៣ គន្លឹះដើម្បីផ្លាស់ប្តូរគំនិតរបស់អ្នកដទៃ !
មនុស្សមិនចូលចិត្តឲ្យអ្នកដទៃបញ្ជាទេ ។ លោក ចូណា បឺហ្គើ (Jonah Berger) ដែលជាអ្នកនិពន្ធសៀវភៅ The Catalyst:…
មនុស្សមិនចូលចិត្តឲ្យអ្នកដទៃបញ្ជាទេ ។ លោក ចូណា បឺហ្គើ (Jonah Berger) ដែលជាអ្នកនិពន្ធសៀវភៅ The Catalyst: How to Change Anyone’s Mind និងជាសាស្ត្រាចារ្យផ្នែកផ្សាយពាណិជ្ជកម្មនៅ The Wharton School ប្រចាំ University of Pennsylvania បានប្រាប់មកថា មនុស្សនឹងចាប់ផ្តើមព្យាយាមការងារខ្លួនពេលដែលពួកគេគិតថាមាននរណាម្នាក់កំពុងព្យាយាមគ្រប់គ្រងពួកគេ ។
ក្នុងករណីមួយចំនួន វាអាចនាំយកផលវិជ្ជមានបានដូចជាមនុស្សមិនងាយចាញ់បោកអ្នកដទៃជាដើម ប៉ុន្តែក្នុងករណីមួយចំនួនទៀយ ការឆ្លើយតបនេះអាចប៉ះពាល់ដល់លទ្ធផលការងារ និងអាជីវកម្មបាន ។ ឧទាហរណ៍ដូចជាបុគ្គលិកមិនស្តាប់តាមការណែនាំជាដើម ។ដូច្នេះតើមានវិធីអ្វីក្នុងការផ្លាស់ប្តូរគំនិតរបស់មនុស្សដោយមានប្រសិទ្ធិភាព?
១. ឲ្យជម្រើស
ប្រសិនបើមនុស្សម្នាក់ទទួលបានបញ្ជាពីចៅហ្វាយឲ្យធ្វើការអ្វីមួយ ពួកគេអាចអង្គុយរាប់ម៉ោងគិតពីមូលហេតុដែលខ្លួមិនចង់ធ្វើកិច្ចការនោះ ។ ផ្ទុយមកវិញ ប្រសិនបើចៅហ្វាយឲ្យជម្រើសពីរ នោះបុគ្គលិកអាចនឹងចាប់ផ្តើមគិតពីមូលហេតុដែលខ្លួនចង់ធ្វើកិច្ចការ ក ឬ ខ ទៅវិញ ។ ជាលទ្ធផល ពួកគេអាចសម្រេចកិច្ចការទាំងនោះដោយមិនមានអារម្មណ៍តប់ប្រមល់ក្នុងខ្លួន ។
២. អនុញ្ញាតឲ្យបុគ្គលិកបង្កើតជម្រើសខ្លួនឯង
តើអ្នកអាចធ្វើយ៉ាងដូចម្តេចដើម្បីជំរុញទឹកចិត្តឲ្យមនុស្សធ្វើការថែមម៉ោង ឬខិតខំធ្វើការជាងមុន? ប្រសិនបើអ្នកប្រាប់ពួកគេផ្ទាល់ ពួកគេអាចនឹងស្អប់អ្នក ហើយពួកគេប្រហែលជាមិនស្តាប់តាមអ្នកផងដែរ ។ អ្វីដែលអ្នកគួរធ្វើគឺបង្កើតជាបញ្ហា និងឲ្យពួកគេព្យាយាមគិតពីដំណោះស្រាយខ្លួនឯងវិញ ។
៣. ប្រើសម្ពាធពីមនុស្សជុំវិញខ្លួន
មនុស្សអាចចចេសពិតមែន ប៉ុន្តែពួកគេមិនចូលចិត្តពេលដែលមិត្តជុំវិញខ្លួនមើលទៅពួកគេក្នុងផ្លូវអាក្រក់ទេ ។ គ្រាន់តែចង្អុលបង្ហាញប្រាប់ពួកគេថា «នេះជាអ្វីដែលអ្នកដទៃកំពុងតែធ្វើ» ក៏អាចដាក់សម្ពាធឲ្យពួកគេផ្លាស់ប្តូរទម្លាប់បានដែរ ៕
ចែករំលែកព័តមាននេះ