ការអប់រំចិត្តឱ្យស្ងប់រម្ងាប់តាមរយៈវិបស្សនាភាវនា គឺជាការអប់រំផ្លូវចិត្តដ៏ពិសេសមួយសម្រាប់ដុតកម្លោចនូវបាបធម៌ និងកិលេសផ្សេងៗ ឱ្យរីងស្ងួត ចាកអំពើទុច្ចរិតទាំងឡាយ និងមានឥទ្ធិពលជួយដល់ពិភពលោកឱ្យស្ងប់សុខបាន ។ វិបស្សនាមិនមែនធ្វើបានតែព្រះសង្ឃ អ្នកកាន់សីល៥ សីល៨…
ការអប់រំចិត្តឱ្យស្ងប់រម្ងាប់តាមរយៈវិបស្សនាភាវនា គឺជាការអប់រំផ្លូវចិត្តដ៏ពិសេសមួយសម្រាប់ដុតកម្លោចនូវបាបធម៌ និងកិលេសផ្សេងៗ ឱ្យរីងស្ងួត ចាកអំពើទុច្ចរិតទាំងឡាយ និងមានឥទ្ធិពលជួយដល់ពិភពលោកឱ្យស្ងប់សុខបាន ។
វិបស្សនាមិនមែនធ្វើបានតែព្រះសង្ឃ អ្នកកាន់សីល៥ សីល៨ ឬអ្នកប្រាថ្នាព្រះនិព្វាននោះទេ គឺមនុស្សគ្រប់វ័យអាចធ្វើបានទាំងអស់គ្នាឱ្យតែមានចិត្តចង់បានស្ងប់សុខ ចិត្តត្រជាក់ ។
តាមពិតទៅការស្ងប់ចិត្ត ស្ងប់អារម្មណ៍នេះ ជាគុណជាតិដែលចាំបាច់ដ៏ក្រៃលែង សម្រាប់ជីវិតប្រចាំថ្ងៃណាស់ ពោលគឺធ្វើឱ្យយើងស្ងប់ចាកកិលេសដែលជាហេតុនៃសេចក្តីខ្វល់ខ្វាយ និងការជំពាក់វាក់វិនក្នុងវត្ថុដទៃៗទៀត ។
បើយើងទាំងអស់គ្នាព្យាយាមរម្ងាប់កិលេសក្នុងសន្តានរបស់ខ្លួនឯងឱ្យបានគ្រប់ៗគ្នា ពិភពលោកយើងនេះនឹងបានសុខស្ងប់ត្រជាក់ជាងសព្វថ្ងៃរាប់រយរាប់ពាន់ដង ព្រោះកិលេសដែលមាននៅខាងក្នុងសន្តាននៃមនុស្សយើងម្នាក់ៗនោះឯង បានប្លែងឫទ្ធិចេញមកទម្លាយគ្នានិងគ្នាឱ្យក្តៅក្រហាយ ក្រវល់ក្រវាយជានិច្ច ។
អ្នកទស្សនវិជ្ជាផ្នែកព្រះពុទ្ធសាសនាបានពោលថា ការជួយគ្នារក្សានូវសេចក្តីស្ងប់ក្នុងចិត្តរៀងៗខ្លួន គឺជាការជួយដល់ពិភពលោកទាំងមូល ជួយដល់សង្គមដ៏ធំ ជួយដល់អង្គភាព ស្ថាប័ន ជួយដល់ការងារដទៃៗទៀតឱ្យប្រព្រឹត្តទៅដោយសុខត្រជាក់ត្រជំ ឱ្យបានមាំមួន និងគង់វង្សឋិតថេរលូតលាស់ទៅមុខជារៀងរហូត ។ សាន សារិន
ចែករំលែកព័តមាននេះ