រាជធានីភ្នំពេញ៖រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទលោក វេង សាខុនបាន ប្រកាសគាំទ្រចំពោះក្រុមហ៊ុនឯកជនដែលនាំយកផលិតផលនៅកាន់ប្រទេសទីផ្សារចំនួន១៣ប្រទេស ។
យោងតាមបណ្តាញសង្គមហ្វេសរបស់លោករដ្ឋមន្ត្រីបានថ្លែងក្នុងពិធីសាក្សីនៃកិច្ចសន្យាផលិតកម្មកសិកម្មស្តីពី«ការទិញលក់ចែកចាញផលិតផល ផលសិកម្ម ស្តង់ដារផលិត កម្មកិច្ចរវាងក្រុមហ៊ុន លីលី ហ្វ៊ូត លីលី ខាមេដា ជាមួយក្រុមផលិត ផ្គត់ផ្គង់ ចែកចាយផលិត ផលកសិកម្ម និងបានអញ្ជើញពិនិត្យខ្សែច្រវាក់ផលិតកម្មក្នុងរោងច ក្រផលិតរបស់ក្រុម ហ៊ុនដែលមានទីតាំងនៅសង្កាត់កាកាប នាព្រឹកថ្ងៃទី២៥ ខែមិថុនា ឆ្នាំ២០២០ រាជធានីភ្នំពេញ លោករដ្ឋមន្ត្រីបានសម្តែងនូវក្តីសោមនស្ស ដោយបានអញ្ជើញ ចូលរួមក្នុងពិធីចុះកិច្ចសន្យានាព្រឹកនេះ ។
ក្នុងនាមក្រសួង និងខ្លួនលោកផ្ទាល់ លោកបានវាយតម្លៃខ្ពស់ចំពោះកិច្ចខិតខំប្រឹងប្រែង របស់ក្រុមហ៊ុន រហូតសម្រេច ទទួលបានជោគជ័យនាថ្ងៃនេះ ហើយភាពជោគជ័យនេះមិនអាច កាត់ផ្តាច់បានពីការចូលរួមសហការពីគ្រប់ភាគីពាក់ព័ន្ធទាំងអស់បានឡើយ ។
លោកបានបញ្ជាក់ថា កិច្ចសន្យាផលិតកម្មកសិកម្មបានជួយជំរុញខ្សែច្រវាក់តម្លៃ ផលិតកម្មកែច្នៃដោយប្រើប្រាស់វត្ថុធាតុដើមចេញពីផលិតផលកសិកម្មដែល កំពុងមានសក្តា នុពលឱ្យបានកាន់តែច្រើនឡើង ដើម្បីធ្វើការប្រកួតប្រជែងទីផ្សារនាំចេញក្នុងទិសដៅចំបង គឺលើក កម្ពស់ផលិតភាពផលិតកម្មកសិកម្មប្រើប្រាស់វត្ថុធាតុដើមឱ្យអស់លទ្ធភាព កាត់ បន្ថយ ការនាំចូល ផ្តល់ឱកាសដល់ប្រជាកសិករដែលជាអ្នកផលិត វត្ថុធាតុដើម និងបង្កើតការងារ ។
លោកបន្តថា ការចូលរួមយ៉ាងសកម្មពីដៃគូឯកជន គឺប្រាកដបានជួយលើកស្ទួយវិស័យកសិកម្ម តាមរយ:ការបន្តជំរុញការធ្វើពាណិជ្ជបនីយកម្ម និងការអភិវឌ្ឍវិស័យកសិ-ឧស្សាហកម្មដែលនឹងជួយបង្កើនតម្លៃ បន្ថែមលើកសិផល រក្សានិរន្តរភាពនៃការផលិត ការផ្គត់ផ្គង់ និងបន្តចូលរួមបង្កើនចំណូល ដល់គ្រួសារស្របតាមគោលនយោបាយអភិវឌ្ឍន៍វិ ស័យឧស្សាហកម្មកម្ពុជាឆ្នាំ២០១៥-២០២៥ គឺត្រូវជំរុញការនាំចេញទំនិញកែច្នៃកសិកម្ម ឱ្យបាន១២% នៃបរិមាណនាំចេញ សរុបនៅឆ្នាំ២០២៥ និងជាពិសេសស្របតាមផែនការយុទ្ធ សាស្ត្រអភិវឌ្ឍវិស័យកសិកម្ម «២០១៩-២០២៣»។
លោកបន្ថែមថា ក្នុងកាល:ទេស:ដែលកម្ពុជាកំពុងជួបនូវវិបត្តិជំងឺឆ្លងកូវីដ-១៩ ដើម្បីចូលរួមដោះស្រាយបញ្ហានេះ រាជរដ្ឋាភិបាលកំពុងតែយកចិត្តទុកដាក់ជំរុញ និងលើកទឹកចិត្តដល់ដំណើរ ការរបស់សហគ្រាសធុនតូច និងមធ្យមឱ្យកាន់តែរីកចម្រើនបន្ថែមទៀត តាមរយ:ពង្រឹង បរិយាកាសវិនិយោគឱ្យបាន ល្អប្រសើរដើម្បីស្រូបយកកម្លាំងពលកម្ម ផ្តល់ប្រាក់ចំណូល និងប្រើប្រាស់វត្ថុធាតុដើមកសិកម្ម ។
ជាក់ស្តែង ការប្រើប្រាស់ផលិតផលកសិកម្មបាន និង កំពុងក្លាយជាកម្លាំងចលករមួយយ៉ាងសំខាន់ក្នុងការជួយជំរុញឱ្យមានការផ្លាស់ប្ដូរជាវិជ្ជមាននូវឥរិយាបទផលិតពីការផលិត ដើម្បីហូបចុកក្នុងគ្រួសារ មកផលិត ដើម្បីទីផ្សារដែលត្រូវធានាឱ្យបាននូវនិរន្តរភាពនៃបរិមាណផ្គត់ផ្គង់ ស្តង់ដារផលិត គុណភាព សុវត្ថិភាព និងស្ថិរភាពតម្លៃ ដែលគ្រប់និន្នាការទាំងអស់នេះប្រាកដជានឹងចូល រួមធ្វើឱ្យប្រសើរឡើងទាំងផ្នែកសេដ្ឋកិច្ច សង្គម បរិស្ថាន ការប្រែប្រួលអាកាសធាតុ បរិយាប័ន និងនវារនុវត្តន៍ ក្នុងបរិបទនៃដំណើរ ឆ្ពោះទៅសម្រេចក្ខុវិស័យរបស់រាជរដ្ឋាភិបាលដែលមានសម្តេចតេជោ ហ៊ុន សែន ជានាយករដ្ឋមន្ត្រី នាឆ្នាំ២០២៣-២០៥០ ។
លោករដ្ឋមន្ត្រីបានគូសបញ្ជាក់បន្ថែមថា៖« ពិធីនាថ្ងៃនេះ ពិតជាបានឆ្លុះបញ្ចាំងឱ្យឃើ ញពី ការខិតខំប្រឹងប្រែងរួមគ្នា ឆ្លើយតបទៅនឹងអភិក្រម «រដ្ឋ- ឯកជន-ដៃគូអភិវឌ្ឍន៍ និងសហគមន៍» ដែលជាគំរូមួយដ៏ល្អសម្រាប់ឈានទៅបន្តអនុវត្តកិច្ចសន្យានេះឱ្យបាន ទូលំទូលាយគ្រប់ផ្នែកនៃវិស័យកសិកម្ម ។
ជាក់ស្តែងមកទល់ពេលនេះ វិស័យឯកជនបានចុះកិច្ចសន្យាផលិតកម្មក សិកម្មជាមួយនាយកដ្ឋានកសិ-ឧស្សាហកម្មក្នុងឆ្នាំ២០១៩ សរុបចំនួន ៤៩៨ ហើយគ្រាន់តែ ៦ខែដើមឆ្នាំ២០២០នេះ យើងបានចុះកិច្ចសន្យាចំនួន ៥១៦ករណី ដូចដែលបានរាយការណ៍ដោយលោក គង់ ភាជ ប្រធាននាយកដ្ឋានកសិ-ឧស្សាហកម្ម ៕
ចែករំលែកព័តមាននេះ