បង្ហាញខ្លួនថ្ងៃដំបូង Luka Romero សាងកំណត់ត្រាមិនធ្លាប់មាននៅ La Liga
ប្រទេសអេស្ប៉ាញ ៖ កីឡាករ Luka Romero ដែលជាយុវជនរបស់ក្លិប Mallorca បានក្លាយជាកីឡាករក្មេងជាងគេបំផុត មិនធ្លាប់មានក្នុងប្រវត្តិសាស្ត្រក្របខណ្ឌ La…
ប្រទេសអេស្ប៉ាញ ៖ កីឡាករ Luka Romero ដែលជាយុវជនរបស់ក្លិប Mallorca បានក្លាយជាកីឡាករក្មេងជាងគេបំផុត មិនធ្លាប់មានក្នុងប្រវត្តិសាស្ត្រក្របខណ្ឌ La…
ប្រទេសអេស្ប៉ាញ ៖ កីឡាករ Luka Romero ដែលជាយុវជនរបស់ក្លិប Mallorca បានក្លាយជាកីឡាករក្មេងជាងគេបំផុត មិនធ្លាប់មានក្នុងប្រវត្តិសាស្ត្រក្របខណ្ឌ La Liga នៅពេលដែលរូបគេបានបង្ហាញខ្លួនក្នុងជំនួបទល់នឹងក្រុម Real Madrid កាលពីយប់ថ្ងៃពុធ។
ខ្សែបម្រើប្រយុទ្ធសញ្ជាតិម៉ិកស៊ិកវ័យ ១៥ឆ្នាំ ត្រូវបានប្តូរជំនួសខ្សែបម្រើ Idrissu Baba នៅនាទីទី៨៣ ក្នុងជំនួបដែលក្រុម Mallorca រងបរាជ័យ ២-០ ដែលជាការបង្ហាញខ្លួនលើកដំបូងសម្រាប់ Luka Romero ក្នុងក្របខណ្ឌកំពូល La Liga។
សូមរំលឹកជូនថា កំណត់ត្រាចាស់ត្រូវបានបង្កើតឡើងកាលពី ៨០ឆ្នាំមុន នៅពេលដែលអតីតខ្សែការពារ Sansón បានបង្ហាញខ្លួនជាលើកដំបូងសម្រាប់ក្រុម Celta Vigo កាលពីខែធ្នូ ឆ្នាំ១៩៣៩ នៅវ័យ ១៥ឆ្នាំ ២៥៥ថ្ងៃ ខណៈដែល Luka Romero មានវ័យ ១៥ឆ្នាំ ២១៩ថ្ងៃ។
មិនត្រឹមតែជាកីឡាករក្មេងបំផុតក្នុងក្របខណ្ឌ La Liga ប៉ុណ្ណោះទេ តែ Romero ត្រូវបានរាយការណ៍ថា ទទួលបានការចំណាប់អារម្មណ៍យ៉ាងខ្លាំងពីក្រុមកំពូលៗនៅអឺរ៉ុបដូចជា Man United, Barcelona, Juventus និង Atletico Madrid ផងដែរ។
សូមបញ្ជាក់ថា Luka Romero កើតនៅក្នុងប្រទេសម៉ិកស៊ិក ប៉ុន្តែរូបគេបានសម្រេចចូលរួមជាមួយក្រុមជម្រើសជាតិអាហ្សង់ទីនអាយុក្រោម ១៥ឆ្នាំ និងត្រូវបានកោះហៅឱ្យចូលក្រុមឈុតអាយុក្រោម ១៧ឆ្នាំកាលពីពេលថ្មីៗនេះ ដើម្បីត្រៀមធ្វើការប្រកួតព្រឹត្តិការណ៍ Montaigu Tournament ដែលត្រូវលុបចោលដោយសារវីរុសកូវីដ១៩៕ (ដកស្រង់ចេញពី៖ Goal.com)
ចែករំលែកព័តមាននេះ