ខេត្តប៉ៃលិន ៖ ដើម្បីចូលរួមរំលែកទុក្ខដ៏ក្រៀមក្រំចំពោះការបាត់បង់ជីវិតអ្នកមានគុណជាឪពុករបស់សិល្បការិនីអ្នកនាង ខាត់ សុឃីម កាលពីរសៀលថ្ងៃអង្គារ៍ ទី២៣ ខែមិថុនា ឆ្នាំ២០២០ កន្លងទៅនេះ…
ខេត្តប៉ៃលិន ៖ ដើម្បីចូលរួមរំលែកទុក្ខដ៏ក្រៀមក្រំចំពោះការបាត់បង់ជីវិតអ្នកមានគុណជាឪពុករបស់សិល្បការិនីអ្នកនាង ខាត់ សុឃីម កាលពីរសៀលថ្ងៃអង្គារ៍ ទី២៣ ខែមិថុនា ឆ្នាំ២០២០ កន្លងទៅនេះ លោកជំទាវ បាន ស្រីមុំ អ្នកតំណាងរាស្ត្រមណ្ឌលប៉ៃលិន ក្នុងនាមឯកឧត្តម ហ៊ុន ម៉ានី បានអញ្ជើញចូលរួមគោរពវិញ្ញាណក្ខន្ធ ឧបាសក លាវ ខាត់ ត្រូវជាឪពុកបង្កើតរបស់អ្នកនាង ខាត់ សុឃីម ជាសិល្បការិនីបុរាណ និងសម័យ ដែលបានទទួលមរណភាពកាលពីថ្ងៃទី២២ ខែមិថុនា ឆ្នាំ២០២០ ក្នុងអាយុ៦៧ឆ្នាំ ដោយរោគាពាធ ។
ប្រភពព័ត៌មានបានឱ្យដឹងថា មរណភាពរបស់ឧបាសិកា លាវ ខាត់ គឺជាការបាត់បង់ឪពុក ឪពុកក្មេក ជីតា ព្រមទាំងជាការបាត់បង់នូវវីរៈសិល្បករដ៏ឆ្នើមមួយរូប ដែលបានចូលរួមថែរក្សា ផ្សព្វផ្សាយ និងលើកកម្ពស់តម្លៃវប្បធម៌សិល្បៈខ្មែរ ជាពិសេសលើផ្នែកភ្លេងប្រពៃណីខ្មែរតែម្តង ។
ប្រភពបន្តទៀតថា ដូច្នេះហើយ ទើបលោកជំទាវតំណាងរាស្ត្រមណ្ឌលប៉ៃលិន សូមចូលរួមរំលែកទុក្ខដ៏ក្រៀមក្រំនេះ ជាមួយក្រុមគ្រួសារ ក៏ដូចជាញាតិមិត្តជិតឆ្ងាយនៃសព និងសូមឧទ្ទិសបួងសួងដល់ដួងវិញ្ញាណក្ខន្ធរបស់ឧបាសក លាវ ខាត់ សូមបានសោយសុខក្នុងសុគតិភព កុំបីឃ្លៀងឃ្លាតឡើយ ។
ចែករំលែកព័តមាននេះ