ការបើករថយន្តលេខដៃថ្វីដ្បិតតែមានភាពសាំញ៉ាំនិងស្មុគស្មាញជាងលេខស្វ័យប្រវត្តិ(អូតូ)យ៉ាងណាក្តី ក៏វាហាក់មានគុណសម្បត្តិខ្លះដែរ ប្រសិនជាអ្នកកាន់ចង្កូតបានយល់ដឹងពីបច្ចេកទេសមួយចំនួនបន្ថែមទៀត ក្នុងការយកទៅអនុវត្តជាក់ស្តែងនោះ ។ ខាងក្រោមនេះគឺជារបៀបបើករថយន្តលេខដៃឱ្យ
ការបើករថយន្តលេខដៃថ្វីដ្បិតតែមានភាពសាំញ៉ាំនិងស្មុគស្មាញជាងលេខស្វ័យប្រវត្តិ(អូតូ)យ៉ាងណាក្តី ក៏វាហាក់មានគុណសម្បត្តិខ្លះដែរ ប្រសិនជាអ្នកកាន់ចង្កូតបានយល់ដឹងពីបច្ចេកទេសមួយចំនួនបន្ថែមទៀត ក្នុងការយកទៅអនុវត្តជាក់ស្តែងនោះ ។ ខាងក្រោមនេះគឺជារបៀបបើករថយន្តលេខដៃឱ្យស៊ីសាំងតិច៖
១-សិក្សាឈ្វេងយល់ពីរបៀបបើកបរក៏ដូចជាការប្រើប្រាស់ចង្កឹះលេខឱ្យបានថ្នឹកបន្តិច ។
២-ក្រោយពេលបើកស្ទាត់ជំនាញហើយ ចាប់ផ្តើមតាមដែលអ្នកគិតថាធម្មតា នឹងអាចធ្វើទៅបានកុំបង្ខំឱ្យសោះ គឺធ្វើតាមសម្រួលនិងតាមលំដាប់លំដោយនៃបច្ចេកទេសបើកបររថយន្តលេខដៃ ។
៣-បញ្ចូលលេខទៅក្នុងតំណែងលេខខ្ពស់ជាងមុនដោយទុកឱ្យរថយន្តសម្រេចបាននូវល្បឿនលឿនជាងមុនផងដែរ ។ គឺមានន័យថា លោកអ្នកចាំបាច់ត្រូវតែបង្កើនល្បឿនលឿនជាងធម្មតានៅពេលបញ្ចូលលេខ ។ ក្នុងនោះគួរប្រើប្រាស់ត្រឹមតែ៥៦គីទ្បូម៉ែត្រក្នុងមួយម៉ោង គឺគ្រប់គ្រាន់ហើយចំពោះលេខទី៣ ឯលេខទី៤បញ្ចូលតាមធម្មតាដែលអាចធ្វើទៅបាន ប៉ុន្តែកុំព្យាយាមទម្លាក់ជើងជាន់ឈ្នាន់ហ្គារ៍ខ្លាំងពេក ខណៈពេលបង្កើនល្បឿននោះ ។
៤-ចូរកត់សម្គាល់ថា ខណៈពេលរថយន្តអ្នកនៅតែកំពុងមានចលនាបំលាស់ទីទៅមុខក្នុងកម្រិតល្បឿនដូចគ្នា និងល្បឿនមុននេះបន្តិចនោះ ម៉ាស៊ីនរថយន្តគឺកំពុងមានអត្រារង្វិលជុំប្រហែល១.២០០ជុំ/នាទី ទៅ១.៥០០ជុំ/នាទី ។
៥-ពីព្រោះថា ម៉ាស៊ីនរថយន្តអ្នកកំពុងរត់ក្នុងអត្រាទាបជាងមុន ហើយវាក៏ស៊ីសាំងតិចផងដែរ ។
៦-ចូរបើករថយន្តទ្បើងទីចំណាតឱ្យលឿនជាងធម្មតាបន្តិច ហើយរថយន្តអ្នកអាចស្ថិតក្នុងតំណែងលេខខ្ពស់ជាងមុន ប៉ុន្តែសូមចងចាំថា កុំព្យាយាមបង្កើនល្បឿនលឿនពេក គឺលៃយ៉ាងណាឱ្យសមល្មមនឹងស្ថានភាពផ្លូវ ទើបជាការប្រសើរ ។
*ចំណុចហាមប្រាម
-កុំព្យាយាមបោះពួយរុលទៅមុខពីការឈប់ក្នុងតំណែងលេខមួយ ក្រៅពីលេខទី១ ឬទី២ តាមដែលអាចធ្វើទៅបាន បើមិនដូច្នេះទេរថយន្តអ្នកនឹងរលត់ម៉ាស៊ីនជាមិនខាន ម្យ៉ាងទៀត បើមិនរលត់ក៏វាអាចធ្វើឱ្យឆេះអំប្រាយ៉ាបានដែរ ។
-ការប្រើប្រាស់លេខខ្ពស់ជាងភាពចាំបាច់ គឺអាចបណ្តាលឱ្យមានគ្រោះថ្នាក់ ៕
ចែករំលែកព័តមាននេះ