ចំណេះដឹងក្នុងផ្នែកគ្រប់គ្រងលុយមិនត្រូវបានបង្រៀននៅសាលារៀនទេ ដូច្នេះជាទូទៅឪពុកម្តាយមានតួនាទីក្នុងការបង្រៀនកូនៗពីមេរៀនទាំងនេះមុនពេលពួកគេចាប់ផ្តើមមានទម្លាប់ចាយវាយខ្ជះខ្ជាយ។ ប៉ុន្តែបច្ចុប្បន្ននេះក្មេងៗកាន់តែមានភាពងាយស្រួលក្នុងការរៀនសូត្រពីរឿងលុយ ជាពិសេសតាមកម្មវិធី TikTok ដ៏ល្បី។
ជាទូទៅ វីឌីអូដែលត្រូវបានចែករំលែកលើ TikTok ជាវីឌីអូសប្បាយៗដូចជាវីឌីអូកំប្លែងៗ ឬវីឌីអូរាំជាដើម។ ក្នុងពេលថ្មីៗនេះ កម្មវិធីខាងលើបានចាប់ផ្តើមការផ្តួចផ្តើមថ្មីមួយឈ្មោះថា #LearnOnTikTok ដែលជាកម្មវិធីផ្តល់ថវិកាដល់អ្នកបង្កើតវីឌីអូអប់រំជាច្រើនដែលចង់ផ្តល់ឱកាសអប់រំដល់ក្មេងៗដែលប្រើកម្មវិធីនេះខណៈដែលប្រទេសជុំវិញពិភពលោកកំពុងប្រឈមមុខនឹងកូវីដ១៩។
TikTok បានបង្កើតមូលនិធិ ៥០លានដុល្លារសម្រាប់កម្មវិធីនេះ ដែលជាផ្នែកនៃការបរិច្ចាកសរុប ២៥០លានដុល្លារដើម្បីជួយឆ្លើយតបនឹងផលប៉ះពាល់បង្កឡើងដោយកូវីដ១៩។
ក្នុងចំណោននោះមានលោកប្រាដ ខ្លនស៏ (Brad Klontz) ដែលជាងអ្នកជំនាញផ្នែកចិត្តសាស្ត្រហិរញ្ញវត្ថុ និងរៀបផែនការហិរញ្ញវត្ថុ។ លោកបានចូលរួម TikTok នៅខែតុលាឆ្នាំ ២០១៩ ហើយបច្ចុប្បន្ននេះមានអ្នក Follower ប្រមាណ៧២,០០០នាក់ទៅហើយ។
លោកបានរៀនប្រើ TikTok ពីក្មួយប្រុសអាយុ ១៤ឆ្នាំរបស់ខ្លួន និងបានប្រទះឃើញមានអ្នកចែករំលែកដំបូន្មានហិរញ្ញវត្ថុដែលមិនល្អ។ ដោយហេតុដូចនេះទើបលោកបានចាប់ផ្តើមចែករំលែកចំណេះដឹងនិងបទពិសោធន៍របស់លោកដែរ។
អ្វីដែលលោកព្យាយាមសម្រេចគឺចែករំលែកនូវអ្វីដែលអនុញ្ញាតឲ្យលោកអប់រំក្មេងៗពីចិត្តសាស្ត្រនៃទ្រព្យសម្បត្តិ។ វីឌីអូជាច្រើនដែលលោកបានចែករំលែកជាវីឌីអូលើកទឹកចិត្ត និងមានខ្លះទៀតលោកបានចែករំលែកពីបញ្ហាហិរញ្ញវត្ថុដែលលោកធ្លាប់ជួបប្រទះជាដើម ៕
ចែករំលែកព័តមាននេះ