រាជធានីភ្នំពេញ ៖ តែគុជដ៏ល្បី និងមានរសជាតិឆ្ងាញ់លំដាប់ PREMIUMS Fire Tiger គឺជាប្រេន មកពីប្រទេសថៃ ដែលទទួលបានប្រជាប្រិយភាពខ្លាំងណាស់តាមបណ្ដាប្រទេសនានាជាច្រើន…
រាជធានីភ្នំពេញ ៖ តែគុជដ៏ល្បី និងមានរសជាតិឆ្ងាញ់លំដាប់ PREMIUMS Fire Tiger គឺជាប្រេន មកពីប្រទេសថៃ ដែលទទួលបានប្រជាប្រិយភាពខ្លាំងណាស់តាមបណ្ដាប្រទេសនានាជាច្រើន ទាំងនៅអាស៊ី និងអឺរ៉ុប តាមរយៈការពង្រីកសាខាទៅតាមបណ្ដាប្រទេសទាំងនោះ ហើយពេលនេះ Fire Tiger ក៏បានឈានចូលមកដល់ទឹកដីប្រទេសកម្ពុជាហើយ ។
ដោយ Fire Tiger ត្រូវបានបើកដំណើរការសាកល្បងកាលពីថ្ងៃព្រហស្បតិ៍ ទី ២៥ ខែមិថុនា ឆ្នាំ ២០២០ នេះ នៅផ្សារទំនើបជីបម៉ុង ណូរ៉ូម៉ល ជាន់ទី ២ ដោយមានការចូលរួមកិត្តិយសពីតារា ល្បីៗ អ្នកសារព័ត៌មាន និងអតិថិជនជាច្រើនកុះករសម្រាប់កម្មវិធីដ៏ពិសេសនេះ ។
លក្ខណៈពិសេស ដែលធ្វើឱ្យ Fire Tiger ត្រូវបានឱ្យឈ្មោះថា ជាប្រេនលំដាប់ Premium ដោយ សារតែវត្ថុធាតុដើម និងគ្រឿងផ្សំសុទ្ធតែមានការពិនិត្យ និងជ្រើសរើសត្រឹមត្រូវតាមស្តង់ដា ពិសេស និងមានតម្លៃថ្លៃ ។ ឯរបៀបធ្វើពីមួយដំណាក់កាលទៅមួយដំណាក់កាលសុទ្ធសឹងតែ អនុវត្តតាមរូបមន្តដើមពិតៗ ដោយសូម្បីតែគុជដែលស្ងោរ ហើយយកប្រើប្រាស់ត្រឹមរយៈពេលតែ ៤ម៉ោងប៉ុណ្ណោះ ដើម្បីធានាគុណភាពនៃភេសជ្ជៈ ដែលជាហេតុធ្វើឱ្យតែគុជមួយកែវៗសុទ្ធតែ មានរសជាតិឆ្ងាញ់ ពិសេសពេញលក្ខណៈដូចរសជាតិដើមទាំងស្រុង ។
កញ្ញា ស៊ីន យូប៊ីន ដែលជាម្ចាស់ហាងតែគុជ Fire Tiger នេះបានឱ្យដឹងថា ប្រេននេះគឺល្បីខ្លាំង មែនទែននៅក្រៅប្រទេស ហើយដោយសារខ្ញុំផ្ទាល់ចូលចិត្តរសជាតិ Fire Tiger ក៏នាំប្រេននេះ ចូលមកតែម្តង ។ ប្រេន Fire Tiger មានទាំងនៅអឺរ៉ុប និងអាស៊ី ដែលក្នុងនោះមានដូចជានៅ ប្រទេសអង់គ្លេស ឥណ្ឌូនេស៊ី ម៉ាឡេស៊ី និងប្រទេសហ្វីលីពីន ជាដើម ។
ទាក់ទងទៅនឹងលំដាប់ Premium នេះផងដែរ កញ្ញាឱ្យដឹងថា របស់ដែលកុម្ម៉ង់មកសម្រាប់ហាង តែគុជ Fire Tiger គឺសុទ្ធតែជារបស់ដែលមានតម្លៃខ្ពស់នាំចូលពីក្រៅប្រទេស ។ រីឯរសជាតិ គឺ ខុសគ្នាពីតែគុជដទៃទៀត ព្រោះកញ្ញាបានអះអាងថា កញ្ញាគឺជាដែលចូលចិត្តញ៉ាំតែគុជស្ទើរតែ គ្រប់ប្រេនទាំងអស់ តែ Fire Tiger ធនាថា ពិតជាមានរសជាតិឆ្ងាញ់ ។
កញ្ញាបានឱ្យដឹងទៀតថា សម្រាប់ប្រទេសកម្ពុជា Fire Tiger នេះគឺជាលើកទីមួយ ហើយមាន គម្រោងបើកសាខាបន្ថែមទៀត ដើម្បីសម្រួលដល់បងប្អូនដែលចូលចិត្ត Fire Tiger ងាយស្រួល ក្នុងការរកទិញ ។ ទាក់ទងទៅនឹងការតុបតែងហាង Fire Tiger នេះដែរ គឺស្រីស្អាត ស៊ីន យូប៊ីន បានឆ្លៀតពេលពីកាងារសិល្បៈ ដើម្បីរៀបចំដំណើរការដោយខ្លួនឯងទាំងអស់ដែលប្រើពេលរៀបចំប្រមាណជា ១ឆ្នាំ ។
សូមបញ្ជាក់ផងដែរថា នេះគឺជាការចាប់ផ្តើមអាជីវកម្មដំបូងបំផុតសម្រាប់តារាសម្តែងល្បីឈ្មោះ ស៊ីន យូប៊ីន ហើយនាងសង្ឃឹមថា បងប្អូននឹងមានការគាំទ្រច្រើនផងដែរ ហើយបើជោគជ័យមាន បងប្អូនគាំទ្រច្រើននឹងបើកនៅតាមខេត្តថែមទៀត ។
នៅក្នុងពិធីបើកដំណើរការសាកល្បងនេះផងដែរ គេឃើញមានអតិថិជនជាច្រើនបានមកចូលរួមនិងទទួលបាន Fire Tiger ដោយឥតគិតថ្លៃចំនួន ៩៩កែវផងដែរ និងជាពិសេសជាងនេះទៅទៀត នោះគឺកញ្ញា ស៊ីន យូប៊ីន និងលោក ខាត់ វ៉ៃហាំង ថែមទាំងបានបញ្ចេញស្នាដៃធ្វើតែគុជ Fire Tiger ដោយផ្ទាល់ដៃជូនដល់ហ្វេនៗថែមទៀតផង https://www.facebook.com/firetigerkh/៕ ដោយសហការ
ចែករំលែកព័តមាននេះ