ខេត្តស្វាយរៀង ៖ សង្ស័យការដេញថ្លៃគម្រោងកែលម្អរផ្លូវដីក្រាលបេតុងអាម៉េ មួយខ្សែប្រវែង២០៥ម៉ែត្រខុសប្រកតី ដោយបែកធ្លាយរឿងចែកទឹកតែគ្នាផឹក ដោយក្រុមហ៊ុនចូលទៅដាក់ដេញថ្លៃមាន០៨ក្រុមហ៊ុន ក៏ប៉ុន្តែក្រោយពីដេញថ្លៃក្រៅផ្លូវការនៅខាងក្រៅ ក្រុមហ៊ុនចំនួន០៥យល់ព្រម មិនដាក់សំណើរដេញថ្លៃទេ គឺមានតែ០៣ក្រុមហ៊ុនប៉ុណ្ណោះចូលដាក់សំណើរដេញថ្លៃ…
ខេត្តស្វាយរៀង ៖ សង្ស័យការដេញថ្លៃគម្រោងកែលម្អរផ្លូវដីក្រាលបេតុងអាម៉េ មួយខ្សែប្រវែង២០៥ម៉ែត្រខុសប្រកតី ដោយបែកធ្លាយរឿងចែកទឹកតែគ្នាផឹក ដោយក្រុមហ៊ុនចូលទៅដាក់ដេញថ្លៃមាន០៨ក្រុមហ៊ុន ក៏ប៉ុន្តែក្រោយពីដេញថ្លៃក្រៅផ្លូវការនៅខាងក្រៅ ក្រុមហ៊ុនចំនួន០៥យល់ព្រម មិនដាក់សំណើរដេញថ្លៃទេ គឺមានតែ០៣ក្រុមហ៊ុនប៉ុណ្ណោះចូលដាក់សំណើរដេញថ្លៃ ដោយបែកធ្លាយរឿងបែងចែកទឹកតែគ្នាប្តូរមិនដាក់សំណើរដេញថ្លៃ។
ហើយការដាក់ដេញថ្លៃកែលម្អរផ្លូវដីក្រាលបេតុងអាម៉េប្រវែង២០៥ម៉ែត្រនេះ ធ្វើឡើងនៅព្រឹកថ្ងៃទី២៤ ខែមិថុនា ឆ្នាំ២០២០ នៅសាលាសង្កាត់ស្វាយតឿ ក្រុងស្វាយរៀង ខេត្តស្វាយរៀង។
បើតាមក្រុមប្រឹក្សាសង្កាត់ស្វាយតឿ បានឲ្យដឹងថា សង្កាត់ស្វាយតឿ មានគម្រោងដេញថ្លៃកែលម្អរផ្លូវដីក្រាលបេតុងអាម៉េ ប្រវែង២០៥ម៉ែត្រ ទទឹង០៤ម៉ែត្រ កម្រាស់បេតុង០,១៥ម៉ែត្រ តម្លៃប៉ាន់ស្មាន ៨០,៤២៨,៩០០រៀល។ ហើយមានក្រុមហ៊ុនមកចុះឈ្មោះចូលរួមដាក់ដេញថ្លៃចំនួន០៨ក្រុមហ៊ុន តែជាក់ស្តែងពេលដំណើរការដាក់ដេញថ្លៃគឺមានតែ០៣ក្រុមហ៊ុនប៉ុណ្ណោះដែលចូលដាក់សំណើរដេញថ្លៃនៅសង្កាត់ស្វាយតឿ។
១-អ្នកចូលដេញថ្លៃទី១ ឈ្មោះ លុយ ផានិត តំណាងក្រុមហ៊ុនសុគន្ធសម្បត្តិ ដាក់ដេញថ្លៃ ៨០,១៥៥,០០០រៀល (ថ្លៃទាបអាចទទួលយកបាន)។
២- ឈ្មោះ សាន មុនីឧត្តម ក្រុមហ៊ុនសាន មុនី ដាក់ដេញថ្លៃ ៨០,៣៦០,០០០រៀល (ថ្លៃខ្ពស់មិនអាចទទួលយកបាន)។
៣-ឈ្មោះ អ៊ុន វីរៈ តំណាងក្រុមហ៊ុនថេង វណ្ណៈថេ ៦៦៦ ដាក់ដេញថ្លៃ ៨០,២៥៧,៥០០រៀល (ថ្លៃខ្ពស់មិនអាចទទួលយកបាន)។
ដូច្នេះក្រុមហ៊ុនដែលដេញថ្លៃបាន គឺក្រុមហ៊ុនសុគន្ធសម្បត្តិ ដែលដាក់តម្លៃទាប ៨០,១៥៥,០០០រៀល។
ក៏ប៉ុន្តែបើតាមអ្នកសង្កេតការសុំមិនបញ្ចេញឈ្មោះបានបង្ហើបឲ្យដឹងថា សង្ស័យការដេញថ្លៃនេះខុសប្រកតី ដោយឃើញមានបែងចែកប្រាក់ថ្លៃទឹកតែគ្នាជាមួយក្រុមហ៊ុនដែលមិនទទួលបានគម្រោងក្នុង១ក្រុមហ៊ុន២លានរៀល ដោយបែងចែកលុយគ្នានៅខាងមុខសាលាសង្កាត់តែម្តង។
ហើយនៅព្រឹកថ្ងៃទី២៤ ខែមិថុនា ២០២០ នៅសង្កាត់ស្វាយរៀង ក្រុងស្វាយរៀង មានដាក់ដេញថ្លៃចំនួន២គម្រោង តែត្រូវឆាចោល១គម្រោងទៀតផង។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ