វាសនានាយកក្រុមហ៊ុន EAMILO លើសំណុំរឿងឆបោកប្រាក់១៥ម៉ឺនដុល្លារ
- ភ្នំពេញ
រាជធានីភ្នំពេញ ៖ វាសនានាយកក្រុមហ៊ុន EAMILO EMPORT. EXPO RT CO. Ltd សាលក្រមត្រូវផ្តន្ទាទោសនៅថ្ងៃទី២…
រាជធានីភ្នំពេញ ៖ វាសនានាយកក្រុមហ៊ុន EAMILO EMPORT. EXPO RT CO. Ltd សាលក្រមត្រូវផ្តន្ទាទោសនៅថ្ងៃទី២…
រាជធានីភ្នំពេញ ៖ វាសនានាយកក្រុមហ៊ុន EAMILO EMPORT. EXPO RT CO. Ltd សាលក្រមត្រូវផ្តន្ទាទោសនៅថ្ងៃទី២ ខែកក្កដា ឆ្នាំ២០២០ ខាងមុខនេះ លើសំណុំរឿង ឆបោកប្រាក់ចំនួន១៥ ម៉ឺនដុល្លារអាមេរិក ពាក់ព័ន្ធករណីលក់ក្រុមហ៊ុនឲ្យគេហើយមិនបញ្ចូលឈ្មោះថ្មីឲ្យទៅអ្នកទិញ។ នារសៀលថ្ងៃទី២៥ ខែមិថុនា ឆ្នាំ២០២០ សាលាដំបូងរាជធានីភ្នំពេញ បានលើកយកសំណុំរឿងព្រហ្មទណ្ឌមួយ មកបើកសវនាការ ជនុំជម្រះក្តី ដើម្បីផ្តន្ទាទោសលើជនជាប់ចោទ ដែលសវនាការនោះដឹកនាំដោយលោក កូយ សៅ អនុប្រធានសាលាដំបូងជាចៅក្រមជំនុំជម្រះ និងលោក ឡុង ជាប ព្រះរាជអាជ្ញារងជាតំណាងឲ្យស្ថាប័នអយ្យការ។
សវនាការនោះបានធ្វើឡើងចំពោះមុខជនជាប់ឈ្មោះ ឡូ ឬទ្ធី ភេទប្រុស អាយុ៣៣ឆ្នាំ មុខរបរជានាយកក្រុមហ៊ុន EAMILO EMPORT. EXPORT CO. Ltd មានទីលំនៅផ្ទះលេខ២១ ផ្លូវ២៧១ សង្កាត់បឹងសាឡាង ខណ្ឌទួលគោក រាជធានីភ្នំពេញ។ ជនជាប់ចោទឈ្មោះ ឡូ ឫទ្ធី ត្រូវបានតំណាងអយ្យការសាលាដំបូងរាជធានីភ្នំពេញ ចោទប្រកាន់.ឆបោក ដែលបទល្មើសនេះមានចែងតាមបញ្ញត្តិមាត្រា៣៧៧ មាត្រា៣៧៨ នៃក្រមព្រហ្មទណ្ឌ។
នៅក្នុងសវនាការជនជាប់ចោទឈ្មោះ ឡូ ឬទ្ធី ក៏បានឆ្លើយសាភាពផងដែរថា ខ្លួនពិតជាបានយកប្រាក់ចំនួន ១៥ម៉ឺនដុល្លារអាមេរិកពីឈ្មោះ អ៊ួច លក្ខណា កាលពីនៅថ្ងៃទី១ ខែកញ្ញា ឆ្នាំ២០១៧ ដែលជាប្រាក់ព្រមព្រៀង ទិញលក់ភាគហ៊ុន ១៥ % របស់ក្រុមហ៊ុន EAMILO EMPORT. EXPORT CO. Ltd ពិតប្រាកដមែន ហើយក្នុងពេលនោះខ្លួនមិនទាន់បានកែប្រែលក្ខន្តិកៈក្រុមហ៊ុនដើម្បីបញ្ជូលឈ្មោះ អ៊ួច លក្ខណា ឲ្យទៅជាម្ចាស់ភាគហ៊ុនថ្មីទេ។ លុះដល់ថ្ងៃទី២ ខែសីហា ឆ្នាំ២០១៨ ឈ្មោះ អ៊ួច លក្ខណា បានឲ្យខ្លួន ដាក់បញ្ចូលឈ្មោះគេជាម្ចាស់ភាគហ៊ុន១៥% ជាថ្មីម្ដងទៀត តែខ្លួនមិនអាចធ្វើបានដោយសារជាប់ពាក់ព័ន្ធនឹង នីតិវិធីស្មុគស្មាញរបស់អង្គភាពពន្ធដា។
បន្ទាប់មកនៅថ្ងៃទី៨ សីហា ឆ្នាំ២០១៨ ខ្លួនបានឲ្យទីប្រឹក្សាផ្នែកច្បាប់ បើកការប្រជុំជាមួយឈ្មោះ អ៊ួច លក្ខណា ដើម្បីពិភាក្សាគ្នារឿងមុខតំណែងក្នុងក្រុមហ៊ុន និងប្រាក់ខែ ប៉ុន្តែឈ្មោះ អ៊ួច លក្ខណា មិនបានចូលរួមប្រជុំទេ ហើយការប្រជុំនោះត្រូវអាក់ខានរហូតមក ដោយមិនបានកែប្រែ លក្ខន្តិកៈក្រុមហ៊ុនដើម្បីបញ្ចូលឈ្មោះ អ៊ួច លក្ខណា ជាម្ចាស់ភាគហ៊ុនថ្មីឡើយ។ ចំណែកមេធាវីតំណាង ដោយអណត្តិឲ្យដើមបណ្ដឹងរដ្ឋប្បវេណីបានលើកឡើងថា ទង្វើរបស់ជនជាប់ចោទ ជាចេតនាទុច្ចរិតឆបោក ប្រាក់កូនក្តីលោក ក្រោមរូបភាពលក់ភាគហ៊ុនយកប្រាក់មុនអស់ហើយ តែមិនព្រមបញ្ជូលឈ្មោះ ម្ចាស់ភាគហ៊ុនថ្មីក្នុងរចនាសម្ព័ន្ធរបស់ក្រុមហ៊ុនទេ។
ដូច្នេះក្នុងនាមមេធាវីឲ្យដើមបណ្ដឹង សូមស្នើឲ្យតុលាការផ្ដន្ទាទោសលើជនជាប់ចោទឈ្មោះ ឡូ ឬទ្ធី តាមច្បាប់កំណត់ និង ចេញដីកាចាប់ឃុំខ្លួនបង្ខំលើរូបរាងកាយ ដើម្បីទាមទារប្រាក់ដើមចំនួន១៥ ម៉ឺនដុល្លារអាមេរិក និងជំងឺចិត្ត១០ ម៉ឺនដុល្លារសងទៅដើមបណ្តឹងវិញ។ តំណាងអយ្យការក៏បានធ្វើសេចក្ដីសន្និដ្ឋានបញ្ជាក់ដែរថា ទង្វើរបស់ជនជាប់ចោទពិតជាមានចេតនាទុច្ចរិតឆបោក គប្បីតំណាងអយ្យការតម្កល់ ទុកការចោទប្រកាន់លើ ជនត្រូវចោទដដែល និងស្នើសុំឲ្យចៅក្រមជំនុំជម្រះសម្រេចក្តីទៅតាមគតិយុទ្ធ និងគតិច្បាប់។
ដោយឡែកលោក មួន សៀងលី មេធាវីការពារផ្លូវច្បាប់ឲ្យជនជាប់ចោទឈ្មោះ ឡូ ឬទ្ធី បានធ្វើការសន្និដ្ឋានសេចក្តី ដោយបានស្នើសុំ ឲ្យតុលាការលើកលែងការចោទប្រកាន់លើកូនក្ដីរបស់លោក ព្រោះរឿងនេះជារឿងកិច្ចសន្យា ដើម្បីទុកពេលឲ្យ ភាគីទាំងពីររកដំណោះស្រាយវិញ។ សវនាការបានសាកសួរដេញដោលរហូតដល់ទីបញ្ចប់ ម៉ោងប្រមាណជា ១២ព្រឹកថ្ងៃដដែល ទើបចៅក្រមជំនុំជម្រះក្តីសម្រេចកំណត់យកថ្ងៃទី២ ខែកក្ដដា ឆ្នាំ២០២០ ជាថ្ងៃប្រកាសសាលក្រមលើជោគវាសនាផ្តន្ទាទោសនាយកក្រុមមួយនេះ ទៅតាមអំពើរបស់ជនជាប់ចោទបានប្រព្រឹត្ត៕ ដោយ ៖ ឃឹម ប៊ុនណាក់
ចែករំលែកព័តមាននេះ