ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត បានចុះប្រតិបត្តិការបង្ក្រាប ដេញចាប់ឃាត់ខ្លួនក្រុមញៀនល្បែងស៊ីសង (ក្រឡុកគ្រាប់ខ្លាឃ្លោក) ប្រុស-ស្រី ចំនួន១០នាក់ នៅតាមផ្លូវក្បែរដើមព្រីង…
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត បានចុះប្រតិបត្តិការបង្ក្រាប ដេញចាប់ឃាត់ខ្លួនក្រុមញៀនល្បែងស៊ីសង (ក្រឡុកគ្រាប់ខ្លាឃ្លោក) ប្រុស-ស្រី ចំនួន១០នាក់ នៅតាមផ្លូវក្បែរដើមព្រីង រួចនាំយកមកធ្វើការអប់រំ និងឱ្យធ្វើកិច្ចសន្យាបញ្ឈប់ លេងល្បែងស៊ីសងនេះតទៅទៀត។
ហេតុការណ៍ឃាត់ខ្លួនក្រុមញៀនល្បែងស៊ីសងខុសច្បាប់ (ក្រឡុកគ្រាប់ខ្លាឃ្លោក) ០១កន្លែងនោះបានធ្វើឡើងនៅថ្ងៃទី២២ ខែមិថុនា ឆ្នាំ២០២០ ពីម៉ោង០៦ល្ងាច ដល់ម៉ោង០៦ព្រឹកថ្ងៃទី២៣ ខែមិថុនា ឆ្នាំ២០២០ ស្ថិតនៅចំណុចភូមិអញ្ចាញ សង្កាត់នគរធំ ក្រុង/ខេត្តសៀមរាប។ លោកវរសេនីយ៍ឯក ហង្ស សូផាតភីរម្យ ប្រធានការិយាល័យ នគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តសៀមរាប បានប្រាប់ភ្នាក់ងារកោះសន្តិភាព នៅវេលាម៉ោង២ និង២០នាទីរសៀល ថ្ងៃទី២៣ ខែមិថុនា ឆ្នាំ២០២០ថា កាលពីថ្ងៃទី២២ ខែមិថុនា ឆ្នាំ២០២០ វេលាម៉ោង០៥ល្ងាច។
លោកបានដឹកនាំកម្លាំង ការិយាល័យនគរបាលព្រហ្មទណ្ឌកម្រិតស្រាល យើងបានចុះធ្វើការបង្ក្រាបកន្លែងប្រព្រឹត្តល្បែង ស៊ីសងខុសច្បាប់ (ក្រឡុកគ្រាប់ខ្លាឃ្លោក) មួយកន្លែង ស្ថិតនៅភូមិអញ្ចាញ សង្កាត់នគរធំ ក្រុង/ខេត្តសៀមរាប រហូតឈានដល់ធ្វើការឃាត់ខ្លួនអ្នកលេងបាន ប្រុស ស្រី ចំនួន១០នាក់ រួចយកមកធ្វើការសួរនាំ ហើយធ្វើកិច្ចសន្យា និងអប់រំឱ្យត្រឡប់ទៅផ្ទះរៀងៗខ្លួនវិញ។ លោកបានបន្តថា ក្រុមញៀនល្បែង ប្រុស-ស្រី ទាំង១០នាក់នោះ មាន៖ ១.ឈ្មោះ អៀង សុខគៀង ភេទប្រុស អាយុ៥២ឆ្នាំ ទីលំនៅភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប។
២.ឈ្មោះ យ៉ុង នឿន ភេទស្រី អាយុ៤២ឆ្នាំ ទីលំនៅភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប។ ៣.ឈ្មោះ ឡាក់ សុខខេង ភេទស្រីអាយុ៣៩ឆ្នាំ រស់នៅភូមិអញ្ចាញ សង្កាត់នគរធំ ក្រុង/ខេត្តសៀមរាប។ ៤.ឈ្មោះ ពេជ្រ ស្រីម៉ៅ ភេទស្រី អាយុ៣៣ឆ្នាំ ទីលំនៅភូមិអញ្ចាញ សង្កាត់នគរធំ ក្រុង/ខេត្តសៀមរាប។ ៥.ឈ្មោះ ខូវ ទាមហាក់ ភេទប្រុស អាយុ៣៨ឆ្នាំ ទីលំនៅភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប។ ៦.ឈ្មោះ ព្រីង សាមឿន ភេទស្រី អាយុ៤២ឆ្នាំ ទីលំនៅភូមិអញ្ចាញ សង្កាត់នគរធំ ក្រុង/ខេត្តសៀមរាប។ ៧.ឈ្មោះ សុខ នី ភេទស្រី អាយុ៤២ឆ្នាំ ទីលំនៅភូមិអញ្ចាញ សង្កាត់នគរធំ ក្រុង/ខេត្តសៀមរាប។
៨.ឈ្មោះ នាង ផល ភេទប្រុស អាយុ៥១ឆ្នាំ ទីលំនៅភូមិអញ្ចាញ សង្កាត់នគរធំ ក្រុង/ខេត្តសៀមរាប។ ៩.ឈ្មោះ ហាក់ ម៉ាប់ ភេទស្រី អាយុ៣២ឆ្នាំ ទីលំនៅភូមិអញ្ចាញ សង្កាត់នគរធំ ក្រុង/ខេត្តសៀមរាប។ ១០.ឈ្មោះ សេង វណ្ណារី ភេទស្រី អាយុ៥៥ឆ្នាំ ទីលំនៅភូមិអញ្ចាញ សង្កាត់នគរធំ ក្រុង/ខេត្តសៀមរាប។ មេក្រឡុកខ្លាឃ្លោក ស៊ីសង គេចខ្លួនអស់។ ក្នុងនោះកម្លាំងយើង-ដកហូតវត្ថុតាងរួមមាន៖ ១.បៀរលេងចំនួន១៧ហ៊ូ ស្មើនឹង៨៨៤សន្លឹក។ ២.គ្រាប់ខ្លាឃ្លោកចំនួន១៨គ្រាប់។ ៣.ចានទ្រាប់ក្រឡុកខ្លាឃ្លោកចំនួន០៤។ ៤.កម្រាលរូបចាក់ចំនួន០១ផងដែរ។
បច្ចុប្បន្ន ក្រុមញៀនល្បែងស៊ីសងខុសច្បាប់ ប្រុស-ស្រី ទាំង១០នាក់នោះ ត្រូវបានកម្លាំងជំនាញ បានឱ្យធ្វើកិច្ចសន្យាបញ្ឈប់ និងអប់រំឱ្យត្រឡប់ទៅផ្ទះវិញរៀងៗខ្លួនវិញ។ បើតាមការបញ្ជាក់ របស់លោកវរសេនីយ៍ឯក ហង្ស សូផាតភីរម្យ ប្រធានការិយាល័យនគរបាលព្រហ្មទណ្ឌ កម្រិតស្រាលនៃស្នងការដ្ឋាននគរបាលខេត្តសៀមរាប បានប្រាប់ភ្នាក់ងារកោះសន្តិភាព នៅថ្ងៃដដែលថា ចំពោះការបើកលេងល្បែងស៊ីសង ដូចជា៖ ឆ្នោត(កន្ទុយលេខ) នោះសុទ្ធតែមានច្បាប់ទាំងអស់ ទើបពួកនោះហានលក់ចំហរ។ ចំណែកអ្នកលេងភ្នាល់ល្បែង ស៊ីសងខុសច្បាប់ ដូចជា៖ ភ្នាល់ចាក់មាន់តាមទូរទស្សន៍អនឡាញ នោះ លោកកំពុងស្នើសុំ គោលការណ៍ទៅថ្នាក់លើហើយ៕ ដោយ ៖ ច័ន្ទ រស្មី
ចែករំលែកព័តមាននេះ