ស្រុកសន្ទុក ៖ លោកជំទាវ ខៀវ ស៊ីណា ជា ចាន់តូ អនុប្រធានកិត្តិយសសាខាកាកបាទក្រហមកម្ពុជាខេត្តកំពង់ធំ មានប្រសាសន៍ថា ការការពារពីឆ្លងជំងឺកូវីដ១៩ត្រូវអនុវត្តន៍តាមការណែនាំរបស់លក្រសួងសុខាភិបាល…
ស្រុកសន្ទុក ៖ លោកជំទាវ ខៀវ ស៊ីណា ជា ចាន់តូ អនុប្រធានកិត្តិយសសាខាកាកបាទក្រហមកម្ពុជាខេត្តកំពង់ធំ មានប្រសាសន៍ថា ការការពារពីឆ្លងជំងឺកូវីដ១៩ត្រូវអនុវត្តន៍តាមការណែនាំរបស់លក្រសួងសុខាភិបាល ហើយការគោពរទំនៀមទម្លាប់ប្រពៃណីព្រះពុទ្ធសាសនា ក៏ត្រូវតែប្រតិបត្តិឲ្យបានខ្ជាប់ខ្ជួនដែរ ប៉ុន្តែត្រូវមានការប្រុងប្រយត្ន័ខ្ពស់។
ការលើកឡើងដូចនេះរបស់លោកជំទាវ ខៀវ ស៊ីណា ជា ចាន់តូ ថ្ងៃទី២៦ មិថុនា ឆ្នាំ២០២០ ក្នុងឱកាសដែលលោកជំទាវ និងក្រុមការងារនាំយកទៀនព្រះវស្សា គ្រឿងបរិក្ខារ និងព្រមទាំងបច្ច័យមួយទៅវេរប្រគេនព្រះសង្សានៅតាមបណ្ដាវត្តមួយចំនួនក្នុងស្រុកសន្ទុក ខណៈដែលពិធីបុណ្យនេះនឹងឈានចូលមកនៅថ្ងៃ១រោចខែអាសាឍឆ្នាំ ជូតឯកស័កពុទ្ធសករាជ២៥៦៤ ត្រូវនឹងថ្ងៃទី៦ ខែកក្កដា ឆ្នាំ២០២០ ខាងមុខនេះ។
លោកជំទាវ ខៀវ ស៊ីណា ជា ចាន់តូ មានប្រសាសន៍ដែរថា បច្ចុប្បន្ននៅចំពោះមុខមិនថាចាស់ ក្មេង ឬព្រះសង្ឃទេ ត្រូវតែបន្តយកចិត្តទុកដាក់ការពារខ្លួនឲ្យបានគ្រប់ពេលវេលា ដើម្បីការពារជំងឺកូវី១៩ តាមដូចអ្វីដែលជាការណែនាំរបស់ក្រសួងសុខាភិបាលដូចជាការរក្សាអនាម័យ ការរក្សាគម្លាតពីគ្នា និងការសម្អាតផ្ទះសម្បែងជាដើម។
លោកជំទាវបន្តទៀតថា ទោះបីជំងឺកូវី១៩ មិនទាន់ផុតរលត់ពីលោកយើងមែន តែយើងអាចធ្វើបុណ្យទានតាមទំនៀមទម្លាប់ប្រពៃណីព្រះពុទ្ធសាសនាបានដូចជា ការនាំទៀនព្រះវស្សាប្រគេនព្រះសង្ឃគង់ចាំព្រះវស្សាតាមវត្តនីមួយៗដដែល ដោយការទទួលខុសត្រូវខ្ពស់បំផុត ពិសេសគឺការរក្សាគម្លាតពីមនុស្សម្នាក់ទៅមនុស្សម្នាក់ដើម្បីការពារទាំងអស់គ្នាសម្រាប់សេចក្ដីសុខយើងម្នាក់ៗទាំងផ្លូវកាយ និងទាំងផ្លូវចិត្ត ហើយសេចក្ដីសុខនេះគឺកើតចេញពីមនុស្សយើងគ្រប់រូបៗ។
លោកជំទាវ បានបន្តទៀតថា សន្តិភាពមានតម្លៃធំធេងណាស់យ៉ាងណាម៉ិញក្នុងសង្គមគ្រួសារមួយ បើយើងមិនសន្សំ និងព្យាយាមប្រឹងប្រែងស្វែងរកដោយខ្លួនយើងទេ គ្រួសារយើងក៏មិនអាចទទួលបាននូវសេចក្ដីសុខ និងមានសុភមង្គលដែរ។
លោកជំទាវ ខៀវ ស៊ីណា ជា ចាន់តូ នូវបានលើកឡើងទៀតថា ដោយមើលឃើញអំពីតម្លៃនិងតួនាទីរបស់វិស័យព្រះពុទ្ធសាសនានោះ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខបានចាត់ទុកព្រះពុទ្ធសាសនា ជាសាសនារបស់រដ្ឋ ដែលក្នុងនោះមានប្រជាពលរដ្ឋខ្មែរជាង ៩៥ ភាគរយ ជាអ្នកគោរពប្រតិបត្តិព្រះពុទ្ធសាសនា។ ហើយបើគ្មានសន្តិភាពយើងក៏គ្មានឱកាសធ្វើបុណ្យទានដូចពេលនេះដែរអរគុណសន្តិភាព។
ទៀនព្រះវស្សា គ្រឿងឧបភោគ បរិភោគ បរិក្ខារ និងបច្ច័យដែលបានវេរប្រគេនដល់ព្រះសង្ឃដែលគង់ចាំព្រះវស្សាអស់កាលត្រីមាសសម្រាប់វត្តទាំង១២ក្នុងស្រុកសន្ទុកនាពេលនោះក្នុងមួយវត្តៗ ទទួលបាន៖ទៀនព្រះវស្សា១គូរ អង្ករ មី ត្រីខ ទឹកដោះគោ ទឹកសុទ្ធ ទឹកក្រូចទឹកត្រី ទឹកស៊ីអ៊ីវ អំបិល ប៊ីចេង តែ កាហ្វេ និងបច្ច័យមួយចំនួនផងដែរ៕ ដោយសហការ
ចែករំលែកព័តមាននេះ