផឹកស៊ី និងសេពគ្រឿងញៀនគ្មានគិតអ្វីទាំងអស់ រហូតដល់ញៀនងប់ងុលទៅហើយ។
មិនតែប៉ុណ្ណោះ ក្រោយពេលផឹកស្រវឹងម្ដងៗតែងតែរករឿងវាយដំមកលើរូបនាងជាញឹកញាប់ ប៉ុន្តែទោះជាបែបនេះក្ដីនាងនៅតែស្រឡាញ់ប្ដី ហើយមិនបានដាច់ចិត្តប្ដឹងផ្ដល់ពីប្ដីនោះឡើយ និងចេះតែអត់ទ្រាំខាំមាត់សង្កត់ចិត្ត បៀមទុក្ខលំបាក និងភាពឈឺចាប់រហូតមក ។
ប្រភពដដែលបានបន្តទៀតថា លុះមកដល់ថ្ងៃកើតហេតុ ក្រោយពេលផឹកស្រាថ្នាំអស់កន្លះលីត្រតណ្ហាពុះកញ្ជ្រោលទ្រាំមិនបានក៏បានសុំប្រពន្ធរួមរ័ក្សទាំងថ្ងៃ ប៉ុន្តែខណៈនោះនាងកំពុងអង្គុយចងបន្លែ ដើម្បីយកចេញទៅលក់ ហើយនាងបានប្រកែកមិនព្រមឲ្យឡើយ ។ ព្រោះទាំងថ្ងៃខ្លាចខ្មាសគេ ម្យ៉ាងនាងរវល់ចងបន្លែប្រញាប់លក់ផង ហើយនៅពេលប្រពន្ធប្រកែកបែបនេះធ្វើឲ្យបុរសនេះខឹងសម្បារខ្លាំងណាស់ ក៏បានវាយដំ និងព្រមទាំងយកកាំបិតចាក់នាងចំបំពង់ករ បណ្ដាលឲ្យរងរបួសយ៉ាងដំណំ។
មិនតែប៉ុណ្ណោះបានប្រពន្ធចោទថា មានសហាយទើបមិនព្រមឲ្យខ្លួនរួមរ័ក្សបែបនេះ ហើយដោយដារតែអត់ទ្រាំលែងបានតទៅទៀតទើបនាងប្ដឹងនគរបាលប៉ុស្តិ៍ចោមចៅទី៣ ឲ្យចុះទៅឃាត់ខ្លួនប្ដីរូបនេះ ដើម្បីនាំទៅសាកសួរ និងចាត់ការតាមច្បាប់តែម្ដង ៕
ចែករំលែកព័តមាននេះ