រាជធានីភ្នំពេញ ៖ ដំណោះស្រាយផលប៉ះពាល់ក្នុងគម្រោងធ្វើឱ្យប្រសើរឡើងវិញ ផ្លូវជាតិលេខ២ សម្រេចបាន៩៨,៥% និងផ្លូវជាតិលេខ២២ សម្រេចបាន១០០% ហើយ ។ នេះបើតា មមន្ត្រីជាន់ខ្ពស់ក្រសួងដឹកជញ្ជូន ។
លោក តូច ចាន់កុសល រដ្ឋលេខាធិការប្រចាំការ នៃក្រសួងសាធារណការ និងដឹកជញ្ជូន បានលើកឡើងក្នុងកិច្ចប្រជុំពិភាក្សាស្ដីពីការពិនិត្យ និងតាមដានអំពីដំណើរការដោះស្រាយផ លប៉ះពាល់ដោយមានការអញ្ជើញចូលរួមពីមន្ត្រីជំនាញអង្គភាព និងភាគីពាក់ព័ន្ធកាលពីពេលថ្មីៗ នៅទីស្តីការក្រសួងកិច្ចប្រជុំនេះធ្វើឡើង ដើម្បីពិនិត្យ និងតាមដានអំពីដំណើរការនៃការងារដោះស្រាយផលប៉ះពាល់ការរុះរើហេដ្ឋារចនាសម្ព័ ន្ធនានាទាំងលើដី និងក្រោមដី ក្នុងនោះរួមមាន បណ្ដាញទឹកស្អាត បង្គោលអគ្គិសនី ខ្សែ កាប្លិ៍អុបទិកជាដើម ក្នុងគម្រោងធ្វើឱ្យប្រសើរឡើងវិញផ្លូវជាតិលេខ២ និងលេខ២២ ព្រមទាំងបានពិភាក្សាស្វែងរកយន្តការដោះស្រាយចំណុចដែលសេសសល់ សំដៅឱ្យការសាងសង់មានសន្ទុះទៅមុខកាន់តែលឿនថែមទៀត ។
លោករដ្ឋលេខាធិការប្រចាំការបានឱ្យដឹងថា៖«ផលប៉ះពាល់ក្នុងគម្រោងធ្វើឱ្យប្រសើរឡើងវិញផ្លូវជាតិលេខ២២ ត្រូវបានដោះស្រាយបាន១០០% និងចំណែកផលប៉ះពាល់ក្នុងគម្រោ ងធ្វើឱ្យប្រសើរឡើងវិញផ្លូវជាតិលេខ២ ត្រូវបានដោះស្រាយបាន៩៨,៥%»។
លោកបានបញ្ជាក់ថា ៖ ក្រុមកាងារពាក់ព័ន្ធទាំងអស់បាន និងកំពុងបន្តកិច្ចសហកា រយ៉ាងជិតស្និទ្ធជាមួយក្រុមហ៊ុនឯកជន សហគ្រាស និងអាជីវករនានាដែលប្រក បរបរលើបណ្ដាញទឹកស្អាត បង្គោលអគ្គិសនី ខ្សែកាបិ៍្ល អុបទិកជាដើម ដើម្បីរុះរើ និងប្ដូរទៅទីតាំងថ្មីក្នុងគោលបំណងបង្កភាពងាយស្រួលដល់ក្រុមហ៊ុនសាងសង់អនុវត្តគម្រោងរបស់ខ្លួនប្រកបដោយប្រសិទ្ធភាពបំផុត និងអាចបញ្ចប់គម្រោងតាមការគ្រោងទុក ។
ជាមួយគ្នានេះផងដែរ លោក៏បានណែនាំឱ្យក្រុមហ៊ុនសាងសង់ ក្រុមហ៊ុនត្រួតពិនិត្យ បច្ចេកទេស និងភាគីពាក់ព័ន្ធទាំងអស់ត្រូវយកចិត្តទុកដាក់រៀបចំប្រឡាយបង្ហូរទឹកនៅសងខាងផ្លូវដែលកំពុងសាងសង់ឱ្យបានត្រឹមត្រូវ និងសមស្របតាមគម្រោង ដើម្បីជៀសវាងការជន់លិចលង់ភូមិ និងទ្រព្យសម្បត្តិរបស់បងប្អូនប្រជាពលរដ្ឋ ដោយហេតុថា រដូវភ្លៀងបានមកដល់ហើយ ហើយ ភ្លៀងបានបន្តធ្លាក់ជាបន្តបន្ទាប់ជារៀងរាល់ថ្ងៃនៅតាមតំបន់មួយចំនួនផងដែរ ។
លោកបានស្នើឱ្យក្រុមការងារពាក់ព័ន្ធទាំងអស់ព្រមទាំងអនុគណៈកម្មការទាំងពីរ គឺអនុគ ណៈកម្មការខេត្តតាកែវ និងខេត្តកណ្ដាល សហការជាមួយភាគីពាក់ព័ន្ធចុះពិនិត្យទីតាំងរង ផលប៉ះពាល់នៅតាមបណ្ដោយផ្លូវជាតិទាំងពីរ ដែលពិបាកក្នុងការដោះស្រាយ ដើម្បីស្វែងរ កយន្តការដោះស្រាយឱ្យបានលឿនបំផុតសំដៅជៀសវាងការរាំងស្ទះក្នុងការសាងសង់ ។
ឆ្លៀតក្នុងឱកាសនោះ លោករដ្ឋលេខាធិការប្រចាំការ បានស្នើឱ្យបងប្អូនប្រជាពលរដ្ឋ ក្រុមហ៊ុន សហគ្រាស និងអាជីវករដែលកំពុងប្រកបរបរនៅតាមបណ្ដោយផ្លូវជាតិទាំងពីរ ជាពិសេស បងប្អូនប្រជាពលរដ្ឋ ដែលទទួលបានសំណងលើផលប៉ះពាល់រួចហើយ សូមអនុវត្តតាមកិច្ចព្រ មព្រៀងឱ្យមានប្រសិទ្ធភាពបំផុត ដើម្បីកុំឱ្យមានការរាំងស្ទះដល់ការសាងសង់ក៏ដូចជា កា រធ្វើដំណើរ និងការប្រកបរបរចិញ្ចឹមជីវិតរបស់បងប្អូនប្រជាពលរដ្ឋផងដែរ ៕
ចែករំលែកព័តមាននេះ