វ៉ាក់សាំងប្រឆាំងវីរុស COVID-19 មួយសាកល្បងដោយជោគជ័យនៅអង់គ្លេស
ប្រទេសអង់គ្លេស ៖ ការស្រាវជ្រាវហាក់មានការជឿនលឿន ដើម្បីប៉ុនប៉ងរកវ៉ាក់សាំងមួយ ប្រឆាំងវីរុស COVID-19 ។ នៅទីក្រុងឡុងដ៏ក្នុងផ្ទៃ IMPERIAL COLLEGE…
ប្រទេសអង់គ្លេស ៖ ការស្រាវជ្រាវហាក់មានការជឿនលឿន ដើម្បីប៉ុនប៉ងរកវ៉ាក់សាំងមួយ ប្រឆាំងវីរុស COVID-19 ។ នៅទីក្រុងឡុងដ៏ក្នុងផ្ទៃ IMPERIAL COLLEGE…
ប្រទេសអង់គ្លេស ៖ ការស្រាវជ្រាវហាក់មានការជឿនលឿន ដើម្បីប៉ុនប៉ងរកវ៉ាក់សាំងមួយ ប្រឆាំងវីរុស COVID-19 ។
នៅទីក្រុងឡុងដ៏ក្នុងផ្ទៃ IMPERIAL COLLEGE អ្នកវិទ្យាសាស្ត្រ១ក្រុមបានខិតខំដើម្បីបង្កើតវ៉ាក់សាំងប្រកបដោយប្រសិទ្ធភាពមួយ ។
អ្នកវិទ្យាសាស្ត្រទាំងនោះហាក់កំពុងដើរលើផ្លូវត្រូវដើម្បីឲ្យសម្រេចបានវ៉ាក់សាំងបែបនេះ ។យោងតាមក្រុមនោះថា អ្នកស្ម័គ្រចិត្តដំបូងម្នាក់ជាមនុស្សមានសុខភាពល្អ ទទួលការចាក់វ៉ាក់សាងនេះ ហើយបច្ចុប្បន្នរូបគេនៅតែមានសុខភាពល្អ ។ អត្តសញ្ញាណរបស់អ្នកស្ម័គ្រចិត្តនោះត្រូវរក្សាជាការសម្ងាត់ ។ លោកស្រី KATRINA POLLOCKនៃផ្នែកជំងឺឆ្លងនិងជាតួអង្គសំខាន់ នៃការសិក្សាអះអាងថា យើងបានឆ្លងកាត់ដំណាក់កាលសំខាន់មួយក្នុងការសិក្សាបដិវត្តន៍នេះ ។
ដោយសារការសាកល្បងនោះបណ្ដាអ្នកស្រាវជ្រាវអាចអះអាងថា វ៉ាក់សាំងផ្ដល់ភាពប្រាកដប្រជាសម្រាប់អ្នកស្ម័គ្រចិត្តហើយផ្ដល់សញ្ញានានាគួរឲ្យលើកទឹកចិត្ត ក្នុងការឆ្លើយតបចំពោះការបង្កើតភាពសាុំដែលមានប្រសីទ្ធភាពមួយ ។ យើងរង់ចាំលទ្ធផលដ៏ឆាប់រហ័សមួយ ដើម្បីឲ្យយើងអាចវាយតម្លៃដល់សន្តិសុខរបស់វ៉ាក់សាំងនេះ ព្រមទាំងសមត្ថភាពរបស់វាក្នុងការបង្កើតប្រព័ន្ធ្ការពារដែលឆ្លើយតប ប្រកបដោយប្រសិទ្ធភាពក្នុងការប្រឆាំងវីរុស COVID-19 ។
ខ្ញុំរីករាយចំពោះការរីកចម្រើនរបស់យើងនាបណ្ដាខែខាងមុខ ។ IMPERIAL COLLEGE បញ្ជាក់ដោយលម្អិតថា អ្នកស្ម័គ្រចិត្ត១៥នាក់ដែលមានសុខភាពល្អ ទទួលវ៉ាក់សាំងនោះដោយចាប់ផ្ដើមទទួលដូសស្រាលមួយ ហើយនឹងបង្កើនដូសកាន់តែខ្ពស់ សម្រាប់បណ្ដាអ្នកស្ម័គ្រចិត្តខាងក្រោយទៀត ដើម្បីវាយតម្លៃលើសន្តិសុខ ។ នាបណ្ដាសប្ដាហ៍ខាងមុខអ្នកស្ម័គ្រចិត្តមានសុខភាពល្អ៣០០នាក់ ត្រូវទទួលវ៉ាក់សាំង២ដូស ។ អ្នកស្ម័គ្រចិត្តទទួលវ៉ាក់ដូសដំបូង បន្ទាប់មកទទួលដូសទី២ក្រោយ៤សប្ដាហ៍ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ